Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Роши, Одисе

Оди́се Ро́ши (алб. Odise Roshi; 22 мая 1991, Фиери) — албанера футболист, «Ахматан» а, Албанин гулйина тобанан а ахтурсло.

Клубийн карьера

Одисе Роши ву «Аполони» цӀе йолу Албанера клубан кхиамхо. 2007 шеран 21 апрелехь «Партизани» клубан дуьхьала Суперлигехь ловзуш иза хьалхара левзира[3]. Цу шарахь «Аполони» Суперлигера араяла дийзира. ШозлугӀа шарахь Роши шен тобанца цул лахара лигехь ловза дийзира.

2009 шарахь Роши Албанин Суперлигера «Фламуртари» цӀе йолу клубе велира. 2010/11 шерийн сезонехь «Фламуртари» шозлугӀа меттиг йаьккхира. 2011 шеран 19 майхь Роши «Кёльн» цӀе йолу немцойн Бундеслиган клубе велира. Цу шеран 6 августехь «Кёльн» шен цӀахь ловзуш «Вольфсбурган» дуьхьула иза 83-чу минутехь Бундеслигехь духхьира ловза аравелира[4]. 2012 шеран 5 февралехь Роши шен Бундеслигехь хьалхара гол чуьтуьхира. И гол бахьнехь «Кёльнас» «Кайзерслаутерн» эшийра[5].

2012 шеран августехь Роши аренде дӀавелира «Франкфурт» цӀе йолу ШозлугӀа Бундеслиган тобане. Цхьа шо даьлча цо цу клубаца контракт йазйира. 2015 шеран 6 июнехь Роши Хорватера «Риека» цӀе йолу клубе велира, цаьрца 3 шаран контракт йина.

2016 шарахь иза «Тереке» велира. Оцу клубехь цуьнан хьалхара ловзар 2016 шеран 31 июлехь хилира Самарера «Крыльев Советов» цӀе йолу тобанан дуьхьула ловзуш. 22 октябрехь «Рубинан» (3:1) дуьхьула ловзуш Роши къестина хаза гол чуьтуьхира. И гол тӀаьхьа цу шарахь «Терекан» тоьлла гол лерира. 2019/20 шерийн сезонехь иза 26 а матчехь левзира, 7 гол а чуьтуьхира. 2020 шеран 19 августехь Рошис чуьтоьхна ши гол бахьнехь «Ахматас» Российн чемпионатехь «Ротор» эшийра. Оцу динахь Роши тоьлла ловзархо лерира.[6]

Гулйина тобанан карьера

2011 шеран 7 октябрехь Роши дуьххьуьра левзира Албанин гулйина тобанехь. Цу динахь Албани йара Францин гулйина тобан дуьхуьла ловзуш[7]. Албанин гулйина тобанехь шен хьалхара гол Рошис туьхуьра 2012 шеран 16 октябрехь Словенин дуьхьуьла ловзуш. Цо 36-чу минотехь тоьхна гол бахьнехь цуьнан тобанас толам беккхира[8].

Йерриг: ловзарш: 55 / чуьтоьхна голаш: 5; толамаш: 18, ничьяш: 10, эшамаш: 27. eu-football.info.

Билгалдахарш

  1. ↑ Odise Roshi // Transfermarkt(бил-боцу.) — 2000.
  2. ↑ Odise Roshi // FBref.com(бил-боцу.)
  3. ↑ Partizan Tirana 2:0 Apolonia Fier (инг.). — footballdatabase.eu. ТӀекхочу дата: 2016 шеран 1 май.
  4. ↑ Köln 0:3 Wolfsburg (инг.). — soccerway.com. ТӀекхочу дата: 2016 шеран 1 май.
  5. ↑ Kaiserslautern 0:1 Köln (инг.). — soccerway.com. ТӀекхочу дата: 2016 шеран 1 май.
  6. ↑ Дубль Роши принес «Ахмату» победу над «Ротором» в матче чемпионата России по футболу. ТӀекхочу дата: 2020 шеран 19 август.
  7. ↑ France 3:0 Albania (инг.). — soccerway.com. ТӀекхочу дата: 2016 шеран 1 май.
  8. ↑ Albania 1:0 Slovenia (инг.). — soccerway.com. ТӀекхочу дата: 2016 шеран 1 май.

Хьажоргаш

Кхин дӀа темана тӀехь

Категореш