РАНИ

Вачаев Рамзан - схьаваьлла Нажи-Йуьртан кӀоштахь, Мескитахь. Вина 1971 шеран 3 ноябрехь, гӀараваьлла илланча а, гӀараваьллачу «Рани» тобанан коьрта илланча хилла а ву. Иза вина а, кхиъна а ву Нохчийн Республикин Гудермес муниципальни кӀоштахь^[1].

Шен музыкальни карьера 1990-чу шарахь йолийна Рамзан, Нохчийн Республикехь хилла ца Ӏаш, Российн кхечу регионашкахь а сиха гӀараваьлла. Шен накъосташца цхьаьна цо кхоьллира «Рани» тоба, цуьнан цӀе церан цӀеран хьалхарчу элпех лаьтташ ю: Рамазан, Ӏалибек, Надир, Ӏилмади. Тоба инзаре кхиаме яра. Цо шен синхаамечу гайтамашца а, шатайпачу мукъаман хатӀца а юкъараллин тидам тӀебахийтира. Цхьа декъашхо дӀакхелхинчул тӀаьхьа, тоба дӀасакъаьстина.

2007-чу шарахь Рамзана чекхъяьккхира Нохчийн пачхьалкхан культуран а, исбаьхьаллин а колледж, музыкан декъехь корматаллин дешар а оьцуш. Дуккха а хан яра Рамзан шена дукхадезачу гӀуллакхехь ца лелаш, амма исбаьхьалло(оьр.)нохч. дог-ойла дӀалаьцна. Ткъа хӀинца иза йуха а гӀуллакхехь ву Рамзан.

Тайп-тайпанчу концерташкахь а, мероприятешкахь а жигара дакъалоцуш ву Рамзан, шен иллешца самукъа а, дог-ойла а йохьуш. ТӀейогӀучу хенахь керла эшарш ара а йохуш, керлачу проекташна тӀехь къахьоьгуш, шен карьера кхидӀа а дӀаяхьа дагахь ву иза.

Булек хьалхара тӀом чекхбаьллачул тӀаьхьа кхелхира, бисинчара шайн гӀуллакхаш сацо сацам бира, эшарш лекхар а дитира. Цара сацам бира и гӀирс а, шайгахь мел йолу хӀума а Булекан жимахволчу вешина Ӏимранна дӀайала.^[2].