Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Отарсултанов, Джамал Султанан воӀ

Джама́л Султа́нан воӀ Отарсулта́нов (оьрс. Джамал Султанович Отарсултанов; 1987 шеран 14 апрель, Баташ, ДегӀастанан АССР) — россин паргӀат кепаран латархо а, Россин а, Европин а чемпион а, совгӀатхо а, 2012 шарахь 55 кг категорехь Олимпан чемпион, 2008, 2011, 2012 шерашкахь Европан чемпион, 2012 шарахь Россин чемпион а, Россин cийлахь спортан говзанча а[1].

Биографи

Отарсултанов Джамал вина 1987-чу шеран оханан беттан 14-чу дийнахь Хаси-Эвлан кӀоштан Баташ йуртахь ДегӀастанан АССР-хь. Къоман иза нохчи ву[1].

Цо чекхйаьккхина Москохан пачхьалкхан физически культурин академи[2].

2005 шарахь дуьйна Российн къоман тобанан декъашхо ву. Иза къийсавелла Москохан ЦСКА-н тобанехь[3].

2020-чу шарахь цо дӀакхайкхийра шен карьера чекхйала мегаш хиларх лаьцна[4].

2025 шарахь дуьйна Отарсултанов тренер санна дӀайавина ву Россин латаран федерацин сайта тӀехь[5].

Спортехь кхиамаш бахар

  • Россин паргӀат кепехь латаран чемпионат 2005 шо — 3;
  • Россин паргӀат кепехь латаран чемпионат 2006 шо — 3;
  • Континенташна йукъара кубок ЦСКА 2007 — 1;
  • Россин паргӀат кепехь латаран чемпионат 2007 шо — 2;
  • ПаргӀат кепехь латаран Дуьненан кубок (къоман тобанан декъашхо) — 1[6];
  • Россин паргӀат кепехь латаран чемпионат 2008 шо — 1;
  • Иван Ярыгинан гран-при 2008 шарахь — 2;
  • Иван Ярыгинан гран-при 2009 шарахь — 3;
  • ПаргӀат кепехь латаран Дуьненан кубок (къоман тобанан декъашхо) — 3[7];
  • Россин паргӀат кепехь латаран чемпионат 2010 шо — 3;
  • Россин паргӀат кепехь латаран чемпионат 2011 шо — 2;
  • Иван Ярыгинан гран-при 2011 шарахь — 1;
  • Иван Ярыгинан гран-при 2012 шарахь — 1;
  • Россин паргӀат кепехь латаран чемпионат 2012 шо — 1;
  • Европан къаьмнийн кубок 2013 (тоба) — 1;
  • Иван Ярыгинан гран-при 2014 шарахь — 1;
  • Иван Ярыгинан гран-при 2015 шарахь — 3;
  • Россин паргӀат кепехь латаран чемпионат 2015 шо — 2;
  • Россин паргӀат кепехь латаран чемпионат 2016 шо — 3.

СовгӀаташ

  • ДоттагӀаллин орден(оьр.)нохч. (хьаьттан беттан 13-чу де 2012 шо) — физически культура а, спорт а кхиорехь доккха дакъа лацарна, 2012 шарахь Лондонехь (Великобритани) хиллачу ХХХ Олимпиадехь лаккхара спортан кхиамаш бахарна[8];
  • Россин сийлахь спортан говзанча (хьаьттан беттан 20-чу де 2012 шо) — совгӀат дина Россин Федерацин спортан министерствон приказца № 13-нг[9].

Билгалдахарш

  1. ↑ 1 2 Алексей Шевченко. Джамал Отарсултанов: «В Чечне очень спокойно. Я там даже иногда тренируюсь»(оьр.), Спортс (11 августехь 2012). Дата обращения: 18 майхь 2026.
  2. ↑ Отарсултанов Джамал Султанович. web.archive.org. ТӀекхочу дата: 2026 шеран 18 май.
  3. ↑ Отарсултанов Джамал Султанович. www.infosport.ru. ТӀекхочу дата: 2026 шеран 18 май.
  4. ↑ Маргиев: опыт Отарсултанова пригодится на тренерской работе, РИА Новости Спорт (2020, 13 август). Дата обращения: 18 майхь 2026.
  5. ↑ Федерация спортивной борьбы России. www.wrestrus.ru. ТӀекхочу дата: 2026 шеран 18 май.
  6. ↑ 2007 – Кубок мира по вольной и женской борьбе. www.kraysportinfo.ru. ТӀекхочу дата: 2026 шеран 19 май.
  7. ↑ Мужская сборная России по вольной борьбе – третья в Кубке мира в Тегеране. www.olympians.ru (2009 шеран 10 март). ТӀекхочу дата: 2026 шеран 19 май.
  8. ↑ О награждении государственными наградами. web.archive.org. ТӀекхочу дата: 2026 шеран 18 май.
  9. ↑ О присвоении почетного спортивного звания "Заслуженный мастер спорта России. web.archive.org. ТӀекхочу дата: 2026 шеран 18 май.

Литература

  • Аслаханов С-А. М., Хизриев Х. Х. Физическая культура и спорт Чечни: истоки и современность. — М.: «Перо», 2015. — С. 179—180. — 240 с. — ISBN 978-500086-997-0.

Хьажоргаш

Категореш