Ботака-Иобома, Эрвинг

Вина Москохан областера Пушкино гӀалахь, ДР Конгон гражданалла йу^[1], цуьнан да цигара ву. Ловза волавелла Пушкинохь кевнахочун позицехь, кхин а шо даьлча москохан «Локомотив» ишколе дехьаваьлла. Кхин а пхи шо даьлча дехьаваьлла СДЮШОР «Торпедо (Москох)» йукъа.

2016/17 шерашкахь иза ловзуш вара ПФЛ чемпионатехь Москохан «Солярисехь». РогӀера сезон цо йаьккхира «Локомотивехь», кегийрхойн чемпионатехь кхо матч а, ПФЛ-хь йалх матч а левзира Локомотив-Казанка фарм-клубехь. 2018-чу шеран июль беттан 13-чу дийнахь Москохан «Торпедо» Ботак-Иобома дехьаваларх дӀакхайкхийра, амма «Запад-5 Ультрас» фан-тобанан векалш дуьхьалбевлира Ӏаьржа ловзархо дехьаваккхарна, «Торпедо» куьйгалло шайн амалшца гойту клубан ламасташ а, низамаш а лар ца дар. ТӀаьхьо «Запад-5 Ультрас» тобанан векалша дӀахьедира, коьртачу меттигех цхьаъ ю футболхочо «Локомотивехь» гайтина ловзарш аьлла^[2]. Дукха хан йалале «Торпедос» дӀакхайкхийра, Ботака-Иобома дехьа ца валарна сацам бина, маьхаза волушшехь, «Локомотиво» цунах компенсаци йехна^[3]. 2018 шеран шолгӀа дакъа Ботака-Иобомас даьккхина Гуьржийчоьнан хьалхарчу лигехь «Самгурали» йукъахь. Цул тӀаьхьа левзина ПФЛехь «Велес» йукъахь. 2019 шеран июнехь шина шарна контракт йаздина ФКъЛ клубаца «Луч» Владивосток^[4]. 2020 шарахь йуха а ФКъЛ йаьллачу «Велес» йукъахь левзина. 2021 шеран июнехь дехьаваьлла «Уфа». Российн чемпионатехь дебют хилла 18 сентябрехь, цӀерачу матчехь «Химкин» дуьхьала (3:2) йукъаваьлла 59-гӀа минотехь.

Неаполера 2019 шеран Универсиадин декъахо.