Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Джабраилова, Замира Юсупан йоӀ

РУВИКИ чохь изза фамили йолчу кхечу адамех лаьцна йаззамаш бу Джабраилов.

Замира Юсупан йоӀ Джабраилова (оьрс. Джабраилова, Замира Юсуповна; 1991) — «Нохчийчоьнан хазалла 2006» а, «Къилбаседа Кавказан хазалла 2006» а конкурсийн толамхо. «Firdaws» модан цӀийнан коьрта модель а, Нохчийчоьнан кегийрхойн гӀуллакхашкахула министран хьалхара гӀовс а[1][2].

Биографи

Нохчийн къомах йу иза. Бералла Волгоградехь дӀайаьхьна цо, шен доьзалца Нохчийчу дӀайахале. Соьлжа-ГӀаларчу 14-чу ишколехь дешна, Москохь университет чекхйаьккхина. Тайп-тайпанчу хенахь «Firdaws» модан цӀийнехь коьрта модель йолуш болх беш а, Нохчийчоьнан кегийрхойн гӀуллакхашкахула министран хьалхара гӀовс а хилла[3].

Хазаллин конкурсашкахь дакъалацар

2006-чу шеран хӀутоссург беттан 27-чу дийнахь Джабраилова Замира толам баьккхира Соьлжа-ГӀалахь дӀайаьхьначу дуьххьарлерчу «Нохчийчоьнан хазалла 2006» конкурсехь. Цунна кхаьчна Toyota(оьр.)нохч. машенан кочар а, Франце ваха бакъо а. Замира йухатоьхна машен, ша иза берийн цӀийнан йахархочунна дӀалур йу аьлла. Конкурсан низамехь билгалдаьккхина дара, декъашхой 15 шарера 25 шаре кхаччалц хенаш йолу марехь боцу зударий хила беза аьлла; амма Замира башхалла йира, цуьнан хӀинца а 15 шо кхачаза хиллехь а[4].

Цигахь дакъалоцучарна хьалха хӀоттийначу лехамех цхьаъ дара нохчийн гӀиллакхаш а, ламасташ а хаар. Конкурсан финал дӀаяхьа бакъо эцна бусалба динан дайшкара. Цуьнца цхьаьна гулбеллачарна дихкина дара миниюбкаш лелор. Финалехь къовсамхой къийсалуш бара иллеш аларца а, хелхарца а, нохчийн культурех долу хаарш гайтарца а. Конкурс дӀахьош вара оьрсийн актёр Харатян Дмитрий[5].

2006 шеран мангалан беттан 4-чу дийнахь цо толам баьккхира Пятигорскехь дӀайаьхьначу «Къилбаседа Кавказан хазалла 2006» конкурсехь. Нохчийчоьнан Ӏедало а, Кадыров Ахьмадан цӀарахчу йукъараллин фондо а Россин Турпалхочун цӀарах вовшахтоьхна конкурс.

2006 шеран мангалан беттан 24-чу дийнахь Москохь хиллачу «Россин хазалла» къоман хазаллин конкурсехь Замира «Халкъан харжам» совгӀат а делира, «Россин къона хазалла» цӀе а йелира. Цул сов, Россехь цхьана университетехь лаккхара дешар деша грант а йелла цунна.

2006 шеран товбецан беттахь цо шен машен йохкарх даьккхина ахча дӀаделира социалан приютана (18 эзар доллар) а, Ӏалашбаран цӀийнан вахархочунна (2 эзар доллар)[6].

Доьзал

Цуьнан да полисхо хилла, тӀеман гӀуллакх кхочушдеш Нохчийчохь кхелхина. Цуьнан ненан цӀе Сацита йу. Цуьнан жимах волу ваша ву[3].

Марехь йу. Иза бераш кхиош йу[3].

Билгалдахарш

  1. ↑ Министр Чеченской Республики по делам молодежи. web.archive.org. ТӀекхочу дата: 2026 шеран 29 июнь.
  2. ↑ Замира - лицо Кавказа, AiF. Дата обращения: 29 июнехь 2026.
  3. ↑ 1 2 3 Замира Джабраилова. Рассказываю, как сложилась судьба первой и последней Мисс-Чечня » Живой Кавказ: информационно-аналитический интернет журнал (Адыгея), Живой Кавказ: информационно-аналитический интернет журнал (Адыгея) (2020, 4 ноябрь). Дата обращения: 29 июнехь 2026.
  4. ↑ В Грозном объявлено имя самой обаятельной и привлекательной чеченки. Новости. Первый канал(бил-боцу.). Первый канал. ТӀекхочу дата: 2026 шеран 29 июнь.
  5. ↑ Замира Джабраилова, Мисс Чечни – биография, фото, сколько лет, где сейчас, stav.kp.ru - (2021, 24 март). Дата обращения: 29 июнехь 2026.
  6. ↑ Королева красоты подарила сиротам 20 тысяч долларов, Сайт «Комсомольской правды» (2006, 21 сентябрь). Дата обращения: 29 июнехь 2026.

Категореш