Хомуха, Дмитрий Иванович
Карьера
Ашхабадерчу футболан ишколехь тренер Непомнящий Валерий волуш дӀаволавелира иза. ШолгӀачу классера дуьйна ишкол чекхйаккхалц цо дешна спортан ишколехь а, интернатехь а Агамурадов Тахмурадан куьйга кӀел. Шен ловзаран карьера цо йолийра 1985 шарахь Ашхабадан «Копетдаг» тобанехь. Эскаран гӀуллакх чекхдаьккхира цо Москохара ЦСКА шолгӀачу тобанашца а, Львовра СКА Карпатица а.
Лакхара тӀегӀанехь левзина Харьковн «Металлистехь», Петарбухан «Зенитехь», ЦСКА (Москох), ярославлан «Шинникехь», Соьлжа-ГӀалин «Теркехь». Говза тохара гӀуданаш.
Чекхйаьккхина Харьковн пачхьалкхан физикин оьздангаллин институт, тренерийн Лакхара ишкол. PRO категорин UEFA тренерийн лицензи йу.
ЦСКА-ан ДЮСШ-хь болх бина. 2010 шеран 16 сентябрех дуьйна 1996 шарахь бинчу жимахойн Российн гулйина командехь тренер болх бина. Цуо куьйгалла ден команда йалайелира 2013 шера Европин кегийрхойн чемпионатан финалан турнире[1] тӀаьхьо 2013 шеран Европин жимахойн чемпионат йаьккхира. Цул тӀаьхьа ши шо даьлча, оццу тобанца цо дато мидалш йаьхна 2015-чу шарахь 19 шо кхачанза болчу кегийрхойн футболан Европин чемпионатехь. 2015 шеран августехь Хомухас хийцира Писарев Николайца Россин кегийрхойн къоман тобанан тренер даржера. Контракт лелаш дара 2017 шеран Европин чемпионатан квалификацин раунд чекхйаллалц, амма къоман тобанан кхиаме йоцу старт хиллачул тӀаьхьа — йиъ матчехь кхо эшам, иза шен даржера дӀаваьккхира 25 ноябрехь вовшашца барт а бина[2].
2016 шеран апрелехь хилира ФК «Ригин» коьрта тренер[3]. Кхин биъ бутт баьлча, 9 августехь, клубо кхайкхийра контракт агӀонаш реза а болуш дохийна аьлла[4].
2017 шеран февралехь хӀоттийра Российн 2002 шарахь бина жимахойн гулйина командин лакхара тренер; контракт дира шо чекхдаллалц[5].
Гулйина команда
Левзина ССРС жимахойн гулйина командехь.
ССРС йоьхначул тӀаьхьа левзинаТуркменин гулйина командехь, къоман украинхо волушехь, Российн гражданалла йолушехь. Хомухас дийцарехь, гулйина командехь левзина шен бераллин тренеран Агамурадов Тачмурадан дехарца. Туркменин гулйина командехь левзина масех матчехь. Таиландан Универсиадехь дакъа лаьцна[6].
Кхиамаш
- 1998 шеран Российн чемпионатан детин совгӀатхо ЦСКА-н йукъахь;
- 1999 шеран Российн чемпионатан борзанан совгӀатхо ЦСКА-н йукъахь;
- Российн Кедан толамхо: 2003/04;
- 2004 шеран Российн хьалхейаккхаран хьалхара дивизионан толамхо;
- 2001 шеран Российн хьалхейаккхаран хьалхара дивизионан толамхо.
Тренеран
- Российн жимахойн гулйина команда (1996 шарахь бина):
- Москохара ламастан Дуьненайукъара жимахойн турниран толамхо.
- Дуьненайукъара турниран финалхо, Монтегю, Франци, 2012
- Дуьненайукъара Банниковн цӀарах турниран финалхо, Украина, 2012
- Европин чемпионатан (17 шо кхачанза) толамхо: 2013
- Европин чемпионатан (19 шо кхачанза) детин совгӀатхо: 2015
Билгалдахарш
- ↑ Юношеская сборная (U-17) может в случае успеха сыграть и на ЧМ-2013 Д. Хомуха. sports.ru. ТӀекхочу дата: 2025 шеран 20 ноябрь.
- ↑ Мутко: тренерский штаб Хомухи прекратит работу с молодёжной сборной России по футболу Д. Хомуха. rsport.ru. ТӀекхочу дата: 2025 шеран 20 ноябрь.
- ↑ Хомуха стал главным тренером футбольного клуба «Рига». Газета.Ru. ТӀекхочу дата: 2025 шеран 21 ноябрь.
- ↑ Хомуха покинул пост главного тренера «Риги». sport-express.ru. ТӀекхочу дата: 2025 шеран 21 ноябрь.
- ↑ Дмитрий Хомуха возглавил юношескую сборную России. ТӀекхочу дата: 2025 шеран 21 ноябрь. Кху чуьра архивйина оригиналан 2017 шеран 9 ноябрехь
- ↑ Дмитрий Хомуха: «Когда молодые жалуются на что-то, я вспоминаю Читу 94-го — без электричества, горячей воды и отопления». sports.ru. ТӀекхочу дата: 2025 шеран 21 ноябрь.
Кхин дӀа темана тӀехь
| |
|---|---|
| |
| ||
|---|---|---|
 | ||
| ||
|---|---|---|
 |
| |
Коьрта тренераш
| |
|---|---|
Коьрта тренераш
| |
|---|---|
| |
2022/23 шеран Российн ШолгӀа лигин клубийн коьрта тренераш | |
|---|---|
| 1 тоба |
|
| 2 тоба |
|
| 3 тоба |
|
| 4 тоба | |