Кружиловка
Кружиловка — Луганскан Халкъан Республикин Краснодонан кӀоштан йуьрт[2]. Де факто — 2014 шарахь дуьйна Луганскан Халкъан Республикин йукъахь йу.
Луганскан Халкъан Республикин а, Российн Федерацин а йукъара 30.09.2022 шарахь бинчу берто билгала боккху ЛХР мохк, оцунна йукъахь Кружиловка йуьрт а йу, Российн Федерацин керла субъект санна[3].
Украинин Ӏедало иза къуьйсу, лора ЛХР мохк Украинин Луганскан областан мохк.
Йукъйоьду Пархоменковн йуьртан кхеташонна.
Географи
Йуьрт лаьтта Северски Донецан аьтту берд тӀаьхь. Лулара нах беха меттигаш: йарташ Давыдо-Никольски (Северски Донецан лахенашках) къилбехахь, Ивановка, Водоток, Огульчанск къилба-малхбузехь, Хорошилово, Пархоменко, Новокиевка (Северски Донецан лакхенашкахь) малхбузехь.
Климат
Кхузахь климат барамехь континенталан йу, аьхка йовха хуьлу, ткъа Ӏа барамехь-шийла хуьлу. Шеран уггаре а бовха бутт бу — июль (мангалан), уггаре а шийла — январь (кхолламан).
Бахархой
2001 шеран бахархой багарбаран жамӀашца йуьртахь вара 199 стаг, царех 51.26% гайтина ненан мотт украинин, 47,74% — оьрсийн, ткъа 1% — кхин.
Истори
XVIII бӀешарахь Кружилка, Довга, Морозовн, Крутан боьранаш чохь Донецан тӀеххула йуьртан гергахь йара запорожьен гӀазакхин Ӏойлаш, уьш йара Запорожьен Лахара Эскаран Кальмиуссан паланкех.
1859 шеран хаамашца хазнин Екатеринославскан губернин Славяносербскан уездан йуьртахь Новобожедаровка (Кружилка) вехара 1209 стаг (278 боьрша, 297 стен стаг), йуьртахь дара 78 хӀусам, православин килс, завод, Северски Донец эрк тӀоьхула волийла а[4].
1886 шеран хаамашца Макаро-Яровски волостан йуьртахь вехара 489 стаг, 90 хӀусам, йара православин килса, килсин баккхал, шарахь шозза базар йора.
Архитектура
Йуьртахь лаьтта шира гӀишло — Свято-Никольски йерда. Меттигерчу бахархоша чӀагӀдо цуьнан 300 сов ш оду бохуш. Масийттаза йерда тоян гӀиртира, амма болх сацийра — тхевнца карийра эккханза йокка тоьпан хӀоъ.
Историн нах
Кхо шо долуш дуьйна Божедаровка йуьртахь ваьхна хин волу украинийн поэт Н. Ф. Чернявский, цуьнан да мозгӀар вара цигахь. Дешна Николайс луларчу Митякински гӀалахь. Цуьнан кхоллам иштта хилира, ЧернявскигӀеран доьзалан дийзира мохк бита, амма поэта низа биц ца белира. Ца диц делира эркаш, бай-аренаш, хьун, киран кӀайн лаьмнаш, «де бувало хлопцем тут сидів», де «все той же краєвид широкий» йаздира Николай Фёдоровича дерриг дахарехь.
Йукъара хаамаш
Поштан индекс — 94453. Телефонан код — 6435. ДӀалоцу майда 2,303 км².
Меттигера кхеташо
94450, ЛХР, Краснодонан кӀ-т, Пархоменко й., Ленинан ур., 12а; тел. 99-2-34
Билгалдахарш
- ↑ Схематичная карта Луганской округи 1928 года
- ↑ Закон об административно-территориальном устройстве Луганской Народной Республики. Луганский Информационный Центр, (2023 шеран 14 март).
- ↑ Договор между Российской Федерацией и Луганской Народной Республикой о принятии в Российскую Федерацию Луганской Народной Республикой и образовании в составе Российской Федерации нового субъекта от 30 сентября 2022 года (ратифицирован Федеральным законом от 4 октября 2022 года № 373-ФЗ, вступил в силу 5 октября 2022 года, письмо МИД России от 05.10.2022 № 19696/дп). Официальный интернет-портал правовой информации (2022 шеран 3 октябрь).
- ↑ Екатеринославская губернія съ Таганрогскимъ градоначальствомъ. Списокъ населенныхъ местъ по сведениям 1859 года. Изданъ Центральнымъ Статистическимъ Комитетомъ Министерства Внутреннихъ Делъ. Обработанъ редакторомъ И Вильсономъ. 1859. — IV + 452 с., (стр. 2260)
