Савин, Иван Алексеевич

Савин Иван вина 1953 шеран 24 апрелехь Архангельски йуьртахь Будённовскан кӀоштан Ставрополан мехкан. Ша винчу йьртахь чекхйаьккхина йуккъера ишколан 8 класс^[1].

• 16.05.1971 года — эскаре вигина.
• 1972 — декъан баьчча.
• 1973 — взводан баьччин гӀовс.
• 1973—1977 — курсант, курсантийн ротин старшина. Харьковн ГЛТБД. Чекхйаьккхира тӀех дика махъ хадорца.
• 1977—1978 — танкийн взводан баьчча, 2-гӀа гвардин эскар, ГЭСТ.
• 1978—1981 — танкийн ротин баьчча.
• 1981—1984 — танкийн батальонан штабан хьаькам.
• 1984—1987 — БЭТӀА баьчаллин факультетан ладогӀархо.
• 1987—1989 — мотокхийсархойн полкан баьччин гӀовс, штабан хьаькам.
• 1989—1994 — 693-гӀа гвардин мотокхийсархойн полкан баьчча.
• 31.03.1994—02.01.1995 — КъСКТӀГ 67-гӀа эскаран корпусан 131-гӀа къаьстина мотокхийсархойн бригадин баьчча (Майкоп).

131-гӀа къаьстина мотокхийсархойн бригадин баьччин полковникна Савинна омра кхаьчна 1994 шеран декабрь беттан йуьххьехь бригадица цхьаьна Нохчийчу ваха веза, низамехь йоцу формацеш герзах йохуш операци дӀайахьа. Соьлжа-ГӀалин "Северни" аэропортан кӀоштахь ша дӀакхаьчча, Савинна омра кхаьчна Нефтянка хин йистехь аса дӀалаца, тӀелета тобанаш а, кхин а дакъошна гӀалин къилбаседан тобане федералан эскарийн дехьабохуш гӀоде. Амма 1994-чу шеран 31-чу декабрехь 11 сахьт даьлча керла декхар кхаьчна: бригадин цхьаьнатоьхна тоба гӀалина чу а йахана, цӀерпоштнекъан вокзал схьайаккха аьлла. 1995 шеран 1 январехь 13 сахьт даьлча полковник Савинан куьйга кӀел йолчу цхьаьнакхетначу тобано шен тӀеман мисси йуьззина чекхйаьккхира, станци схьа а лаьцна, йуьззина го латтийра, кхечу дакъошкара а, формацешкара а тӀеман ницкъ кхачаре сатуьйсуш. ТӀом боьдучу хенахь дакъошна баккхий эшамаш хилира: бригадан 157 стаг вийра (шайна йукъахь 24 эпсар вара). Иштта бригадин йохийра 22 танк а, 45 гӀашлойн тӀеман машен а, 37 машен а. Луьра тӀом болчу хенахь бригадин баьччийна Савинна ши чов йира (тӀом болалуш к\ажех кхетта, ткъа цхьа хан йаьлча гранатометан гераг голин тӀе кхетта), амма кхидӀа а баьччалла дира.

Станцехь чӀагӀбеллачарна гӀоьналлин колоннаш хьажо гӀертар а кхиаме ца хилира, ткъа тӀемалойн тӀелатар чӀагӀделира. ГӀо догӀур доцийла кхеттачу полковника Савина вовшахтоьхна белларш а, чевнаш хилларш а арабахар. Лазийначаьрца йолу хьалхара колонна йухайаьллачул тӀаьхьа, Савина станцера йухадовла омра дира, амма полковникан тоба герз тоьхна, дӀатесначу автодепо йухайелира. Жимма са а Ӏа даьӀна, Савина сацам бира тӀом а беш, цу чухула чекхвала, амма хьалха гӀортар тӀемалоша йухатуьйхира. Тоба йуха а хьалха хиллачу метте кхоьссина, цигахь бумбанаш а кхийсира. Цхьа гераг полковникан Савинан бӀаьргах кхетта. Иван Савин кхелхира. Тобанна гӀо дан йуккъехула иккхинчу бригадин кхоалгӀачу ротан тӀемалоша, полковникан дакъа машенан багажник чу а диллина, иза дӀадахьа гӀоьртира, амма шаьш а герз тоьхна, белира.

Полковник Савинан дакъа карийра 21-гӀа январехь. 1995 шеран 26-гӀа январехь Иван Савин тӀемлойн сийлаллашца дӀавоьллира ша винчу йуьртахь Архангельскехь.