Гайтукаева, Бана Мустафаевна
Гайтука́ева, Ба́на Мустафа́евна (1959 шеран 23 февраль, ВаларгтӀе, Нохч-ГӀалгӀайн Автономин Советийн Социалистийн Республика — 1994 шеран 13 март, Соьлжа-ГӀала Цхьайолу хьосташкахь йаздо иза 17 йа 18 мартехь кхелхина аьлла) — нохчийн поэтесса, Нохчийчоьнан а, Российн а йаздархойн союзийн декъашхо.
Биографи
Бана Гайтукаева йина 1959 шеран 23 февралехь Нохч-ГӀалгӀайн АССРн ТӀехьа-Мартанан кӀоштан ВаларгтӀехь. Школа чекхйаьккхинчул тӀехь цо болх бина юртан библиотекехь. Цо чекхйаьккхира Нохч-ГӀалгӀайн пачхьалкхан университетан филологин факультетан халкъан отделени. Цхьана хенахь цо оцу университетехь болх бира. 1992 шо дуьна 1993 шо кхаччалц иза Пачхьалкхан радиокомитетехь исбаьхьалла редактор йара.
1994-чу шарахь шен 35 шо долуш «лейкемия» олу лазар бахьана долуш кхелхина иза.
Кхолларалла
Цуьнан дуьххьарлера стихаш зорбане яьхна кӀоштан газетехь, шен 15 шо бен доцуш. Цул тӀаьхьа тайп-тайпанчу газетийн а, журналийн а агӀонаш тӀехь йуха а зорбане а йохуш, иза дийна йолчу хенахь нохчийн къоначу йаздархойн гуларна йукъайахийтира уьш.
Гайтукаева Бана шен поэзехь сирлачу, сица дӀакхачийна шен дай баьхначу махке а, гонахарчу Ӏаламе а болу безам. Иза шен дагахь йисинчу Нохчийчоьнан васт цуьнан йерриге а кхоллараллехь дӀасадаржийна ду. Цуьнан поэзехь уггаре а хьалха граждански лирика йу[1].
Цуьнан дуьххьарлера произведенийн гулар араелира 2004-чу шарахь, накъосташа гӀо а деш.
Гайтукаева Бана байташ тӀе йазйо иллеш. Цуьнан кхоллараллина лерина йу литературни суьйренаш[2].
Библиографи
- Поэзия света: Сб. произв. на чечен. и рус. яз. / Сост. М. Ялхароева, И. Эльсанов; пер. Х. Хатаева; ред. И. Эльсанов. — М: Центр книги Рудомино, 2004.
- БӀевнийн махкахь («В Стране башен»). — На чеченском языке. — Стихи, проза, эссе. — Соьлжа-Г1ала, 2021. — 222 с.
Билгалдахарш
- ↑ Малика Абалаева. Бана Гайтукаева – истинная патриотка своей нации, настоящая вайнахская девушка. Вести Чеченской Республики (2022 шеран 24 август). ТӀекхочу дата: 2025 шеран 14 август.
- ↑ «Бана Гайтукаева-истинная патриотка своей нации, настоящая вайнахская девушка». Наурская централизованная библиотечная система (2024 шеран 15 февраль). ТӀекхочу дата: 2025 шеран 14 август.
Литература
- Чагаева Тамара. Литературно-географический атлас Чеченской Республики. — Нальчик: ООО Тетраграф, 2018. — С. 128—131. — 440 с. — 5000 экз. — ISBN 978-5-00066-153-6.
- Довлеткиреева Л. М. Концепт «время» в поэзии Баны Гайтукаевой // Международная научная конференция «Дешериевские чтения — 2022» (Грозный, 21 апреля 2022 г.). — Грозный: Издательство ФГБОУ ВО «Чеченский государственный университет им. А. А. Кадырова». 2022. — 335 с.