Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Маслов, Сергей Владимирович (бизнесмен)

Маслов, Сергей Владимирович (бизнесмен) (1960 шеран 15 август, Соьлжа-ГӀала) — Российн бизнесхо а, йукъараллин гӀуллакххо а ву. 2000 шарахь дуьйна тайп-тайпанчу хенахь болх бира «Транснефтепродукт» АО а, «СПбМТСБ» АО а, Россин говрийн федерацин президентан даржехь а, «Урал промышленни — Урал поляран корпораци» ОАО генеральни директоран даржехь а (2015 шарахь дуьйна «Кхиаран корпорацехь» АО).

Лаккхара дешар долуш ву. Москохарчу пачхьалкхан юридикан академин (МПЮА) чекхъйаккхина цо.

Биографи

Маслов Сергейс шен белхан некъ дӀаболийна 1975-чу шарахь «Сургутнефтегазехь»(оьр.)нохч. . Цо йехха хан йаьккхира Тюменан къилбаседехьа мехкадаьттан меттигаш кхиош: Сургутера технологийн транспортан дирекцехь дикалла Ӏалашъйаран мастер а, «Когалымнефтегазстрой» трестан секцин мастер а, «Сургутнефтедорстройремонт» трестан леррина секцин мастер а.

1990-гӀа шераш дуьйлалуш НК «Лукойл» кхоьллинчул тӀаьхьа цо лаккхарчу даржашкахь болх бина компанин долахь йолчу компанешкахь. 1992 шарахь дуьйна «Лукойл Трейдинг» компанин инарла директоран даржехь вара, ткъа 1996 шарахь дуьйна «Лукойл» мехкадаьттан компанин лакхара даржаш а, «Лукойл Интернешнл» (Вена, Австри) президентан даржехь а вара иза.

2001 шеран чиллин беттан дуьйна иза вара биргӀанаш дӀасалелочу Мехкадаьттан турбанаш йахкаран дӀасалелоран акционерийн компани «Транснефтепродукт» ОАО президентан даржехь. 2008 шеран хӀутоссург беттан дуьйна товбецан беттан кхаччалц шина даржехь вара Маслов: «Транснефтепродукт» АК а, ЗАО «СПбМТСБ» а, куьйгалхо. 2008 шеран товбецан беттан Масловс дӀатесира «Транснефтепродукт» АК компанин президентан дарж, биржан куьйгалхо висира.

2008 шеран оханан беттан 28-чу дийнахь иза хилира ЗАО «СПбМТСБ» президент (хаьржина акционерийн гуламехь).

2013 шеран хӀутоссург беттан 30-чу дийнахь ОАО «Кхиаран корпорацин» Ӏуналла даран кхеташонан сацамца иза хӀоттийра генеральни директоран дарже.

Проекташ

Транснефтепродукт

2005—2008 шерашкахь Масловс стратегин урхалла дира керла «Кстово-Второво-Ярославль-Кириши-Приморск» магистралан нефтепродуктопроводашна — «Север» проектана. Кхаа шарахь йина турбанаш йахкар, Россин Федерацин исс хӀоттаман субъектехула чекхъйаьлла. «Север» проектан ницкъ бу шарахь 8,4 млн тонна нефтепродукташ дӀасадаржо (планан ницкъ бу шарахь 20 млн тонне кхаччалц). Магистралан гӀуллакх деш ву 17 эзар стаг. Иза дӀайелла эксплуатацина 2008 шеран хӀутосург беттан.

Проектан мах бара 30,9 млрд сом, цунах 7,6 млрд сом хьажийна Приморскан портехь кхечунна тӀедоттаран ницкъалла кхолла.

«Север» проектан Ӏалашо йара уггаре а хьалха Малхбузе а, Къилбаседа Европе а кӀезиг нефтепродукташ дӀасадаржо турбанаш йахкар кхолла.

