Шахин, Рамазан
Рамаза́н Шахин (турк. Ramazan Şahin; 1983 шеран 8 июль, Хаси-Эвл, ДегӀастанан АССР) — туркойн паргӀат кепар латархо а, тренер а. Европин (2008) а, дуьненан (2007) а, Олимпан а чемпион (Пекин-2008), Европан чемпионат борзан совгӀатхо (2007) а[1]. Туркменистанан паргӀат латаран къоман тобанан коьрта тренер хилла (2019—2023)[2].
Биографи
Ирбайханов Рамазан вина 1983 шеран мангалан беттан 8-чу дийнахь Хаси-Эвлахь; иза къомах нохчо ву. Жимчохь Ӏамош хилла СайтиевгӀеран цӀарахчу латаран школехь. 2006-чу шарахь иза Туркойчу дӀавахара. Цигахь, Туркойчоьнан гражданствоца цхьаьна, цунна йелла керла фамили «Шахин»[3]. Латархочун дуьххьарлера тренер вара цуьнан ден ваша, Ирбайханов Исхьакъ[4].
Спортан карьера
Цо дашо мидалш йаьхна 2007 шарахь дуьненан чемпионатехь а, 2008 шарахь Европан чемпионатехь а, 2008 шарахь аьхкенан Олимпиадехь а, 2012 шарахь Лондонехь хиллачу Олимпиадехь пхоьалгӀа меттиг йаьккхира цо.
Тренеран карьера
Къовсадаларийн спортера пенсе ваханчул тӀаьхьа, тренер хилира иза. 2013-чу шарахь дуьйна цо болх бира Истамбулерчу «Бюик шахир» клубехь. 2016-чу шеран гӀуран баттахь дуьйна Туркойчоьнан кегийрхойн къоман тобанан коьрта тренер вара иза, лакхарчу къоман тобанан тренерийн штабан декъашхо вара[5]. 2019-чу шеран чиллин баттахь цо шен караийцира Туркменистанан маьрша латаран къоман тобанан куьйгалла[6], цу даржехь вара иза 2023-чу шеран хӀутоссург батте кхаччалц, цул тӀаьхьа цуьнан метта хӀоьттира Яздани Реза[7].
Кхиамаш
- Олимпан ловзар: деши (Пекин 2008), 5-га меттиг (Лондон 2012);
- Дуьненан чемпионат: деши (Баку 2007);
- Европан чемпионат: деши (Тампере 2008) а, борза (София 2007) а.
Билгалдахарш
- ↑ Дагестанские борцы — победители и призеры Олимпийских игр, чемпионатов мира и Европы. ТӀекхочу дата: 2026 шеран 24 март. Архивйина 2013 шеран 18 ноябрехь
- ↑ Сборную Туркменистана по вольной борьбе возглавил олимпийский чемпион Рамазан Ирбайханов. Turkmenportal. ТӀекхочу дата: 2026 шеран 24 март.
- ↑ Ramazan Şahin Biyografisi. Haberler. ТӀекхочу дата: 2026 шеран 24 март.
- ↑ Ramazan Şahin dünya birincisi. web.archive.org. ТӀекхочу дата: 2026 шеран 29 январь.
- ↑ Рамзан Ирбайханов назначен главным тренером юниорской сборной Турции по вольной борьбе. Грозный-информ (2016 шеран 16 декабрь). ТӀекхочу дата: 2026 шеран 24 март.
- ↑ Мовлади Абдулаев. Рамазан Ирбайханов (Шахин) возглавил сборную Туркмении. Энциклопедия чеченского спорта (2019 шеран 8 март). ТӀекхочу дата: 2026 шеран 24 март. Архивйина 2019 шеран 20 апрелехь
- ↑ Двукратный чемпион мира из Ирана возглавил сборную Туркменистана по вольной борьбе. Turkmenportal. ТӀекхочу дата: 2026 шеран 24 март.