Абдулмуслимов, Ӏабдулмуслим Мухудинович
Абдулмусли́мов Ӏабдулмусли́м Мухуди́нович (1962 шеран 1 апрель, Гертма, ДегӀастанан АССР) — российн пачхьалкхан а, йукъараллин-политикин а гӀуллакххо. Республика ДегӀастан Правительствон председатель. Республика ДегӀастан хьакъ долу юрист, йуьртабахаман Ӏилманийн кандидат. Мукъа ваьккхина полицин полковник.
Биографи
Вина 1960 шеран 1 апрелехь ДегӀастан АССР Казбекан кӀоштара Гертма йуьртахь. Къоман – жӀай ву.
Дешар
1978 шарахь чекхйаьккхира йуккъера ишкол ша винчу Казбекан кӀоштан Гертма эвлахь.
1983 шарахь чекхйаьккхина Москохан йуьртабахаман К. А. Тимирязевн цӀарах академи[1].
1990 шарахь чекхйаьккхина ДегӀастан Ӏилманан-талламан йуьртан бахаман институтан аспирантура.
1990 шарахь Йерригсоюзан Къинхьегаман ЦӀен Байракхан орденан даьхнийлелоран Ӏилманан-талламан институтехь даьккхира Ӏилманан тӀегӀа йуьртабахаман Ӏилманийн кандидатан диссертаци темица: «ДегӀастахь Кавказан боьра бежний тодарехь генетикийн маркераш лелор».[2]
2001 шарахь чекхйаьккхира Москохан пачхьалкхан юридически О. Е. Кутафинан цӀарах академи говзаллица «Юриспруденци».
Къинхьегаман гӀуллакх
Къинхьегаман гӀуллакх долийна 1983 шарахь Хаси-Эвлан КӀошташнайукъара тайпанийн предприятин зоотехникан тӀера.
1984 шарахь дехьаьлла болх бан Ӏахвахойн кӀоштарчу Анчих эвлара совхозе коьрта зоотехникан дарже.
1992 - 1995 шерашкахь Акционерийн йукъараллин «Дельтан» коьртехь ву.
1996 - 2003 шерашкахь – Республика ДегӀастера Российн Федерацин налогийн полицин федералан гӀуллакхийн урхаллин белхало.
2003 - 2014 шерашкахь – Российн Федерацин Чоьхьара гӀуллакхийн министралла. Мукъа ваьккхина полицин полковник.
2014-чу шарера 2016-чу шаре кхаччалц – ХӀинжа-ГӀалин администрацин йукъараллин кхерамзаллин а, коррупцина дуьхьалойаран а, низамхошца йукъаметтигаш лелоран а декъан куьйгалхо.
2016-чу шеран февраль баттахь ДР-н Куьйгалхочун Омарца хӀоттийра иза ламанан территориальни округехь ДР-н Куьйгалхочун йуьззина бакъонаш йолу векал.
2016-чу шеран ноябрь баттахь иза хӀоттийра ДегӀастанан Республикин Кхерамазаллин Кхеташонан секретарь.
2018-чу шеран март-баттера ноябрь-батте кхаччалц – ДегӀастан Республикин йуьртабахаман а, кхачанан а министр.
"Цхьааллин Росси" олучу йерригроссийн политикин партин ДегӀастан кӀоштан политикин кхеташонан декъашхо.
2018-чу шеран ноябрь баттахь дуьйна 2019-чу шеран июнь-батте кхаччалц — ДР-н Правительствон председателан гӀовс — ДР йуьртабахаман а, кхачанан а министр[1].
2019 шеран июлера 2022 шеран февраль кхаччалц – Республика ДегӀастан Правительствон председателан гӀовс[3].
2022-чу шеран февраль-беттан 17-чу дийнахь ДегӀастан Республикин Правительствон Председателан декхарш кхочушдан хӀоттийра.[4].
Доьзал
Зуда йалийна ву, кхо бер а ду цуьнан: ши кӀант а, цхьа йоӀ а. Цхьана кӀант юридически Ӏилманийн доктор ву, важа Россин къоман гвардин эпсар ву, ткъа йоӀ лор йу[5].
СовгӀаташ а, цӀераш а
- Российн ЧГӀМ ведомствийн мидалш.
- «Республика ДегӀастан хьалха гӀуллакхаш дарна» орден.
- Республика ДегӀастан хьакъ долу юрист.
- Российн Федерацин ЧГӀМ сийлаллин грамота.
- Республика ДегӀастан ЧГӀМ сийлаллин грамота.
- «Российн агропромышленни комплекс кхиорехь дакъа лацарна» дешин мидал.
- Республика ДегӀастан муниципалан кӀоштан «Сулейман-Стальски кӀошт» сийлахь гражданин.
Билгалдахарш
- ↑ 1 2 Васильев назначил Абдулмуслима Абдулмуслимова главой минсельхоза республики. ТАСС. ТӀекхочу дата: 2022 шеран 17 февраль. Архивйина 2022 шеран 17 февралехь
- ↑ Российская государственная библиотека. Автореферат дис. ... кандидата сельскохозяйственных наук : 06.02.01 / Абдулмуслимов Абдулмуслим Мухудинович (Русский). — 1991. Архивйина 2022 шеран 2 мартехь.
- ↑ Правительство Дагестана взяло на контроль ситуацию, связанную с уборкой винограда. Информационный портал РИА "Дагестан". ТӀекхочу дата: 2022 шеран 17 февраль. Архивйина 2022 шеран 17 февралехь
- ↑ Премьер-министр Дагестана ушел в отставку. Interfax.ru. ТӀекхочу дата: 2022 шеран 17 февраль. Архивйина 2022 шеран 17 февралехь
- ↑ Абдулмуслимов Абдулмуслим Мухудинович: биография. Черновик. ТӀекхочу дата: 2025 шеран 14 декабрь.
Кхин дӀа темана тӀехь
 |
|  | |
