Оьрсийн меттан версиБашха проекташ
Нисде хатӀМотт хийцаХаам
РУВИКИ-Х ЛАЬЦНА

Дроздов, Юрий Алексеевич

Дроздо́в Ю́рий Алексе́евич (1972 шеран 16 январь, Горячеводски) — Советийн а, Россин а футболист, ахтурсло а, турсло а; тренер. Pro категорин тренеран лицензи йолуш ву[1].

Биографи

1972 шеран 16 январехь вина Ставрополан махкара Горячеводски поселокехь. Кхийна ФШМ(оьр.)нохч. а, ставрополан РОШИСП а. Хьалхара тренер — Юлыгин Владимир.

Шен дахар

Кхо бер ду. Ши кӀант — Никита а, Илья а — профессионалан футболисташ хилира. Воккхаха кӀант — Никита(оьр.)нохч. (вина 1992 шарахь), ахтурсло. Левзина кировн «Фанком» клубехь[2] а, «Титан» медиафутболан командехь[3] а. КӀезиггехьа кӀант — Илья (вина 2000 шарахь), турсло. «СКА-Ростов-на-Дону» клубан[4] а, «СКА-РОСТОВ» медиафутболан командин[5] а ловзархо ву. ЙоӀ — Анастасия (йина 2003 шарахь).

Спортан карьера

Клубан карьера

Дуьххьарлера клуб хилира пятигорскан «Машук», цунна йукъахь левзина шина матчехь. Воккхийчеран командехь ловза волавелира 16 шо кхаьчначу хенахь, кегийрхойн команда РСФСР чемпионатехь толам баьккхиначул тӀаьхьа. 1989 шарахь дехьавелира москохан «Звезда» йукъа, ткъа цигара — «Динамо» (Москох) йукъа.

1993 шарахь дехьавелира «Локомотив» Москох команде, цигахь гӀаравелира. «Локомотивехь» ловзучу хенахь цунна дуккхазза тӀедиллина хилла дуьхьалбевллачу командийн хьалхалерчу ловзархошца персоналан лардар дан. Царна йукъахь хилла Баджо Роберто(оьр.)нохч., Тихонов Андрей(оьр.)нохч., Титов Егор(оьр.)нохч. а, кхиберш а[6].

1996 шеран Россин Кедан финалехь(оьр.)нохч. москохан «Спартакца» ловзуш, 85-гӀа минотехь толам бечу голан автор хилира (3:2), иштта Россин Кад баьккхира.

Масийттаза Россин чемпионатан мидалш йехира, 2002 шарахь чемпион хилира. Россин чемпионатехь левзина 321 матчехь.

2003 шарахь «Локомотивера» дӀаваьллачул тӀаьхьа, ловзархочун карьера дӀайихира[7]. 2003—2004 шерашкахь левзина владикавказан «Спартак-Алания» командехь. 2005 шарахь левзина кхазакхстанан «Женис(оьр.)нохч.» командехь, цу командин хӀоттамехь Кхазакхстанан Кад(оьр.)нохч. баьккхира[7]. 2006—2008 шерашкахь «Химки» командин ловзархо хилла[8], 2008 шарахь йоцачу хенахь подольскан «Витязь(оьр.)нохч.» командехь левзина[7]. Ловзархочун карьера 2009 шарахь москохан «Локомотив-2(оьр.)нохч.» командехь йистейаьккхина[7].

Гулйина командехь карьера

Левзина ССРС а, Россин а кегийрхойн гулйина командашкахь. Кегийрхойн дуьненан чемпионатехь ССРС гулйина командин хӀоттамехь кхо матч дӀадаьхьира. АгӀонан связка йоьхначун бахьанехь ахфиналехь а, 3-гӀа меттиган матчехь а командин гӀо дан ца йиш хилира.

Дуьххьара Россин гулйина команде контрольни ловзаршна Романцев Олега кхайкхина хилла 1997 шарахь. Амма москохан кафе йукъахь Дроздовн сумка лачкъайира, цу чохь дозанал арахьара паспорт а дара; иштта команда цуьнца ца йолуш хӀаваехула дӀайахара[9].

