Галушкин, Борис Лаврентьевич

Галушкин винер 1919 шеран хьаьттане беттан 12-чу дийнахь Александровск-Грушевский гӀалахь белхалон доьзаллехь. Иза оьрси вара. Шен гӀалахь иза ишколе вахара (хӀинца иза № 26 ишкол йу^[1]). Ишкол чекхйаккхале цера доьзалла Соьлжа-ГӀале схьабеара. Цигахь иза № 9 ишколехь доьшуш вара. 1934 шарахь иза комсомолан организацин секретарь хаьржира.

Иза бокс Ӏамош вара. Школа чекхйаьккхича иза Москохан физкультуран а, спортан а институтехь йолу тренерийн ишколе деша вахара. Цхьа шо даьлча иза институтан 3-гӀа курсе дӀаийцира^[2]. Цуьнан тренер вара Константин Градополов. 1941 шеран мангалан беттан иза шен лаамца ЦӀен Эскаре дӀавахара. Оцу шеран гуьйренахь фронте дӀахьажийра. Ша фронте дӀавахале ши де хьалха цо зуда йалира.

Галушкинс Ленинградан фронтехь тӀом бира. Цхьана омра кхочуш деш иза шина динахь логгелц хи чохь Ӏийра, цун дела цунна туберкулёз кхитира. Иза госпитале охьавиллира. Лоьраш цуьнга элира шаьш и дӀахоьцур вац аьлла. ТӀаккха Галушкин госпиталер ведир^[3].

1942 шарахь ОМСБОН салти волуш цо мостагӀан тылехь ша тайпа омраш кхочуш дора Минскан а, Витебскан областашкахь. 1943 шарахь иза ВКП(б) декъашхо хилира. 1943 шеран хӀутоссург беттан иза хӀоттийра «ГӀо» цӀе йолу партизанийн тобанан куьйгалхо. Цуьнан тобанас хӀаллакйира 24 мостагӀийн эшелон а, 23 паровоз а, шортта машенаш а, танкаш а, трактораш а, эккхийтира 6 эскаран гӀирс а, йаа хӀума а чохь йолу мостагӀийн ларма, электростанци а, кехатан фабрика а, хӀун кечйеш фабрика а, ветан завод а.

Галушкин винера 1944 шеран асаран беттан 15-чу дийнахь Минскан областан Борисовн кӀоштахь болу Палик хӀордан уллехь мостагӀаш бина гон йукъара схьаволуш хенахь.

1944 шеран лахьанан беттан 5-чу дийнахь ССРС Лакхара Советан Президиуман омраца Галушкинан йелира Советски Союзан Турпалан цӀе (веллачул тӀаьхь).

• Галушкин дӀавоьллина вежараллин каш чохь Белоруссин Минскан областан Борисован кӀоштан Маковье юртан уллехь. 1959 шарахь оцу каш тӀехь дӀахӀоттина 3,3 м лекха йолу хӀоллам «Партизан-мукъадаккхархо»;
• Галушкинан цӀе тиллина Москохахь а, Соьлжа-ГӀалахь а болу урамашна^[4];
• Москохан физкультуран а, спортан а институтан тӀехь хӀоттина Галушкинан мемориалан у;
• Москохахь хӀора шарахь хуьлу Галушкин дагахьлаттаваран лерина кегирхойн йукъахь боксан йохьалла а, кросс а;
• 1988 шеран оханан беттан 27-чу дийнахь Шахты гӀалахь йолу № 26 лицейн Галушкинан цӀе тиллина. Оцу школан тӀехь хӀоттина Галушкинан мемориалан у^[1];
• 1988 шарахь арахийцира Галушкинан сурт тӀехь долу конверт;
• Галушкин дагалоцуш мемориалан у хӀоттийна цо дешначу Шахты-гӀаларчу №26 йолчу лицейн гӀишлонна тӀехь^[5].

• Советски Союзан Турпалан цӀе;
• Ленинан цӀе;
• ЦӀен Байракхан орден;
• мидалш.