Сайдуллаев, Малик Мингаевич
| Малик Мингаевич Сайдуллаев | |
|---|---|
 Сайдуллаев Малик | |
| Вина терахь | 1964 шеран 5 октябрь (60 шо) |
| Вина меттиг | Ӏалхан-Йурт, Хьалха-Мартанан кӀошт, Нохч-ГӀалгӀайн АССР, РСФСР, СССР |
| Гражданалла |
 ССРС →  Росси |
| ГӀуллакхан тайпа | предприниматель, политик |
 Медиафайлы на РУВИКИ.Медиа | |
Ма́лик Минга́евич Сайдулла́ев (1964 шеран 5 октябрь, Ӏалхан-Йурт, Хьалха-Мартанан кӀошт, Нохч-ГӀалгӀайн АССР, РСФСР, СССР) — нохчийн бизнесмен, политик, «Милан» цӀе йолу концерн кхоьллинарг а, куьйгалхо а, 1999—2000 шерашкахь Нохчийн Республикин Госсоветан председатель. Тайпана бено ву.
Биографи
Вина 1964 шеран 5 октйабрехь Ӏалхан-Йуьртахь. 1981-чу шарахь гӀишлошъйарехь, цул тӀаьхьа жижиг кечдечу заводехь балха хӀоьттира иза. 1983-чу шарера 1985-чу шаре кхаччалц Советан эскарехь гӀуллакх дина цо. Шен гӀуллакх чекхдаьккхинчул тӀаьхьа Нохч-ГӀалгӀайн пачхьалкхан университетан Йукъара физикин кафедрин лаборант болх бина цо. Цо заочно чекхъйаьккхира Нохч-ГӀалгӀайн университетан экономикан факультет.
1989-чу шарахь Стерлигов Германа кхайкхира цуьнга цхьаьна бизнесе ваха. Сайдуллаевс «Амина» биржа кхоьллина Стерлиговн долахь хиллачу «Алиса» биржан долахь йолу компани санна.
1993-чу шарахь Тарасов Артема гӀо а деш, кхоьллира цо шен «Милан» фирма. Фирма лотерейн бизнес лело йолаелира. Компанин уггаре а гӀарайаьлла проект йара "Оьрсийн лото". Хьалхара лотерей дӀайаьхьира 1994 шеран 16 октябрехь РТР телеканалехь[1].
1995-чу шарахь «Кедр» цхьаьнакхетараллин федералан тептарехь Пачхьалкхан Думе кандидат вара иза, амма цхьаьнакхетараллин аьтто ца баьлла 5 процент барьерах а чекхбовла.
1999 шеран 7 октябрехь Нохчийчоьнан Халкъан гуламо иза хӀоттийра Нохчийчоьнан Пачхьалкхан Советан Председатель. Оцу даржехь «Ловзар» хелхаран ансамбль шен тӀема кӀел а эцна, цунна хьалха лаьтташ йолу проблемаш дӀайаьхна цо: репетицин меттиг цахилар, костюмаш, и.дӀ.кх.а.
2003 шарахь иза кандидат вара Нохчийчоьнан президентан дарже, амма Нохчийчоьнан Лакхарчу кхело дӀаяьккхира цуьнан кандидатура, цунна гӀортор еш харжамхойн куьйгаш гулдеш дина низамаш дохорна[2].
2004-чу шарахь, Кадыров Ахьмад-Хьаьжа веллачул тӀаьхьа, Нохчийчоьнан керла президент хоржуш харжамаш хилира. Юха а хьалхатеттина Сайдуллаевс шен кандидатура. Нохчийчоьнан харжамийн комисси реза ца хилира иза йукъаваийта, цуьнан паспортаца нийса доцуш цхьаъ хилар бахьана долуш[3].
СовгӀаташ
- Юбилейн мидал «Оьрсийн флотан 300 шо» (2001 шо);
- Билгало «ТӀеман операцешкахь дакъалацархо» (2001 шо).
Доьзал
Цуьнан ши бер ду.
Билгалдахарш
Библиографи
- Алироев И. Ю., Сайдуллаев М. М. Чеченцы! Кто они?. — Москва: Агент, 1999. — 167 с.
- Сайдуллаев М. М. Чеченскому роду нет переводу. — Москва: Ставия-Пресс, 1999. — 310 с.
- Сайдуллаев М. М. Философия возрождения Чечни. — 1999. — 95 с.
- Сайдуллаев М. М. Чеченский конфликт: истоки, движущие силы, пути урегулирования. Этнополитический аспект. Монография. — Москва: ООО «Джей Ти Принт», 2003. — 175 с. — ISBN 5860141459.
Хьажоргаш
- Вйачеслав Измайлов. Сайдуллаев Малик Мингаевич. Cry news (2001 шеран 5 март). ТӀекхочу дата: 2015 шеран 15 январь.
- «Счастливый билет» Малика Сайдуллаева. ТӀекхочу дата: 2015 шеран 15 январь.
- Сайдуллаев Малик Мингаевич. Кавказский узел (2003 шеран 9 сентябрь). ТӀекхочу дата: 2015 шеран 15 январь.
 |
|
|---|
