Хаймович, Зеэв

«Бейтар Нес Тубрук» Нетанья кегийрхойн академин кхиорхо, цо шен говзаллин карьера йолийра 2001 шарахь Раананера «Хапоэль»(оьр.)нохч. тобанца, цигахь ловзуш вара 2004 шо кхаччалц, 74 матчехь левзина, ши гол тоьхна. 2004—2007 шерашкахь иза ловзуш вара Петах Тиквера «Хапоэль» клубехь, 86 матчехь ловзуш, цхьа гол тоьхна. Цул тӀаьхьа иза дӀавахара Тель-Авивера «Бней Иегуда» йукъа, 33 матч левзина цу клубехь. Цул тӀаьхьа цо шен карьера дӀайаьхьира Нетанияра «Маккабехь». «Маккаби» клубехь 16 матч левзина иза, цхьа гол а тоьхна. 2009 шеран августехь иза дӀавахара Россех, Соьлжа-ГӀалара «Терк» клубе, кхаа шарна контракт а йина, трансферан мах 400 эзар АЦШ доллар бара^[3]. «Теркан» йукъахь дебют йира 9 августехь, 17-гӀа туран матчехь москохан «Динамон» дуьхьала. 2012 шеран январехь трансфере хӀоттийра клубо.

1998—2000 шерашкахь иза левзира 19 матчехь, цхьа гол тоьхна Израилан юниорийн къоман тобанехь (U16), ткъа 2001 шарахь цхьа матч левзира кегийрхойн къоман тобанехь (U19). 2004—2005 шерашкахь иза левзира кегийрхойн тобанехь (U21)(оьр.)нохч., 12 матчехь левзина иза, ткъа 2007 шарахь цхьа матч левзира Исраилан коьрта къоман тобанехь. Зеэв капитан вара массо а жимахойн а, кегийрхойн а тобанашкахь^[4].