Бисултанов, Хьасан Делимбекан воӀ

Вина 1972 шарахь Устрада-ГӀалахь. Ишколехь волавелира дзюдо эха. Ши шо даьлча цо спортан мастеран норматив кхочуш йира. Эскарехь а иза вара дзюда Ӏамош а, йаьхьаллонашкахь дакъа лоцуш а. 1990 а, 1991 а шерашкахь иза кегирхойн йукъара ССРС чемпион хилира, 1991 шарахь иза хилира юниорашна йуккъера Европин чемпион.

Ши шо даьлча цо Европин чемпионатехь дато мидал йаьккхира. 1994 шарахь Нохчийн Республикехь баьлла тӀом бахьнехь цуьнан цӀера вала дийзира. Цо Туркойчоьнан гражданалла тӀелецира. Цуьна керла цӀе эца дийзира — Озкан Хьусейн .

1997 шарахь иза 65 кг йозаллин категорехь Европин чемпион хилира. 1999 шарахь дуьненан чемпионатехь дато мидал а йаьккхира, Европин чемпионатехь борзанан мидал а йаьккхира. 2000 шарахь Озкана Сиднейхь хилла йолчу Олимпиадехь дакъа лецира. Йахьаллонан финалехь цо Францера волу Ларби Бенбудауд цӀена эша а вина чемпион хилира - нохчашна йукъара хьалхара Олимпиадин чемпион.

Олимпида чекхйалча иза масийттаза лазийра. Амма иза йуха а Туркойчоьнан чемпион а хилира, Европин чемпионатехь борзан мидал а йаьккхира. 2004 шарахь хилла йолу Олимпиадехь цуьнга дакъа ца лацаделира иза лазваран бахьнехь.«Коджаэли Бююкшехир Беледиеспор» клубан а, кегийрхойн^[1] а, баккхийчеран а туркойн къоман тобанийн тренеран болх беш ву иза.

Цуьнан жимах волу ваша Ӏадлан ву Россин самбон абсолютни чемпион а, Россин а, Европин а дзюдон чемпионатийн совгӀатхо а.