Магомадова, Фариза Вагабовна

Махках даьхначу шерашкахь Фариза Ташкентан текстильни институте(оьр.)нохч. деша хӀоьттира, амма цхьа хан йаьлча цигара дӀайала дийзира цуьнан. ТӀаккха иза Чимкентан хьехархойн институтан физико-математически факультете хӀоьттира, цунна уллехь йуьртан школехь математикин хьехархочун болх а беш. Маре а йахара иза, амма майра дукха хан йалале кхелхира. Иза веллачул тӀаьхьа пхи бутт баьлча цуьнан йоӀ дуьнен чу йелира. Эвлан школехь цо 11 шарахь болх бира.

1957-чу шарахь иза цӀа, махка йухаеара. Соьлжа-ГӀалин Черноречьехь йолчу № 31 школан дешаран декъан куьйгалхочун (завучан) балха хӀоьттира иза. Ши шо даьлча иза ламанхойн йоьӀрийн школа-интернатан директоран дарже хӀоттийра. Ишттачу школан хьашт дара дукхачу нохчашна шайн йоӀрий гӀалийн школашкахь дешийта ца лаарна. Цундела оцу хенан республикин куьйгалхойн декъашхоша масал гайтира кхечарна, шайн йоӀрий оцу интернате деша дӀа а луш. Хьалхарчу наборехь 25 йоӀ йара. ТӀаьхьа и терахь йалх бӀе кхаччалц хьаладахара.

Интернатна бегаш боцуш йоцуш, «институт благородных девиц» а олура. Оцу школехь бен йацара оцу хенахь цхьайтталгӀа класс. Цо йоьӀаршна школехь хьеха оьшуш долу хаарш лора — йуьртан школашкахь хьехархойн йоккха къоьлла яра. Кхечу массо а школашкахь хуьлучул совнаха, интернатехь хелхарш, эшарш, цӀера белхий, гӀуллакхаш Ӏамадора. «Хаза болар» а хьоьхура цигахь^[1].

• РСФСР-н хьакъйолу хьехархо (1960);
• Ленинан орден (1960).