Аджинджал, Руслан Алексеевич

Аджинджал Руслан вина 1974-чу шеран июнь беттан 22-чу дийнахь Сухумехь. Цигахь футболах ловзуш вара иза шен 17 шо кхаччалц, Гагрин а, Сухумин а «Динамо» тобанашкахь.

1992 шо долалуш Руслан а, Беслан а Абхазера Майкопе кхайкхийра оцу хенахь «Дружбин» коьрта тренеро Хакунов Нурбийс. Адыгейчоьнан коьрта шахьрара командехь вежрий АджинджалгӀара сихха хьалхара ролашка бевлира, тайп-тайпана клубаш йуьйлайелира цаьрга кхайкха.

1994 шеран йуьххьехь Руслан Аджинджал дехьаваьлла калининградан «Балтике», цуьнцане ши шо даьлча лакхара лиге ваьлла. «Балтикехь» иза левзира йалх шарахь, тӀаккха цуьнан карьерехь йара «Торпедо-ЗИЛ(оьр.)нохч.», элистара «Уралан», Соьлжа-ГӀалара «Терк», Владивостокера «Луч-Энергия», самарин «Крылья Советов», Нижни Новгородан «Волга».

Лакхара дивизионехь левзина 397 матчехь, чутоьхна 21 буьрка^[2].

2015 шеран 7 июнехь ша футболистан карьера чекхйаккхар кхайкхийна^[3].

2015-чу шеран 8-чу сентябрехь Абхазин футболан федерацин президенто Джемал Губаза(оьр.)нохч. дӀакхайкхийра, октябрь беттан хьалхарчу декъел тӀаьхьа ца дуьтуш, махка бахка безаш бу Маьрша футболан ассоциацийн конфедерацин векалш, уьш бахкале харжамаш бан беза аьлла^[4]. Шеш харжамаш хенал хьалха дӀабахьар доьзна дара Абхазехь май баттахь йан лерина къобал йанза пачхьалкхашна йукъара дуьненан чемпионат бахьнехь^[5], цунна кечамо а, харжамашна кечамо а вовшашна новкъарло йан ца йеза^[6].

2015 шеран 16 сентябрехь Аджинджал Руслана кхайкхийра Джемал Губазан къовсам латтор, федерацин коьртан харжамашкахь дакъа лацар^[7], амма 21 сентябрехь карара президенто кхайкхийна ша балхара дӀавалар а, кандидатура дӀайаккхар а^[8][9]. 14 октябрехь Аджинджал кхайкхийра цхьаъ бен воцу претендент федерацин президентан дарже^[10].

15 октябрехь Аджинджал хилира Абхазин футболан федерацин цхьайттолгӀа президент^[11]: цунна кхаьжнаш тесира 56 делегатах 50 делегато^[12].

2016 шеран 25 июлехь Аджинджал Руслана йолийна тренеран карьера, йукъавахана «Краснодар» клубан тренерийн штабан^[13].

2020 шеран сентябрехь Александр Кержаковн(оьр.)нохч. тренерийн штабан йукъавахна футболан клубехь «Томь».

Балтика

• 1995 шарахь ПФЛ хьалхара лигин толамхо;
• 1994 шарахь ПФЛ хьалхаран лигин бронзан совгӀатхо.

Торпедо-ЗИЛ

• 2000 шарахь ПФЛ хьалхаран лигин детин совгӀатхо.

Уралан

• 2001 шарахь ПФЛ хьалхаран лигин детин совгӀатхо.

«Терк»

• 2004 шарахь ПФЛ хьалхара лигин толамхо;
• 2005 шарахь Российн Суперкедан финалхо.

Краснодар

• 2014/2015 шарахь Российн чемпионатан борзанан совгӀатхо.