Сатуев, Хусейн Джунидович
Сатуев Хусейн Джунидович (1939 шеран 11 апрель, Iалхан-Юрт, Нохч-ГӀалгӀайн Автономин Советийн Социалистийн Республика — 1995 шеран 6 февраль, Iалхан-Юрт, Нохчийн Республика) — советан поэт, СССР йаздархойн бертан декъашхо (1979).
Биографи
Хусейн Сатуев винера 1939 шарахь Нохч-ГӀалгӀайн АССР Хьалха-Мартанан кӀоштан Ӏалхан-Йуртахь. Цо чекхйаьккхира Нохч-ГӀалгӀайн хьехархойн институтан филологин факультет 1963 шарахь.
Иза вара школехь нохчийн мотт а, литература а хьоьхуш. Шен дахаран тӀаьххьара шерашкахь иза вара республикин йаздархойн союзехь консультант болх беш. Цо йазйина байташ йара оьрсийн а, кхоьчу а меттанашка йохуш. Тахана а лоькхуш йу цуьнан байташца йаьккхина эшараш.
Цо нохчийн матте йаьккхира цхьайолу Николай Некрасован байташ а, таханлера оьрсийн поэташ йазйина байташ а. Иштта цо нохчийн матте йаьккхира Ханпаша Нурадиловх лаьцна йолу Николай Сергеевс йазйина поэма «ЦӀишах буьзна малх».
Библиографи
- «Дитя гор» (1967)
- «Напевы матери» (1969)
- «Знамя отцов» (1975)
- «Йист йоцу аре» (1978)
- «БӀаьстенан мукъамаш» (1981)
- «ЦӀий а, зезагаш а» (1981)
- «Хазалла йовзар» (1984)
- «Дахаран абат» (1988)
- «Чов йина илли» (1991)
Иэс
2024-чу шеран хӀутосург баттахь А. А. Айдамиров цӀарах йолчу Нохчийн Республикин Къоман библиотекехь дӀаяьхьира иэсан суьйре, поэт Хусейн Сатуев вина 85 шо кхачарна лерина[1].
Билгалдахарш
- ↑ Вечер памяти Хусейна Сатуева. Газета Аргун (2024 шеран 24 май). ТӀекхочу дата: 2026 шеран 26 март.