Хултыгов, ИбрахIим Абдулхалакан воI

1989 шарахь чекхйаьккхина МахкатӀера йуккъера ишкол. 1989—1993 шерашкахь «Прогресс» совхозехь диспетчеран болх бина. 1997 шарахь чекхйаьккхина Соьлжа-ГӀалин политехнически техникум. 1998 шеран августехь Ичкерин Къаьмнийн кхерамзаллин гӀуллакхан председатель хӀоттийра, кхелхинчу шен вешин Хултыгов Лечин метта. ХӀоттийначу хенахь майоран званехь вара.

Нахана дагахь висира дӀахаийтар дарна, россин лерринчу гӀуллакхаша Нохчийчохь мохк бегор долу лаьттан бухахь ядеран эккхийтар кечдеш ду аьлла. Иза ца хилча, Хултыговс дӀахьедира, ша динчу дӀахаийтаро мостагӀийн планаш йохийна аьлла.

1999 шеран 14 мартехь нахаладаьккхира Масхадовн Пачхьалкхан Кхерамзаллин министерство кхолларан указ. Пачхьалкхан кхерамзаллин министр хилира Атгериев Турпал-Али, цхьаьна хеннахь НРИ-н Министрийн кабинетан Председателан заместителан декхарш а кхочушдеш. Министерствос цхьаьнатухура Къаьмнийн кхерамзаллин гӀуллакхан а, Президентан лерринчу урхаллин а, нах лечкъоран дуьхьало йаран урхаллин а, терроризман дуьхьало йаран урхаллин а дакъош. Иштта дерриг цӀенош а, гӀишлош а, кхин йолу хӀумаллин-техникин мехала хӀуманаш а Пачхьалкхан кхерамзаллин министерствон дола йохура.

Оцу шеран 3 апрелехь Атгериевс Ичкерин Къаьмнийн банкига дийхира Пачхьалкхан Кхерамзаллин министерствон йукъайаханчу организацешца муьлхха а йукъаметтигаш сацайар. 8 апрелехь Къаьмнийн кхерамзаллин гӀуллакхан куьйгалхо хиллачу Хултыгов ИбрахӀима Ӏедалан массо а инстанцешка кехаташ йаздира, Атгериевн бакъойоцу лелорш сацадар доьхуш. 20 апрелехь Ичкерин парламенто сацам бира президентана указ дӀадаккха, иза «… сийлахь Къуръанца а, Пайхамаран Суннатца а, … НРИ-н Конституцица а» цхьаьнадогӀуш ца хиларна. Къаьмнийн кхерамзаллин гӀуллакхан лаамалла йитира. Хултыговс Къаьмнийн кхерамзаллин гӀуллакхан куьйгалхочун декхарш кхочушдира 1999 шеран октябрь бутт кхаччалц. Бригадан генералан зване кхаччалц гӀуллакх дира цо.

Хултыговн аьтто ца баьлла Масхадов Аслан вен гӀоьртинарш каро, ткъа тӀаьххьарчо иза балхара дӀаваьккхира. ШолгIа нохчийн тIом болабелча Хултыгов реза ца хилира сепаратистийн агӀор тӀом бан, цундела Масхадовс иза салтичун зване охьаваьккхира «стешхалла а, дадар а» бахьана долуш. 2000 шеран августехь Хултыгов федеральни эскаршна каравахара. Цхьаболчу хаамашца, цо нефтан сурсаташца махлелош хилла, тӀеман гӀуллакхашкахь дакъа ца лоцуш^[1].

2004—2005 шерашкахь Хултыгов Антитерроран центран лерринчу ротан командир вара. 2005 шарахь иза Нохчийчоьнан Парламентан Республикин Советан депутат хаьржира. Кхерамзаллин а, бакъонан низаман а, нуьцкъаллин хӀоттамашца зӀе латторан а Комитетан председатель вара иза. 2008 шеран октябрехь иза Нохчийчоьнан Парламентан депутат хаьржира, гӀишлошйаран а, ЖКХ-н а Комитетан декъашхо вара^[2].

• Почётные грамоты Президента Чеченской Республики;
• Орден «За развитие парламентаризма в Чеченской Республике».