Альбури, Магома
Альбури Магома — Дуьненан хьалхарчу тӀеман декъашхо, «Акха дивизин» Нохчийн дошлойн полкан дошло, вуьззина Георгийн орденан кавалер.
Биографи
1915 шеран товбецан баттахь Кавказан дошлойн дивизис Стрыпан аьрро агӀора хийистехь дӀабаьхьира тӀемаш. Цигахь кхиамашца билгалваларна Альбурин йелира № 24885 йолу III даржан Георгиевски жӀара.
1916 шеран мангалан беттан 23 дийнахь Албури юкъахь волу бӀенно дуьхьало латтийра 1034 лакхенехь. Штурм йоьдаш гучуделира мостагӀаш чухьоьвлханчу хенахь телефонан зӀе йохийна хилар. Альбури хьажийнера лулара бӀене орца даккха австрийцаш чекхэккхаш лаьтташехь. И гӀуллакх сийлаллица даран цун делира II даржан Георгиевски жӀара.
1916 шеран гӀуран беттан 9 дийнахь Альбурис шина накъостаца тӀеман аренгара кӀелхьара ваьккхира чевнаш хилла чӀогӀа лазийна волу полкан буьйранча Каджари Мирза Фейзулла. Цигахь турпалалла гайтарна Альбурин йелира I даржан Георгиевски жӀара Nº 22648 йолуш[1][2].
Иэс
Альбури Магоман цӀе йазйина йу Соьлжа-ГIалахь Терроризмаца къийсам латтош кхелхинчийн иэсан хӀолламан тӀулгтӀехь.
Билгалдахарш
- ↑ Как джигиты из «Дикой дивизии» сражались за Россию. vz.ru. ТӀекхочу дата: 2025 шеран 11 декабрь.
- ↑ Алфавитный список лиц, награжденных Георгиевскими крестами 1-ой степени. svrt.ru. ТӀекхочу дата: 2025 шеран 11 декабрь.
Литература
- Опрышко О. Л. Кавказская конная дивизия. 1914-1917 годы. Возвращение из забвения. — Нальчик: Издательский центр «Эль-Фа», 2007. — 512 с. — 4000 экз. — ISBN 978-5-88195-873-2.