Петарбухера дуьненайукъара йохк-эцаран а, аьргаллин а, биржа

2008 шарахь Масловн куьйгаллица кхоьллина говзанчийн тоба, цара кхоьллина спот-йохк-эцаран биржан майда — ЗАО «СПбМТСБ». Россин даймехкан биржан механизман йохк-эцаран рынкан кхолларан Ӏалашо йара Россин рынкехь коьрта операторийн нефтепродуктан а, мехкадаьттан а, йалтан а, хьуьнан а, минералан кхачанан хьашташ кхочушдар а, царна пачхьалкхан чоьхьарчу рынкана нийсонца мехаш хӀитторан механизм латтор. Биржан уставан капитал йу — 750 миллион сом. Даима лелачу декъашхочун статусан мах бу 6 миллион сом. 2008 шеран асаран беттан 5-чу дийнахь биржина лицензи йелира финансийн рынкийн федеральни службера биржехь йохк-эцар вовшахтоха. 2010 шеран хӀутоссург беттан биржа совъйаьлла махкахь нефтепродуктийн рынкехь йохкаран барамах 2,1 млн тонн, биржан йохк-эцар йолайелчхьана йерриг биржан оборот 70 млрд сом сов йара. 2011 шарахь биржа совъйаьлла махкахь нефтепродукташ дохкаран барамна 10 млн сов тоннал, йерриг мах 120 млрд сов сом дара. Цуо иза йира дуьненахь уггаре йоккха биржа спотан нефтепродуктийн йохк-эцар лелош. Биржехь йохка-эцар лелайо «Роснефть» а, «ТНК-ВР» (2010 шо кхаччалц) а, «Сургутнефтегаз» а, «Лукойл» а, «Газпром нефть» а, «Башнефть» а, НК Альянс, кхин а мехкадаьттан компанеш.

Кхиаран корпораци

2013 шеран асаран беттан дуьйна, ОАО «Кхиаран корпораци» проектан гурашкахь, Масловс куьйгалла до «Къилбаседа широтан лелар» (КъШЛ) федералан проект кхочушъйарна кечамбарна. 2015 шеран товбецан беттан 12-чу дийнахь хилира КъШЛ коьртачу проектех цхьаннан автомобилийн дакъа — Надым хина дехьа цхьаьнатоьхна тӀай — церемониалехь схьаделлар, иза чекхдаккха лерина дара 2015-гӀа шо чекхдолуш. Цхьана новкъа цӀерпоштнекъан лини а, некъ а йукъалоцуш долу тӀай Уралан федеральни кӀоштан уггаре а йоккха искусственни транспортан инфраструктуран дӀахӀоттор хилла дӀахӀоьттина. Надым хин дехьа тӀай схьаделларо дӀайаьккхира понтонан а, тӀайн а, бахьнехь хилла дӀасадалар, дӀайаьхна Ӏаь а, мерза хи а чекхдала новкъарло йеш йолу искусственни дуьхьалонаш.

ТӀай — 1,3 км сов деха ду. Машенийн проектан чехкалла — 100 км/с йу. Йуккъерчу барамехь дийнахь — 3 эзар машен дӀасалела йиш йу. ТӀай даран йерриг а мах (подходаш а, аьчканекъан дакъа а йукъа а лоцуш) бу 14 миллиард сом.

ТӀай коьрта элемент йу «Сургут — Салехард» автомагистралан некъан а, «Салехард — Надым — Коротчаево» цӀерпоштнекъан а. Иза лерина йу цӀерпоштаца товар дӀасалело а, хин дуьхь-дуьхьал бердашца лаьттачу нах бехачу меттигашна йукъахь дерриг шарахь некъан зӀе латто а.

Организацишкахь декъашхо хилар

Дуккха а шерашкахь Маслов Сергейс болх бира Россин Федерацин Ӏедалан йагориг-энергетикан комплексан а, маьӀданийн ресурсийн база карлайаккхаран а комиссехь а, «Интер РАО УЭС» а, ОАО «РусГидро» а, АО «АТС» а, ОАО «ЦФР» компанийн директорийн кхеташонехь а.

СовгӀаташ а, цӀераш а

  • Россин Федерацин энергетикан министерствон Сийлаллин грамота йелла (2003 шо);
  • «Сийлахь нефтяник» сийлахь цӀе йелла цунна (2003 шо);
  • ДоттагӀаллин орден йелла (2006 шо).

Доьзал

Бераш: Анна а, Никита а.

Ваша: Виктор Владимирович Маслов. 1999—2001 шерашкахь Маслов Виктор вара цхьаъ бен йоцучу Российн машен хохкуш тобанан — FIA Formula 3000 Arden Team Russia — машенлелорхо. Оццу шарахь ша Маслов Сергейс дакъалецира Российн цхьана маркин машен чӀагаран хохкуш кубокехь — VW-POLO кубокехь.

Хьажоргаш

Категореш