Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Егоров, Василий Григорьевич

Василий Григорьевич Егоров (1899, Тамбовн губерни[d] — 1950 шеран 4 июль, ССРС) — советски партин а, пачхьалкхан гӀуллакххо. Шина баттахь ССРС-н НКВД-н лерринчу тройкехь а, политикан репрессийн зе хилла а вара иза.

Биографи

Вина 1899-чу шарахь Тамбовски губернин Козловски уездан Берёзовка йуртахь. 1915-чу шарахь Бакох дӀавахара. Хьаьрсахо, кехатхо, массо а тайпа белхаш деш болх бира. Къомах оьрсий вара.

1917-чу шеран бекарг баттахь РСДРП(б) декъашхо хилира, цуьнан балхахь жигара дакъалаца волавелира. 1917-чу шарахь дуьйна 1922-чу шарахь кхаччалц Бакун Советан инструктор-агитатор, Бакун коммунин(оьр.)нохч. СНК-н жоьпаллин секретарь а, РКП(б) Бакински комитетан Президиуман декъашхо вара. Легальни йоцу партийн газет редактор вара. Бакун Советан Кхочушдаран комитетан председателан заместителан меттиг дӀалецира.

1922-чу шарахь Бакински гӀалин Советан Кхочушдаран комитетан председатель хилира. 1923—1924-чу шерашкахь Москохахь РКП(б) ЦК-хь а, Краснопресненски РКП(б) кӀоштан комитетехь а болх бира. 1924—1925-чу шерашкахь Омски РКП(б) губернски комитетан жоьпаллин секретарь вара.

1930—1936-чу шерашкахь ВКП(б) райкоман секретарь, ВКП(б) Москохан горкоман секретарь, Центросоюзан председателан заместитель волуш болх бира.

1936-чу шеран гӀуран беттан 5-чу дийнахь, Нохч-ГӀалгӀайн автономни область Нохч-ГӀалгӀайн Автономни Советски Социалистически Республике йерзайалале, ВКП(б) Нохч-ГӀалгӀайн обкоман (АО) хьалхара секретарь вара. Оцу хенахь дуьйна 1937-чу шеран эсаран беттан 10-чу дийнахь кхаччалц ВКП(б) Нохч-ГӀалгӀайн обкоман хьалхара секретарь вара. Оцу ханна НКВД ССРС-н 30.07.1937 № 00447 леррина тройкаца кхоллина составехь вахарах билгалдаьккхина ду, иштта сталинан репрессешкахь дакъалацар а долуш[1]. ВКП(б) Нохч-ГӀалгӀайн областан комитетан Пленуман тогӀамца (1937 шеран эсаран беттан 7-10 деношкахь) ВКП(б) Нохч-ГӀалгӀайн областной комитетан 1-гӀа секретаран декхарш кхочушдаран балхах къаста вина.

Даржера дӀаваьллачул тӀаьхьа 1938-чу шеран оханан беттанна кхаччалц Ярославле планови отделан начальник волуш болх бира.

XV (1927) а[2], XVI (1930) а[3], ВКП(б) съездийн делегат вара, иштта XVI (1929) а[4], XVII (1932) а партийн конференцийн а делегат вара[5].

Лацар а, хенахь ваьлла а

1938-чу шеран хӀутоссург беттан 1-чу дийнахь иза лаьцна вара. 1941-чу шеран мангалан беттан 13-чу дийнахь цунна 20 шо къастийна, маршонна паргӀато йоцу жазо йина. Цунна тӀехь бехк баккхийтира, шаьш аьлла, 1922-чу шарахь дуьйна немцойн разведкин агент вара, ткъа 1936-чу шарахь дуьйна Къилбаседа Кавказехь антисоветски «право-троцкистски организацин» жигара дакъалацархой вара. Иштта аьлла, «право-троцкистски къайлахь латта организаци куьйгалла деш, Нохч-ГӀалгӀайн АССР-н нефтан промышленностехь а, йуьхьанцара бахамехь а бакъ долу гӀуллакх кхоьруш долу, зен-зулам тосу белхашна куьйгалла дира» бохуш бехке вира[6]. 20 шо хан туьйхира набахтехь даккха. Иза тюрьмехь велла 1950-чу шеран мангалан беттан 4-чу дийнахь[7].

1955-чу шарахь (кхечу хаамашца — 1957-чу шарахь[6]) иза реабилитаци йина вара.

Билгалдахарш

  1. ↑ Сталинский план по уничтожению народа: Подготовка и реализация приказа НКВД № 00447 «Об операции по репрессированию бывших кулаков, уголовников и других антисоветских элементов» // Архив Александра Н. Яковлева. web.archive.org. ТӀекхочу дата: 2026 шеран 20 май.
  2. ↑ Делегаты XV-го съезда ВКП(б) 2—19.12.1927. web.archive.org. Справочник по истории Коммунистической партии и Советского Союза 1898—1991. ТӀекхочу дата: 2026 шеран 20 май.
  3. ↑ Делегаты XVI-го съезда ВКП(б) 26.6 — 13.7.1930. Справочник по истории Коммунистической партии и Советского Союза 1898—1991. ТӀекхочу дата: 2026 шеран 20 май.
  4. ↑ Делегаты XVI-й конференции ВКП(б) 23—29.4.1929. web.archive.org. Справочник по истории Коммунистической партии и Советского Союза 1898—1991. ТӀекхочу дата: 2026 шеран 20 май.
  5. ↑ Делегаты XVII-й конференции ВКП(б) 30.1 — 4.2.1932. Справочник по истории Коммунистической партии и Советского Союза 1898—1991. ТӀекхочу дата: 2026 шеран 20 май.
  6. ↑ 1 2 Егоров Василий Григорьевич (1899) // Открытый список. ТӀекхочу дата: 2026 шеран 20 май.
  7. ↑ Егоров Василий Григорьевич - партийный деятель, репрессирован. web.archive.org. ТӀекхочу дата: 2026 шеран 20 май.

Хьажоргаш

Кхин дӀа темана тӀехь

Категореш