Савин, Михаил Александрович
Савин Михаил Александрович (1941 шеран 24 ноябрехь — 2008 шеран 23 февралехь) — желтойн-руман латарехь Российн хьакъдолу тренер. Невьянск гӀалин Сийлахь гражданин[1].
Биографи
Спорте лела волавелла 1956 шарахь Невьянск гӀалара ГПТУ-33 боксан секце. Ишколехь волуш иза лелара дуккху а спортан тайпанашка: йайн атлетике, лыжийн спорте, баскетболех ловзар, йукъара физикин кечам бора. Ишколан гулйина командашкахь хилар.
1958 шарахь иза дӀавахара Нижни Тагиле. Нижни Тагилан гӀишлошйаран техникуме деша вахара иза, цигахь вевзира Лопатин Александр, латарца шовкъ хилира цуьнан. Уралан а, Сибрехан а зонин чемпион, «Труд» лаамехь спортан йукъараллин Центран Кхеташонан совгӀатхо кегийрхошна а, жимахошна а йукъахь. Кхочушйина спортан мастеран кандидатан стандарт ССРС. 1964 шарахь Михаил Александровича техникум чекхйаьккхира, шен даймахка цӀавоьрзу. Дукха хан йалале СССР-н Герзан Ницкъийн могӀаршка кхайкхира эскаре гӀуллакх дан.
1965 шарахь эскарера демобилизаци а йина, йухавеара Невьянске. ГӀалин коммуналан хьукматан цхьана декъехь гӀишлошйаран ремонтан бригадир балха хӀоьттира иза. Шен лаамехь цо вовшахтоьхна Пионерийн цӀийнехь желтойн-руман латаран секци. 120 кӀант веара хьалхарчу Ӏамоле. Уьш кхиъна спортан говзанчаш: Валентин Христолюбов, Владимир Кесарь, ЗахӀид Юсупов[2], Мальтыков Юрий а, дуккха а кхиберш а. Верриг а кечвина 33 спортан говзанча, царех: профсоюзийн спортхошна йукъахь дуьненан чемпион, дуьненайукъара классан спортан говзанча Чучумов Игорь; Кегийрхойн Европин чемпионатан детин мидалхо Селянкин Анджей. Юсупов ЗахӀида шен хьехархочун болх кхидӀа а дӀа а баьхьна, лаккхара кхиамаш а баьхна, Россин хьакъволу тренер цӀе а елла.
1964 шарахь Савин М. А. гӀалин физикин оьздангаллин а, спортан а комитетан председателан дарже. Амма тренеран болх ца сацийра, кхин дӀа а Ӏамийра цхьа тоба латархой.
ВЛКСМ гӀалин комитетан а, гӀалспорткомитетан ницкъашца 1965 шарахь ДЮСШ дӀадиллира латаран дакъа.
1971 шарахь чекхйаьккхира Свердловскан пачхьалкхан хьехархойн институтан дуьхьала воцуш дакъа. 1973 шарахь дехьавелира ДЮСШ балха лакхарчу тренеран дарже.
1981 шарахь дехьавелира Невьянскера деши доккху шахте, хьалха шахтин белхало. 1983 шарахь шахто йира берийн клуб «Горняк», оцу хенахь дуьйна болх беш ву клубан председатель а, тренер а.
2008 шарахь дуьйна Невьянскехь дӀахьо желтойн-руман латарехь М. А. Савинан иэсан къийсамаш[3].
СовгӀаташ а, сийлаллин цӀераш а
- Российн хьакъдолу тренер (1995)
- Физикин оьздангаллин а, спортан а тӀаьх дика белхало
- РСФСР халкъан серлонан тӀаьх дика белхало
- Свердловскан облспорткомитетан, Свердловскан областан физикин оьздангаллин, спортан, туризман министраллин, Невьянск гӀалин куьйгалхочун, УГМК урхаллин, республикин физикин оьздангаллин а, спортан а комитетан грамоташца совгӀат дина.
- Невьянск гӀалин Сийлахь гражданин
Билгалдахарш
- ↑ СПОРТСМЕНЫ, СПОРТИВНЫЕ РАБОТНИКИ И РУКОВОДИТЕЛИ УРАЛА ПОЧЕТНЫЕ ГРАЖДАНЕ. ТӀекхочу дата: 2017 шеран 7 сентябрь. Архивйина 2017 шеран 30 июлехь
- ↑ ЮСУПОВ ЗАХИД ЖАВАТОВИЧ. ТӀекхочу дата: 2017 шеран 7 сентябрь. Архивйина 2017 шеран 7 сентябрехь
- ↑ В Невьянске прошли состязания по Греко-римской борьбе, посвященные памяти Савина. ТӀекхочу дата: 2021 шеран 30 март. Архивйина 2021 шеран 11 апрелехь