Россин гулйина командехь(оьр.)нохч. 1999—2001 шерашкахь левзина 10 матчехь.

Ловзаран стиль

Дроздов Юрий шен ницкъаш командин пайда дӀалуш волу тӀегӀанан ахтурсло санна гӀараваьлла хилла, майдан тӀехь дукха а, арахьара ца гуш йолу а болх бан безаш хилла цунна[10]. Цуьнан ловзаран стиль «рояль дӀахьа кхахьа везаш волу говзанча» боху метафорица билгалйаьккхина: цо шен ловзар командин пайда дӀалуш, «шолгӀачу планан» роль кхочушйеш хилла. Прессехь цуьнах «тергал ца воьллу турпалхо» а, шен заманан персоналан лардар деш волчу уггаре дикачу ловзархойх цхьаъ а бохуш хилла; цо тӀегӀанан зона «цементйеш» хилла[11].

Цуьнан ловзаран коьрта башхалла дуьхьалбевллачу командин хьалхалерчу ловзархойн персоналан лардар дара. «Локомотивехь» цунна тӀедиллина хилла тӀелетаран ловзархойн — Баджо Роберто, Тихонов Андрей а, Титов Егор а — ловзарна новкъарло йан. Дуьхьал ца воьллуш хиларна а, ловзарехь «дохош верг» санна шен роль кхочушйарна а журналисташа цуьнан ловзар дрозд олучу олханан амалшца дустуш хилла[12].

Тренеран карьера

Ловзархочун карьера 2009 шарахь йистейаьккхинчул тӀаьхьа, тренеран болх бан волавелира. 2010—2011 шерашкахь «Локомотив-2» командехь тренеран гӀонча хилла.

Цул тӀаьхьа, дукхахьолахь Россин клубашкахь коьрта тренеран болх баьхьира. Дуьххьара цу гӀуллакхна 2012 шеран июлехь «Сахалин» клубехь хӀоттавира (2012 шеран сентябрехь кхаччалц). Цул тӀаьхьа «Краснодар-2» (2013—2014) а, москохан «Сахалинец(оьр.)нохч.» (2020—2023) а клубийн коьрта тренер хилла[13], шозза «Сахалин» йукъа йуха а вирзина (2019—2020, 2023—2024). COVID-19 пандемин бахьанехь хан кхачале йистейаьккхинчу 2019/20 сезонехь «Сахалин» командо, цуьнан куьйгаллехь, шен гуламехь ПФЛ хьалхейаккхаран детин мидалш йехира.

Иштта «Спартак-Нальчик» клубехь тренеран гӀончан болх баьхьира (2014—2017). Минскан «Динамо(оьр.)нохч.» клубехь (2017—2018) Гуренко Сергей(оьр.)нохч. тренеран штабехь воккхаха тренеран гӀуллакх кхочушдеш хилла[14].

2024 шеран 31 декабрехь Дроздовн а, «Сахалин» клубан а контрактан хан йистейелира, цул тӀаьхьа цо клуб дитира[15].

Статистика

Клубан статистика

Клуб Сезон Ловзарш Голаш
Байракх ССРС Машук (Пятигорск) 1988 2 0
Байракх ССРС Звезда (Москох) 1989 0 0
Байракх ССРС Динамо (Москох) 1990—1991 6 0
Российн байракх Динамо (Москох) 1992 12 0
Российн байракх Динамо-д 1992 7 0
Российн байракх Локомотив (Москох) 1993—2003 254 5
Российн байракх Локомотив-2 1994—2000 6 1
Российн байракх Спартак-Алания 2003—2004 37 0
Кхазакхстанан байракх Женис 2005 26 1
Российн байракх Химки 2006—2008 56 1
Российн байракх Витязь (Подольск) 2008 2 0
Российн байракх Локомотив-2 2009 18 0
Йерриге карьеран жамӀ 426 8

