Музуров, Бекмагомед Абдулвахьидан воӀ
Бекмагоме́д Абдулва́хьидан воӀ Музу́ров (оьрс. Бекмагомед Абдулвахидович Музуров; 1985 шеран 7 сентябрь, Ленински, Ставрополан мехкайист) — россин пачхьалкхан гӀуллакххо а, администратор а, журналист а, блогер а. Нохчийн Республикин къоман политикехула а, арахьарчу зӀенехула а, зорбанехула а, хаамехула а министран гӀовс[1][2].
«Ламберт» псевдонимца шуьйра вевзаш ву Музуров Бекмагомед[3].
Биографи
2003-чу шарахь чекхйаьккхина Ставрополан мехкан Левокумски кӀоштан Ленински № 13 йолу йуккъера ишкол. Оццу шарахь иза Нохчийн Республике дӀавахара.
2008-чу шарахь дикачу балхаца чекхйаьккхира Нохчийн пачхьалкхан университетан латталелоран факультет, «Йуртабахаман сурсаташ арахецаран а, йухадааран а технологи» говзалла карайерзийна[1].
2007—2011 шерашкахь Россин Федерацин Пачхьалкхан Думан (5-гӀа кхайкхам) депутат волчу Завгаев Ахьмаран шен лаамехь гӀоьнча вара иза[1].
2010-чу шарера 2014-чу шаре кхаччалц Нохчийчоьнан йуртабахаман министерствон говзанча болх бина цо[1].
2014—2017 шерашкахь — Нохчийчоьнан йуртабахаман министерствон ПУП «Веденский хлебозавод» директор вара[1].
2017-чу шарахь дикачу балхаца чекхйаьккхина Ставрополан пачхьалкхан латталелоран университет, экономикан магистратура[1].
2018—2020 шерашкахь — «Грозный (телеканал)» интернет-редакцин корреспондент вара[1].
2019—2020 шерашкахь: чекхйаьккхина «Хаамийн гӀирсийн белхахой кечбаран а, йухаӀаморан а центр» кхидӀа говзалла Ӏаморан пачхьалкхан автономин институт, «Журналистикан бух» говзалла карайерзийна[1].
2020—2021 шерашкахь — «Грозный (телеканал)» интернет-редакцин коьрта редактор вара[1].
2021-чу шеран оханан беттара лахьанан батте кхаччалц берийн а, кегийрхойн а программийн декъехь кхочушдаран продюсер вара. Цо шен кегийрхойн самукъадаккхаран «Салам-шоу» программа дӀахьора, цӀейаххана нах а, блогерш а кхойкхуш[1][4].
2021-чу шарера 2026-чу шаре кхаччалц Нохчийчоьнан къоман политикехула а, арахьарчу зӀенехула а, зорбанан а, информацин а министерствон информацин а, зорбанан а департаментан директоран даржехь лаьттина[1].
2026-чу шеран кхолламан баттахь дуьйна Нохчийчоьнан къоман политикехула а, арахьарчу зӀенехула а, зорбанан а, информацин а министран гӀовс вара иза, Нохчийчохь хаамийн гӀирсийн гӀуллакхна тӀехь терго латтош[1].
СовгӀаташ
- Сийлаллин билгало «Сийлахь къинхьегамна» (2021)[5][6];
- Мидал «Нохчийн Республикина хьалха дина гӀуллакхашна» — «Нохчийчоьнан йукъараллин-политически хиламаш лаамза довзийтарехь а, махкара журналистика кхиорехь а, тойарехь а цо дакъалацарна»[1][7];
- Цунна сийлаллин грамоташ а, баркаллин кехаташ а делла Россин тайп-тайпанчу йукъараллин организацешкара, Нохчийн Республикин министерствошкара а, ведомствошкара а[1].
Доьзал
- Да — Музуров Абдулвахид Абдуллаевич (1942—2003);
- Нана — Музурова Яха Азизовна (йина 1949 шарахь);
- 2 ваша а, 3 йиша а йу;
- Зуда йалийна ву, цуьнан диъ бер ду[8].
Билгалдахарш
- ↑ 1 2 3 4 5 6 7 8 9 10 11 12 13 14 Музуров Бекмагомед Абдулвахидович. minnacinform-chr.ru. ТӀекхочу дата: 2026 шеран 16 июнь.
- ↑ Музуров Бекмагомед Абдулвахидович. Партия «Единая Россия». ТӀекхочу дата: 2026 шеран 16 июнь.
- ↑ СаЛам-шоу с Ламбертом Музуровым. vkvideo.ru. ТӀекхочу дата: 2026 шеран 23 июнь.
- ↑ СаЛам-шоу с Ламбертом Музуровым. vkvideo.ru. ТӀекхочу дата: 2026 шеран 16 июнь.
- ↑ Российская Федерация. Списки награжденных. www.zinref.ru. ТӀекхочу дата: 2026 шеран 16 июнь.
- ↑ Указ Главы Чеченской Республики от 30.12.2021 № 293 О награждении наградами Чеченской Республики. chechnya-gov.ru (2021 шеран 30 декабрь). ТӀекхочу дата: 2026 шеран 16 июнь.
- ↑ Похожие материалы Ахмед Дудаев наградил отличившихся сотрудников МинНацИнформ и СМИ ЧР (2024 шеран 8 август). ТӀекхочу дата: 2026 шеран 16 июнь.
- ↑ Музуров Бекмагомед Абдулвахидович. www.rosdek.org. ТӀекхочу дата: 2026 шеран 16 июнь.
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |