Рудяк, Евгений Георгиевич

1908 шеран 2-чу январехь Грозненски станицехь (хӀинца Соьлжа-ГӀала) вина.

Ленинградан политехникин институтан тӀеман-механикин дакъа чекхдаьккхина (1932).

Институт чекхйаьккхинчул тӀаьхьа Ленинградехь «Большевик» заводан конструкторийн бюрохь болх бина. ТӀом бале хьалхалерачу шерашкахь — КБ-н хьаькам а, заводан коьрта инженер а. 1944—1970 шерашкахь КБ-н хьаькам а, проектан коьрта конструктор а.

ССРС-хь хьалхара шахтин базин стартови комплексаш а, хи бухахула лела кеманаш тӀера ракеташ йассаран хьалхара йолайолуьйту установкаш а кхолларан куьйгалла дина. Техникин Ӏилманийн доктор (1965), профессор.

1968-чу шарахь пенсе ваханчул тӀаьхьа, 1991-чу шаре кхаччалц — Е. Г. Рудяк Ленинградан тӀеман-механикин институтехь хьехархочун балхахь хилла.

1991 шеран 4-чу апрелехь кхелхина. ДӀавоьллина Ленинградехь Большеохтински кешнашкахь.

Рудяк Евгений Георгиевич — артиллерин а, ракетин а герзан дуккха а системийн кхоллараллин декъашхо а, куьйгалхо а.

Цуьнан куьйгаллица кхоьллина:

• 100-мм универсалан зенитни герзан гӀирс
• МК-1 башенни установкашна лерина Б-37 йоккха топ,
• 2-йоккха топ йолчу палубно-башенни Б-54 установка,
• МК-4 а, МК-5 а установкашна лерина Б-38 йоккхачу тоьпан лела дакъа,
• 152-мм Б-38 йаккхий тоьпаш йолчу аьчка некъан транспортёраш,
• 76-мм 34К зенитни йаккхий тоьпашна лерина аьчка некъан батарейш,
• МК-85 башенни артустановка,
• Хи бухахула лела кеманаш тӀера баллистически ракеташ хин тӀехула а, хин бухахула а старт йан лерина СМ-60 а, СМ-87 а пусковой установкаш,
• СМ-59 а, СМ-64 а стартови установкаш,
• ВМФ-на лерина командно-дальномерни постин могӀа,
• ССРС-хь дуьххьарлера «Шексна-В» шахтин базированин тӀеман стартови комплексаш,
• Р-36М («Сатана») ракеташна лерина шахтин пусковой установкийн дуьххьарлера проекташ.

• Социалистийн Къинхьегаман Турпалхо — ССРС-н Лакхарчу Советан Президиуман 1963-чу шеран 28-чу апрелера («опубликовани йан ца деза» бохучу грифца) Указца «ракетин герзан керла типаш, иштта атомни хи бухахула лела кеманаш а, хин тӀехула лела кеманаш а кхолларехь а, производство йарехь а, и герз царна тӀехӀотторехь а, ТӀеман-ХӀордан Флотан кеманаш йухагерзашдарехь а боккха хьуьнар гайтарна» Ленинан орден а, «Марс а, Молот а» дешин медаль а луш^[1][2]
• Ленинан преми (1961)
• Хьалхарчу тегӀанан Сталинан преми (1942) — артиллерин герзан керла типаш кхолларехь биначу балхана
• ШолгӀачу тегӀанан Сталинан преми (1946) — хӀордан артиллерин герзан керлачу кепийн конструкци кхолларехь биначу балхана
• Хьалхарчу тегӀанан Сталинан преми (1951) — тӀеман техникин областехь биначу балхана
• ССРС-н Пачхьалкхан преми (1967)
• РСФСР-н Ӏилманан а, техникин а хьакъ долу гӀуллакххо (1968).
• Ленинан кхо орден (16.09.1945; 28.07.1947; 28.04.1963)
• I-чу тегӀанан Даймехкан тӀеман орден (18.11.1944)
• Къинхьегаман ЦӀен Байракхан ши орден (15.04.1939; 08.08.1944)
• ЦӀен Седин орден (18.01.1942)
• мидалш