Ханбиев, Мохьмад Ӏилманан воӀ

Ханбиев Мохьмад вина 1962 шеран 10 ноябрехь Нохчийчоьнан Нажи-Йуьртан кӀоштан Бена йуьртахь. Йуккъера ишкол Бенахь чекхйаьккхина цо.

1982—1984 шерашкахь гӀуллакх дина Советан Эскаран могӀаршкахь, Германехь Советан ницкъийн тобанехь (ГДР). Эскарера цӀа веанчул тӀаьхьа цо дешна Нохч-ГӀалгӀайн пачхьалкхан университетан (ЧГУ) историн отделенехь.

ПаргӀат латаран тренер санна болх бина. Спортан мастер кандидат ву.

1992-чу шарахь дуьйна цо гӀортор йора йозуш йоцу светски Нохчийн Республика кхолларан ойланна.

1996-чу шарахь дуьйна Ичкерин къоман гвардин буьйранча ву Ханбиев Мохьмад. Оццу шарахь бригадин инарлин чин а елира цунна.

1998-чу шарахь бригадин инарла а ваьлла, ша-шех Ичкери олучу мехкан тӀеман министран дарж дӀалаьцна цо.

Ханбиев Мохьмадна елла ша-шех кхайкхийначу Ичкерин лаккхара орденаш: Къоман Сий, Турпаллалин Сий, Яхь.

1998-чу шарахь дуьйна динан экстремизм яржарна а, цӀий Ӏанорна а дуьхьал вистхилла иза. Басаев Шамилца а, вахӀабистийн куьйгалхошца а девне велира иза.

Нохчийчохь шолгӀа герзаца тӀом болабелчхьана Нажи-Йуьртан агӀонан (фронтан) буьйранча Ханбиев Мохьмад а ву ша-шех Ичкери олучу пачхьалкхан агӀор.

2004-чу шеран март баттахь Ханбиев Мохьмад ша лелочух а кхетта, герз охьа а диллина, низамехь долчу Ӏедална тӀевеара.

2005-чу шеран 15-чу сентябрехь СПС партин Нохчийн Республикехь йолчу регионан декъан декъашхойн юкъарчу гуламехь Ханбиев Мохьмад хьалхатеттира Нохчийн Республикин Парламентан депутатийн дарже партин тептар тӀехь.

2005 шеран 27 ноябрехь Ханбиев Мохьмад хаьржира Нохчийчоьнан парламентан депутат.

Ваша Ӏумар лор а, политикин гӀуллакххо а ву, медицинан Ӏилманийн кандидат а, республикин орцан медицинан гӀоьнан больницехь коьрта лор а, Нохчийн Республикин могашаллин министерствон коьрта хирург а ву. Зуда йалийна ву, 7 бер а ду.

• Кадыровн орден,
• «Нохчийн Республикехь парламентаризм кхиорна» орден
• НР-н Куьйгалхочун Сийлаллин грамота^[1].