Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хасиев, Майрбек Сулумбекан воӀ

Хасиев, Майрбек Сулумбекан воӀ (1963 шеран 17 август, Горячеисточненски, Нохч-ГӀалгӀайн Автономин Советийн Социалистийн Республика) — Российн спортан функционер, промоутер, ACB а, ACA а промоутерийн компанийн президент[1]. ACB (тӀаьхьо АСА) а, «Беркут» латархойн клубан а бухбиллинарг иштта долахо а ву[2][3].

Биографи

1963 шеран 17 августехь вина. НГӀАССР-ра Йиссин-ГӀалин 1-чу йуккъерчу школехь дешна. Бераллехь дуьйна спорт йезаш вара: футболах ловзура, школан командин йукъахь баскетболах йолу къийсамашкахь дакъалоцура. ВорхӀалгӀачу классехь латаран секце хӀоьттира. Оцу латаран тайпанехь республикин кегийрхойн чемпионатехь шолгӀа меттиг йаккха аьтто хилира цуьнан. ИссалгӀачу классехь каратэ секце хӀоьтта лиира цунна, амма цига берхӀийтта шо кхаьчна студенташ бен ца оьцура. Шен цхьана интервьюхь Хасиевс дийцира, ша каратэ техника муха Ӏамайора, тренировкашка ша ца вуьтушшехь, иштта.[4]:

Со чӀогӀа жима вара — бархӀалгӀа, оьшуш иссалгӀа класс, со цига ца ийцира. ТӀаккха ас хӀун дора: тренировке а вогӀий, коран тӀе а волий, цара хӀун упражненеш йо хьожура, дагахь а латтайой, цӀахь уьш йухайора. Дика схьадогӀура сан. ИттлагӀчу классехь дуккха а приёмаш йевзаш вара со, муьлхха а шпагат а дора

1981 шерера 1987 шо кхаччалц Къилбаседа-ХӀирийчоьнан пачхьалкхан медицинин академехь(оьр.)нохч. дешна. Дешарх мукъачу хенахь каратэ секцехь волалора. Академи чекхйаьккхинчул тӀаьхьа Республикин клиникин больницин базин тӀехь интернатура чекхйаьккхира[5].

В 1988 году начал работать врачом-терапевтом.

Хьалхарчу нохчийн кампанехь тӀеман лоьралла деш вара, чевнеш хилларш дарба деш. Шен медицинин гӀуллакх шолгӀачу нохчийн кампанин шерашкахь а дӀахьаьжира. ТӀеман ницкъашкара полковникан звани йолуш балхара дӀавелира[6].

2007 шарахь Нохчийн Республикин куьйгалхочун Кадыров Рамзанан омрица республикин медицинин-социалан экспертизин институтан куьйгалхо хӀоттийра.

Майрбек Хасиев.png

Промоутеран гӀуллакх

Латаран индустрехь Хасиевс шен болх каратэ къийсамаш вовшахтохарца дӀаболийра. 2009 шарахь цо шен зал йиллира, иштта «Беркут» клуб йиллира, цуьнан базин тӀехь 2014 шарахь АСВ (Абсолютный чемпионат «Беркут») промоушен схьайиллира. Ши шо даьлча организаци дуьненайукъарчу тӀегӀане йелира[7].

2018 шарахь АСВ промоушен иштта эвсара латаран кхин йолу организацица — WFCA-ца («Ахмат» дуьненайукъара латархойн чемпионат) цхьаьнакхийтира. Кхоьллинчу лигин цӀе — АСА хилира[8]. Майрбек Хасиев промоушенан долахочун статусехь висира, иштта 2024 шарахь цуьнан президент хилира[9].

2024 шеран декабрехь Хасиевс лигин гӀуллакхех йуьззина йукъахвала сацам бира, иштта куьйгалхочун меттиг дӀахийцира, президентан дарж UFC-н экс-латархочунна Бибулатов Мохьмадна дӀалуш[10].

Билгалдахарш

  1. ↑ Президент ACA объяснил, почему не подписывает контракты с экс-бойцами UFC. karate.ru. ТӀекхочу дата: 2026 шеран 4 март.
  2. ↑ «Дана Уайт поступает так, Майрбек поступает по-другому». Человек, который меняет результаты боев ММА. matchtv.ru (2017 шеран 2 февраль). ТӀекхочу дата: 2026 шеран 4 март.
  3. ↑ "Критикуют за "сбитых летчиков": АСА отказывается от экс-звезд UFC. РИА Новости Спорт (20220117T1913). ТӀекхочу дата: 2026 шеран 4 март.
  4. ↑ Кто такой чеченец Майрбек Хасиев, основатель ACA и владелец лиги ММА. mma.metaratings.ru (2022 шеран 27 ноябрь). ТӀекхочу дата: 2026 шеран 4 март.
  5. ↑ Майрбек Хасиев. ACB. Интервью для журнала Околоспорт. 2016 год. ТӀекхочу дата: 2026 шеран 4 март.
  6. ↑ Майрбек Хасиев. 24SMI. ТӀекхочу дата: 2026 шеран 4 март.
  7. ↑ Лига ACB -история, чемпионские пояса, весовые категории., Секция ММА - Тренировки по Тайскому боксу, Кроссфиту в Москве клуб STRIKER (2019, 7 август). Дата обращения: 4 мартехь 2026.
  8. ↑ Майрбек Хасиев: «Хабиб — самый продуманный боец всех времен и народов», sport-express.ru (2022, 8 сентябрь). Дата обращения: 4 мартехь 2026.
  9. ↑ Весёлый, Виталий. Основатель и владелец лиги ACA Майрбек Хасиев стал президентом организации (2024, 21 май). Дата обращения: 4 мартехь 2026.
  10. ↑ Новым президентом лиги ACA стал бывший боец UFC. РБК Спорт (2024 шеран 7 декабрь). ТӀекхочу дата: 2026 шеран 4 март.

Хьажоргаш

Кхин дӀа темана тӀехь

Категореш