Вир
Вир (лат. Equus asinus asinus) — акха виран (Equus asinus) караӀамийна бухара кеп, ладаме роль ловзийна исторехь адаман бахам а, оьздангалла а кхиарехь, хӀинца а шуьйра лелош йу кхуьш йолчу пачхьалкхийн бахамехь. Йерриг караӀамийна варраш схьайовлар африкин варрех долуш йу, ткъа куланаш (азин варраш) караӀамор даиманна а аьтту боцуш хилира.
Йукъара хаамаш
Варраш йехка мур дукха хьолахь бӀаьста йа аьхкенан йуьххьехь хуьлу, амма ца хуьлу цхьа билгалйаьккхина хан. Дукха хьолахь цхьаъ кӀорни йолу дуьнен тӀе, наггахь — ши кӀорни. Пхоралла лаьтта 360 - 390 дийнахь. Виран кӀорнино шура йуу 6—9 баттахь, бецан чоме хьожу шиъ кӀира кхачарца.
ДегӀ даьккхина йолу шиъ шо кхачарца. Оцу хенахь дуьйна вир кӀорнеш белхе Ӏамайо, кхоъ шо кхаьччи варраш гуттаренна а чӀогӀа хала белхаш до. Вир жима йолуш тӀе мохь буьллуш лелийча букъ сеттина хуьлу цуьнан.
Йеха — 25—35 шарахь. Дукха кӀезиг хаало 45—47 шарахь йехаш ерш.
Тайпане хьаьжжина виран локхалла а хийцало 90—163 см, дикачу тайпанан виран локхалла хийцало понин барамера дикачу говрийн бараме кхаччалц. Йаккхийчех лоруш йу пуатусан а (140—155 см), каталонин (135—163 см) тайпанийн векалш. Йоккхачу дийнатийн йозалла — 200 - 400 кг. Виран бос тайпане хьаьжжина хуьлу.
Виран 31 шишша хромосома йу. Пульс — 45—55 тохадалар минотехь. СадаӀаран йукъ — 10—15 минотехь. ДегӀан температура — 37,5—38,5 °С. Варрийн пхиъ букъдаьӀахк йу (говран — йалх).
Виран цӀога ду, бежнийн санна, буьххьехь кӀужал йолуш.
Шен йаккхийчу гергарчу дийнатех вир къаьста, хи а, йуург а ца хилар дика ларца. Цуо йуу бецан а, коллин а ораматаш. Оцу дийнаташна тӀуналла ца йеза, цундела Ӏай декъа божал деза.
Караерзор
Вир караерзийна говрал дуккха а хьалха. Варраш дуьххьара дийнаташ йу адамо тӀехь мохь лелийна. Вайн эрал 4000 шо хьалха дуьйна Нилан дельтехь кхобура карайерзийна нубийн варраш. Месопотамехь акха варраш караерзийна кӀеззиг тӀаьхьа. Антикан муьрехь варраш кхаьчна Европе. Хууш ду, этрускашкахь Жима Азера йевлла варраш хилар. Желтойчоь варраш кхаьчна вайн эрал 1000 шо гергга хьалха.
Йуьхьанца варраш тӀехууш а, йужуш а лелайора, амма алсама сиха а, онда а говраш карайерзийча, уьш цаьрца хийцира. Оцу хенахь дуьйна варраш хьахайар ширчу оьздангаллашкара дов. Вир лелор тӀе мохь боттарца соцуш дара. Оцу гӀуллакхехь вир гӀоле йу говрал, хӀунда аьлча тӀех доьналла долуш йу, таро йолуш йу хи а, йуург а йоцуш дуккха а Ӏан. ТӀебоьттина мохь дийнатан шен йозаллех кхаа декъах ши дакъа хьо виро, ткъа цаваьлла меттиг хилча цул сов а. Дийнан раж нийса лелийча вире 8—10 сохьтехь болх бало, йуурган цкъа йукъарайалийтича.
Наггахь варраш лелийна жижигна, шуранна, цӀуоканна. Йуккъера бӀешерашкахь виран цӀуока лорура уггаре а пайден пергаменташ а, ватанаш а йан. Альпашна къилбаседехьа варраш хаайала йолаелла румхойн замахь.
