Абдул-Муслимов, Мусан Юсупан воӀ
Мусан Юсупович Абдул-Муслимов (1955 шеран 3 февраль, Караганда — 2014 шеран 11 март[1]) — нохчийн паргӀат кепара латархо, ССРС а, Европин а чемпион, дуьненан Кедан толамхо, дукха йерригсоюзан а, халкъашна йуккъера а турнирийн толамхо, ССРС халкъашна йуккъера даржан спортан говзанча.
Биографи
1968 шарахь тренер волчу Феликс Григорьевич Премильскийн куьйга кӀел маьрша латаран секцехь Ӏамо волавелира иза. Профессионалан латарх пенсе вахара иза 1983 шарахь[2].
1977-чу шарахь цо чекхйаьккхира Карагандан хьехархойн институтан физоьздангаллин дакъа. 1982 шарахь цо чекхйаьккхира Карагандан пачхьалкхан университет, юристийн говзалла а йолуш[2].
Карагандан лакхарчу спортан говзаллин ишколехь а, Даулет берийн спортан ишколехь а тренеран болх бина цо. Тайп-тайпанчу тӀегӀанашкахь дӀахьочу къовсамашкахь кест-кеста суьдхочун болх бина цо. 2007-чу шарахь М. Ю. Ӏабдул-Муслимовна «НР-н спортан хьакъволу гӀуллакххо» цӀе елла. ДӀавоьллина Нохчийн Республикехь[2].
Спортан жамӀаш
- 1972 шарахь иза кхаьчна ССРС стандартан спортан говзанчийн дарже, ткъа 1973 шарахь — дуьненайукъара классан спортан мастеран дарже.
- 1972 — Донецкехь жимахошна йукъахь паргӀат кепара латаран ССРС чемпионатан толамхо.
- 1972 — Дуьненайукъара доттагӀаллин турниран толамхо, Софи.
- 1973 — ССРС Йерригсоюзан кегийрхойн ловзарийн толамхо, Алма-Ата.
- 1973 — кегийрхойн дуьненан чемпион, Майами (АЦШ).
- 1974 — кегийрхойн ССРС чемпионатехь толамхо, Караганда.
- 1974 — кегийрхойн Европин чемпион, Хапаранда (Швеци).
- 1976 — ССРС паргӀат кепара латаран чемпионатехь — 2 меттиг;
- 1977 — ССРС паргӀат кепара латаран чемпионатехь — 3 меттиг;
- 1978 — Дуьненан кедан толамхо, Толидо (АЦШ).
- 1979 шарахь СССР паргӀат кепехь латаран чемпионатехь — 1;
- 1979 — Румынин Бухарестехь латаран Европан чемпионат.
- 2003 — Мажарийнчохь Будапештехь дӀайаьхьначу ветеранийн маьрша латаран дуьненан чемпионатан толамхо.
Кхин а толамхо а, совгӀатхо а дуккха а дуьненайукъара турнирийн.
Билгалдахарш
Литература
- С-А. М. Аслаханов, Х. Х. Хизриев. Физическая культура и спорт Чечни: истоки и современность. — М.: «Перо», 2015. — С. 72. — 240 с. — ISBN 978-500086-997-0.
- Динамо. Энциклопедия. — М.: Олма-Пресс, 2003. — С. 41.
Хьажоргаш
- Мусан Абдул-Муслимов — профиль сайт тӀаьхь International Wrestling Database(ингалс.)
- Пике в бессмертие. Борьба. Мусан Абдул-Муслимов: «Традициям — жить». Sports.kz
- Эстафету подхватили юниоры. Фонд развития спорта Казахстана(ТӀе цакхочу хьажорг)
- Абдул-Муслимов Мусан Юсупович. Спортивная Россия. ТӀекхочу дата: 2018 шеран 8 октябрь.
Кхин дӀа темана тӀехь
 |
|---|
