Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Гуринан а, Закревскин тӀомахойн вежараллин каш

Летчикийн Гуринан а, Закревскийн а вежараллин каш (оьрс. Братская могила лётчиков Гурина и Закревского) гучуделира Соьлжа-ГӀалин Октябран кӀоштахь 1942 шеран ноябрехь.

Истори

1942 шеран 6 ноябрехь Кавказан тӀом болчу хенахь летчик лейтенант Гурин Иван а, штурман лейтенант Закревский Николай а, наводчик/радист лакхара сержант Лисицын Борис а лаьтташ йолу экипаж йолу кема разведкин рейс йеш дара Тихорецкая, Кропоткино, Моздок, Георгиевская, Ищёрская а станцешкахь. Рейс йоьдуш экипажо дӀадаьхьира цу меттиган аэрофотосъемкаш(оьр.)нохч.аэрофотосъемкаш, мехала хаамаш схьаийцира, цунах цхьа дакъа радиоца командованига дӀакхачийра[1].

Моздокан къилбаседехьа, мостагӀчун зенитни тоьпаш тесна кеманна. Экипажан аьтто баьлла цӀе дӀаяйъа а, кхидӀа а Соьлжа-ГӀаларчу аэродроме юхаерза а. Аэродромна герга кхаьчча, юха а цӀе яьлла кеманна. Экипажан аьтто бара кема дӀатаса, амма тӀаккха йогуш йолу машен гӀалина тӀе йоьжна хир яра. Летчик гӀалин дозанал арахьа охьахиъна. Стрелок-радист бен кӀелхьара ца ваьккхира[1].

Пилоташ дӀабоьхкина Соьлжа-ГӀаларчу Октябран кӀоштахь. Коша тӀе йоза а долуш, дечигах йина билгало хӀоттийра. 1983 шарахь дӀахӀоттийра листовой болатах йина мемориалан стела. Хьалхарчу агӀор рельефан пхи агӀонан седа а, металлех йина тарх а яра, цу тӀехь яздина дара[2]:

Лётчики-комсомольцы Гурин Иван Иванович (1918—1942 гг.), Закревский Николай Иванович (1917—1942 гг.).

Ша валале жимма хьалха, 1942 шеран сентябрехь, Гуринна елира ЦӀен Байракхан орден[3]. Цул тӀаьхьа хьалха хиллачу Спокойная урамна цӀе хийцира Гуринан сий деш, ткъа хьалха хиллачу Луговая урамна цӀе хийцира Закревскийн сий деш[4].

Кеман бохамехь дийна висина радист-наводчик Лисицын Борис Степанович велира 1943 шарахь, цуьнан дара хӀара совгӀаташ: ЦӀен Байракхан орден, ЦӀен Седан орден а[5][6]. Групповой ураман цуьнан цӀарах цӀе хийцина[7].

Билгалдахарш

  1. ↑ 1 2 Пономарёва, 1987, с. 90.
  2. ↑ Пономарёва, 1987, с. 90—91.
  3. ↑ Гурин Иван Иванович 1918 г. р. Подвиг народа. ТӀекхочу дата: 2025 шеран 19 август. Архивйина 2021 шеран 1 январехь
  4. ↑ Пономарёва, 1987, с. 103.
  5. ↑ Лисицын Борис Степанович 1921 г. р. Подвиг народа. ТӀекхочу дата: 2020 шеран 14 май. Архивйина 2021 шеран 1 январехь
  6. ↑ Лисицын Борис Степанович 1921 г. р. Подвиг народа. ТӀекхочу дата: 2025 шеран 19 август. Архивйина 2021 шеран 1 январехь
  7. ↑ Пономарёва, 1987, с. 104.

Литература

  • Пономарёва И. З., Севостьянов М. П. Памяти вечной достойны. — Гр.: Чечено-Ингушское книжное издательство, 1987. — С. 90—91. — 120 с. — 15 000 экз.

Категореш