Гулйина командехь статистика

Гулйина команда Шо Ловзарш Голаш
Байракх ССРС ССРС (20 шо кхачанза) 1991 3 0
Российн байракх Росси 1999—2001 10 0
Йерриге карьеран жамӀ 13 0

Кхиамаш

Командин

  • Россин чемпион: 2002.
Россин чемпионатан детин совгӀатхо (4): 1995, 1999, 2000, 2001.
Россин чемпионатан борзанан совгӀатхо (3): 1992, 1994, 1998.
  • Россин Кад баьккхина (4): 1995/96, 1996/97, 1999/2000, 2000/01.
Россин Кедан финалхо: 1997/98.
  • УЕФА Кад баьккхинчеран Кедан ахфиналхо: 1998, 1999.
  • Кхазакхстанан Кад баьккхина: 2005.
  • 2006 шеран Россин хьалхейаккхаран хьалхара дивизионан толамхо.
  • Кегийрхойн дуьненан чемпионатан борзанан совгӀатхо: 1991.

Долара

  • Россин 33 уггаре дика футболистийн исписка (4): № 1 — 2000; № 2 — 1999; № 3 — 1995, 1998.

Билгалдахарш

  1. ↑ Yuriy Drozdov - Manager profile (инг.). Transfermarkt. ТӀекхочу дата: 2026 шеран 13 октябрь.
  2. ↑ Nikita Drozdov - Player profile (инг.). Transfermarkt. ТӀекхочу дата: 2026 шеран 13 октябрь.
  3. ↑ Дроздов Никита Юрьевич. Медийная футбольная лига. ТӀекхочу дата: 2026 шеран 13 октябрь.
  4. ↑ Ilya Drozdov - Player profile (инг.). Transfermarkt. ТӀекхочу дата: 2026 шеран 13 октябрь.
  5. ↑ Дроздов Илья Юрьевич. Медийная футбольная лига. ТӀекхочу дата: 2026 шеран 13 октябрь.
  6. ↑ ДВИЖ ДРОЗДОВУ — 53! ФК «Локомотив». ТӀекхочу дата: 2026 шеран 13 октябрь.
  7. ↑ 1 2 3 4 Юрий ДРОЗДОВ. Сборная России по футболу. ТӀекхочу дата: 2026 шеран 13 октябрь.
  8. ↑ Юрий Дроздов. footballtop.ru. ТӀекхочу дата: 2026 шеран 13 октябрь.
  9. ↑ «Если хотел хорошо зарабатывать, надо было играть с травмами». Юрий Дроздов – незаметный герой «Локо» Семина и сборной Романцева. Sports.ru. ТӀекхочу дата: 2026 шеран 13 октябрь. Архивйина 2022 шеран 15 январехь
  10. ↑ 100 лучших игроков «Локомотива». Юрий Дроздов. ФК «Локомотив». ТӀекхочу дата: 2026 шеран 13 октябрь.
  11. ↑ Юрий Дроздов. Незаметный герой великой команды. lokomotiv.info. ТӀекхочу дата: 2026 шеран 13 октябрь.
  12. ↑ ДРОЗДЫ ПРИЛЕТЕЛИ. Детская футбольная лига. ТӀекхочу дата: 2026 шеран 13 октябрь.
  13. ↑ Дроздов Юрий Алексеевич. Московская федерация футбола. ТӀекхочу дата: 2026 шеран 13 октябрь.
  14. ↑ Сергей Гуренко — главный тренер минского «Динамо», Юрий Дроздов — старший тренер. football.by. ТӀекхочу дата: 2026 шеран 13 октябрь.
  15. ↑ Главный тренер футбольного клуба «Сахалин» Дроздов не знает, продолжит ли команда существовать после Нового года. Матч ТВ. ТӀекхочу дата: 2026 шеран 13 октябрь.

Хьажоргаш

Кхин дӀа темана тӀехь

Категореш