ХӀу эдар
Варрийн а, говрийн а тайпанин хӀу эдарца кхочу шиъ тӀаьхье ца хуьлу гибридан кеп:
- бӀарза (виран а, кхелан а гибрид);
- говр-бӀарза (айгӀаран а, виркхелан а гибрид).
Караерзийна варрийн тайпанаш
Уггаре гӀарадевлла ду варрийн французийн тайпанаш — пиренейн, котентен, пуату, провансалан, испанийн — каталонийн вир, йуккъераазин — бухарин а, мерван (марыйн) а. наггахь хаало классификации аратаьӀна а, нийса а профильца (масала, А. Доброхотовн). Французийн варраш хуьлу сих-сиха йуьртабахаман гайтамашкахь[1][2].
Дин
Керсталлехь
Къуоначу вир тӀехь Ӏийса пайхӀамар وصلة=, дуьненан Паччахь санна, чувеира Иерусалиме Вербан КӀиран дийнахь, Инжилехь ма-йаздар ЖӀарин Даларе, Закарий пайхӀамара وصلة= дийцина ма-хиллара: «Даккхийде хазахетарца, Сионхой, даккхийде , Иерусалимхой: шу паччахь ву шуга вогӀуш, Нийсо йахьарг а, кӀелхьарвоккхург а, Эсалниг а, тӀехиъна виркхелийна а, къуоначу вирна а…» (Зах. 9:9). Оцу хиламан лерина ду Вербан КӀиран де[3].
Исламехь
Жайнех йоьттина вир аллегорин йийцарца долало Къуръанан текст (62:5):
Церан масала ду, шайна тӀедиллина (тӀехьавазар) Товрат долуш, йуха тӀаьхьуо цуьнца нийса ца богӀуш берш, шен тӀехь жайнаш хьуш йолу виран (Ӏарб.. الْحِمَارِ, аль-хьимари) масала ду. Мел боьха ду Делан хаамаш аьшпаш лоруш долчу оцу къомаца дустар! Дала ца буьгу (нийсачу новкъа) харц нах. (Къуръан 62:5)
ТӀаьхьа, метафора лелийра Йухадендаран муьрера французийн йаздархочо а, философа а де Монтень Мишела:
Уггаре коьртаниг — иза Ӏилма марздалийтар а, дезийтар а ду; иштта дацахь вай кхиор йу варраш, тӀе жайнин хьекъал а доьттина.[4]
Суннатаца, виран жижиг даар магийна дац. Джабира дийцина: «Хьайбаран дийнахь АллахӀан пайхӀамара ца магийна даа виран жижиг, магийна даа говр жижиг»[5]. Ткъа Акха вирах дерг, иза йаа магийна, Абу Катада дийцарехь, цуо элира АллахӀан пайхӀамаре: «ХӀай АллахӀан элча, оха талла дахча йийна акха вир, тха хӀинца а дуккха цуьнан жижиг дисина», цунна жоп делира: «Диснирг а дӀадаа»[6].
Суьрташ
Хьажа иштта
Билгалдахарш
- ↑ Самая большая сельскохозяйственная выставка в Европе — выставки — Equestrian.Ru, конное обозрение / Лошади и конный спорт
- ↑ Коневодство по-французски
- ↑ Вербное Воскресенье 2016 — Храм во имя святых апостолов Петра и Павла
- ↑ q:Мишель де Монтень
- ↑ аль-Бухари, 4219; Муслим, 1941.
- ↑ аль-Бухари, 1824; Муслим, 1196.
Литература
- Фрейденберг О. М. Въезд в Иерусалим на осле (Из евангельской мифологии) Архивйина 2022-03-21 — Wayback Machine // Фрейденберг О. М. Миф и литература древности. М., 1998, с. 623—665
- Осел в мифах и литературе Архивйина 2020-05-28 — Wayback Machine
- Доброхотов А. Ф. Частное животноводство. Л., 1935.
- Генетические ресурсы сельскохозяйственных животных в России и сопредельных странах. СПб., 1994.
- Ослы // Мир животных
Кхин дӀа темана тӀехь
| |||||||||
| |||||||||
