Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хамзаев, Ӏаднан Дагунан воӀ

Хамзаев Ӏаднан Дагунан воӀ (оьрс. Хамзаев, Аднан Дагуевич; 1950 шеран 3 август, Сарыагаш, Туркестанан область йа Туркестанан область) — россин Ӏилманча, физикин а, математикин а Ӏилманийн доктор, профессор. Иштта 1992 шарахь дуьйна Нохчийн республикин академин декъашхо ву.

Иза ву Российн Федерацин ЮНЕСКО-н комиссин ЮНЕСКО-н дуьненайукъара программин бух болчу Ӏилманийн Российн комитетан председатель.

Биографи

Ӏаднан вина 1950 шеран 3 августехь. Кхазакхийн ССР-чу Сарыагашан кӀоштахь Сары-Агач йуьртахь. Масех шо даьлча ХамзаевгӀеран доьзал Нохч-ГӀалгӀайн республике, Котар-йуьртахь баха хевшира. Цигахь ишколе деша вахара Ӏаднан. Цул тӀаьхьа Соьлжа-гӀала дӀабахвра уьш[1].

Цигахь 1967-чу шарахь лакхара ишкол чекхйаьккхина цо. Ишкола чекхйаьккхинчул тӀаьхьа иза деша воьду Москох физикин-технологин институтан аэромеханикин а, рейсийн инженерийн а факультете «кеманийн динамика а, урхалла а» говзалла карайерзош[1].

1981—1990 шерашкахь Туполев Андрей Николаевичан цӀарахчу АСТК-н тӀедилларца Ӏилманан-талламан белхийн куьйгалхо вара. Цул сов, Нохч-ГӀалгӀайн пачхьалкхан университетан а, М.В Ломоносовн цӀарах йолчу Москохара пачхьалкхан университетан а цхьаьнаболхбаран программина куьйгалла дина цо.

Нохчийн Республикин Ӏилманийн Академин декъашхо 1992 шеран апрель баттахь дуьйна хилла иза[2].

1990-гӀа шераш чекхдовлуш цо болх бира Российн Федерацин пачхьалкхан йоцучу университетийн ассоциацин кхеташонан председателан гӀовсан даржехь.

2005—2012 шерашкахь Россин Федерацин ЮНЕСКО-н комиссин декъашхо вара[3].

2007 шо кхаччалц Нохчийн пачхьалкхан университетан ректор.

2007 шарахь дуьйна иза ву Российн Федерацин ЮНЕСКО-н комиссин ЮНЕСКО-н дуьненайукъара программин бух болчу Ӏилманийн Российн комитетан председателан даржехь.

СовгӀаташ

  • Россин Федерацин а, ЮНЕСКО-н а цхьаьнаболхбарехь шен дакъа лацарна дагалецаман мидал а, грамота а.

Билгалдахарш

  1. ↑ 1 2 Кафедра аэромеханики и газовой динамики – Хамзаев Аднан Дагуевич. new.math.msu.su (2018 шеран 8 май). ТӀекхочу дата: 2020 шеран 9 сентябрь. Архивйина 2020 шеран 7 февралехь
  2. ↑ Академия наук Чеченской Республики. ТӀекхочу дата: 2020 шеран 1 сентябрь. Архивйина 2020 шеран 24 августехь
  3. ↑ Хамзаев Аднан Дагуевич. new.math.msu.su. ТӀекхочу дата: 2026 шеран 30 июль.

Хьажоргаш

Категореш