Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Святополк-Мирский, Александр Сергеевич

Святопо́лк-Ми́рский Алекса́ндр Серге́евич (1879, Теркан область  — 1915, Бринь йуьртана уллехь) — Нохчийн дошлойн полкан полковник, оьрсийн-японцийн а, Дуьненан хьалхарчу а тӀемийн турпалхо.

Биографи

Керста динах. Витебски губернин элийн тӀаьхьенах.

undefined

Чекхйаьккхина Владимирски Киевски кадетийн корпус (1895) а, ша цигара ваьлча подпоручикан даржехь 21-чу артиллерин бригаде а вохуьйтуш Константиновски артиллерин училище (1897) а.

Дакъалаьцна 1900-1901-чуй шерийн Чинан кампанехь, 1900-чу шеран товбецан 4-чу дийнахь хорунжийн цӀе а луш 3-чу Забайкальски гӀалагӀазкхийн батарей дехьаваьккхина[1]. ТӀемашкахь билгалваларна шина орденца совгӀат дина. 1901-чу шеран товбецан беттан 25-чу дийнахь 21-чу артиллерин бригаде йуха дехьаваьккхина[2], ткъа 1902-чу шеран хьаьттан беттан 25-чу дийнахь «шерашкахь гӀуллакхдарна» поручикан чин делла.

Оьрсийн-японин тӀом болабаларца, 1904-чу шеран оханан беттан 11-чу дийнахь, сотникан цӀе а луш, Забайкальски гӀалагӀазкхийн эскаран 1-чу Читински полке дехьаваьккхина[3]. Везачу Георгийн 4-чу даржан орден йелла.

1904-чу шеран хӀутосург баттахь японцийн эскаран тыле ваха хьалха а ваьлла, талламхой Ӏад а битина, ша гӀаш Фынхуанчен-Пьемыне буьдучу новкъа а ваьлла, мостагӀчун тыле а вахана, цигара мехала масех хаамаш баийтарна а, цул тӀаьхьа ша йийсарехь а волуш, цигахь шена хаамаш боьвзинчул тӀаьхьа, вада а ведда, ша шолгӀа схьалацале вайн эскаре Курокин эскар лаьтта меттиган а, цуьнан гӀуллакхан а хьокъехь хаамаш баийтарна а. Цул тӀаьхье, йийсар вина Япони дӀавигна а волуш, ша чов йина а, даьӀахкаш кеггийна а, динбухка чуьрайаьккхина а вара аьлла ца Ӏаш, шен эскаре йухаван дог ца дуьллура цо, вада а гӀиртина иза, делахь а, кхиам боцуш.

ТӀом дӀабаьллачул тӀаьхьа йийсаре схьавеана, Забайкальски гӀалагӀазкхийн бригадин адъютант а, Туркестански тӀеман гуонан эскарийн буьйранчин адъютант а хилла. 1906-чу шеран мангалан беттан 10-чу дийнахь «шерашкахь гӀуллакхдарна» подъесаулан чине дарже ваьккхина[4].

1908-чу шеран асаран беттан 17-чу дийнахь Кубански гӀалагӀазкхийн эскаран 1-чу Тамански полке дехьаваьккхина[5], оццу шеран лахьанан беттан 26-чу дийнахь «гӀуллакхдарехь билгалваларна» есаулан дарж делла[6]. Кхиамца чекхйаьккхина Эпсарийн дошлойн ишкола. 1911-чу шеран хьаьттан беттан 22-чу дийнахь дуьйна Эпсарийн дошлойн ишколин гӀалагӀазкхийн декъан хьаькаман декхарш кхочушдан хӀоттийна, ткъа 1912-чу шеран чиллин беттан 26-чу дийнахь «гӀуллакхдарехь билгалваларна» даржехь чӀагӀ а веш, эскаран старшинан чин делла[7]. 1913-чу шеран асаран беттан 5-чу дийнахь даржах паргӀатваьккхина[8]. 1914-чу шеран кхолламан беттан 16-чу дийнахь 1-чу Черноморски гӀалагӀазкхийн полке дехьаваьккхина[9].

Дуьненан хьалхара тӀом балабаларца, 1914-чу шеран хьаьттан беттан 16-чу дийнахь 3-чу Черномосрски гӀалгӀазкхийн полкан буьйранчча хӀоттийна, ткъа хьаьттан беттан 26-чу дийнахь — подполковникан чин а луш, Нохчийн дошлойн полкан буьйранча. Везачу Георгийн 3-чу даржан орден йелла.

1915-чу шеран кхолламан беттан хьалхарчу декъехь Ломне а, Лутовиско а йолчу агӀор австрийцаша тӀелатар дечу хенахь, подполковникан чинехь а, оцу полкехь куьйгалла деш а волуш, мостагӀчун дуккха а болу ницкъаш совцорна а, мостагӀчух лаьцна мехала хаамаш гулбарна а. ТӀаьххьарчу латаршкахь турпалалла а, майралла а гайтина, ткъа 1915-чу шеран чиллин беттан 15-чу дийнахь Бринь йуьртана уллехь хиллачу латарехь кхийсархойн зӀена хьалха а ваьлла, шен полкана куьйгалла деш а волуш, веран чов йина цунна.

1915-чу шеран кхолламан беттан 31-чу дийнахь «мостагӀун дуьхьал гӀуллакхаш дарехь билгалваларна» даржехь чӀагӀ а веш, поковникан даржа делла. 1915-чу шеран чиллин беттан 15-чу дийнахь Бринь йуьртана уллехь хиллачу латарехь, шен полкана куьйгалла деш а волуш, вийна.

СовгӀаташ

  • Везачу Станиславан таррашца а, бантаца а йолу 3-чу даржан орден (ВП 5.02.1903),
  • Везачу Владимиран таррашца а, бантаца а йолу 4-чу даржан орден (ВП 6.02.1903),
  • Везачу Станиславан таррашца йолу 2-чу даржан орден (ВП 24.01.1906),
  • Йезачу Аннин 2-чу даржан орден (ВП 10.09.1906),
  • Везачу Георгийн 4-чу даржан орден (ВП 12.02.1907)
  • Везачу Георгийн 3-чу даржан орден (ВП 3.11.1915)

Билгалдахарш

  1. ↑ Высочайшие приказы по Военному ведомству к № 518. — 1900.
  2. ↑ Высочайшие приказы по Военному ведомству к № 572. — 1901.
  3. ↑ Высочайшие приказы по Военному ведомству к № 706. — 1904.
  4. ↑ Высочайшие приказы по Военному ведомству к № 821. — 1906.
  5. ↑ Высочайшие приказы по Военному ведомству к № 923. — 1908.
  6. ↑ Высочайшие приказы по Военному ведомству к № 946. — 1908.
  7. ↑ Высочайшие приказы по Военному ведомству к № 1114. — 1912.
  8. ↑ Высочайшие приказы по Военному ведомству к № 1181. — 1913.
  9. ↑ Высочайшие приказы по Военному ведомству к № 1213. — 1914.

Хьажоргаш

Категореш