Азаева, Луиза Ӏальвин йоӀ
Азаева, Луиза Ӏальвин йоӀ (оьрс. Азаева Луиза Альвиевна)(1949 шеран 28 март) — советийн а, российн а актриса, Нохчийн Республикан халкъан артист[1].
Биографи
Йина 1949 шеран 28-гӀа мартехь. 1973 шарахь чекхъйаьккхина Пачхьалкхан театран исбаьхьаллин институт. Нохчийн пачхьалкхан драматически театрехь болх беш йу Хь. Нурадилов 1973 шарахь дуьйна[1][2].
Азаева Луиза лирически а, драматически а, актриса йу[3]. Театрехь цуьнан дуьххьарлера роль йара Эмили Шекспиран Уильяман «Отелло» трагедехь. Цо ловзийра роль Антония «Ла-Манчера стаг» спектаклехь, цигахь цо гайтира шен актёран говзалла хилла ца Ӏаш, шен вокалан а, хореографин а хьуьнарш а. Ролаш: «Лаьа воцу шайх» (Рабу), «Цхьамза толам баккха дукъаца» (Марфа), «Лулахой» (Чебалина), «Тамашийна нах» (Заббарий), «Селасат» (Селасат), «Бож-Ӏали» (Бабаци)[3].
«Вайнехан иллеш» а, «Дайн мохк» а, спектаклашкахь ловзийна ролаш бахьнехь цунна йелла Россин Федерацин а, Нохчийн Республикин а Пачхьалкхан премин лауреатан сийлахь цӀе[1].
Александр Островскийн цӀарахчу драматургин фестивалехь Российн Федерацин оьздангаллин министертвос а, Йерригроссин театран йукъараллин а Сийлаллин грамота йелла[2].
Театрехь ролаш
Архиван спектаклаш:
- «Отелло» — Эмилия
- «Ла-Манчара стаг» — Антония
- «Дерриге а цицигана масленница йац» — Дарья Фёдоровна Круглова
- «Шайх шен лаамна дуьхьал» — Раха
- «Солта и Солса» — нускал
- «Цхьамза» — Марфа
- «Лулахой» — Кесиби
- «Тамашийна нах» — Заббари
- «Вайнехан иллеш» — девушка
- «Зудайалор» — Фёкла Ивановна
- «Бальзаминовн зуда йалор» — Белотелова
- «Дайн мохк» — принцесса
- «Нускалийн гӀаттам» — Сатти
- «Майра Кикила» - Майко
- «Вовшахкхетар бӀаьстенца» - Липа
- «Нигат» - ГӀайгӀане нана
- «Ричард III»
- «Кориолан»
- «Бекхам» - Марьям
- «БӀешерийн боданера»
- «Дела бен...» - Марет
- «Лениниана»
- «Ханума» - Сара[2].
Билгалдахарш
- ↑ 1 2 3 Луиза Азаева. Чеченский государственный драматический театр им. Х. Нурадилова (2021-2024). ТӀекхочу дата: 2024 шеран 5 апрель.
- ↑ 1 2 3 Азаева Луиза Альвиевна. www.kino-teatr.ru (2022 шеран 3 июль). ТӀекхочу дата: 2024 шеран 5 апрель.
- ↑ 1 2 Лирико-драматическая актриса. Газета «Вести республики» (2011 шеран 23 декабрь). ТӀекхочу дата: 2024 шеран 5 апрель.
- ↑ Малика Абалаева. Снова рукоплещем «Бож-Али»! Сетевое издание «Вести Чеченской Республики» (2013 шеран 28 ноябрь). ТӀекхочу дата: 2024 шеран 5 апрель.
- ↑ Аза Газиева. В Дагестане состоялся показ спектакля «Бунт невесток» в постановке народного артиста РФ и ЧР Руслана Хакишева. Сетевое издание «Вести Чеченской Республики» (2022 шеран 19 январь). ТӀекхочу дата: 2024 шеран 5 апрель.
- ↑ 28 марта с 75-летием поздравляли актрису чеченского национального театра Луизу Азаеву. Новостной портал ассоциации национальных театров (2024 шеран 29 март). ТӀекхочу дата: 2024 шеран 5 апрель.