Россехь коьрта ставка

Россин Банкан коьрта ставка (оьрс. Ключевая ставка в России) — Россин Федерацин Коьрта банкан (Россин банк) ахчанан политикан коьрта инструмент ю, цо Ӏаткъам бо экономикехь процентан ставкашна а, инфляцина а, къоман валютан курсана а — иза ю Россин банко коммерцин банкашна кредиташ луш а, цаьргара депозит схьаоьцуш а йолу процентан курс. Россехь коьрта ставка йукъайаьккхира 2013 шарахь, цул хьалха Оьрсийчоьнан банко лелайора рефинансированин ставка ахчанан политикан коьрта инструмент санна^[1]. Оьрсийчоьнан банкан директорийн кхеташоно шарахь ялхазза хӀоттайо коьрта ставка^[2].

2025 шеран 6 июнехь Оьрсийчоьнан банко лахйира коьрта ставка 20% кхаччалц шарахь, иза дуьххьарлера ахчанан политика паргӀатъяккхар дара 2022 шеран сентябрехь дуьйна^[3]. 2025 шеран 25 июлехь Оьрсийчоьнан банко юха а лахйира коьрта ставка — шарахь 18% кхаччалц^[4].