Нурмагомедов, Ӏумар Магомеднабиевич
Нурмагомедов Ӏумар Магомеднабиевич (1996 шеран 3 январь, Кизилюрт) — UFC-ехь къийсалуш волу российн ийна кепара латархо. Иза ву 2016 шеран Российн ММА чемпион, тайски боксехь дуккхаза а ДегӀастан чемпион, Къилбаседа Кавказан федералан гуонан чемпион, тӀеман самбо дуьненан чемпион, уггар кӀезигчу йозаллехь Gorilla Fighting Championship чемпион, эша ца веллачу UFC чемпионан Нурмагомедов Хьабибан маьхча, иэшийна воцучу ийна кепара латархочун Нурмагомедов Ӏусманан ваша[1].
2025 шеран январан хьолехь 3 могӀа дӀалоцу UFC рейтингехь тӀаьх йайн йозаллин барамехь[2].
Биографи
Нурмагомедов Ӏумар вина 1996 шеран 3 январехь Кизилйуртахь, ДегӀастанахь. Схьавалар жӀайх ду. Кечам бина шен девашин, Российн хьакъдолу тренеран Нурмагомедов Ӏабдулманапан куьйгаллехь MMA Eagles лагерехь.
Жима волуш, ша винчу юьртахь вехаш, иза а, шен вешийца Нурмагомедов Ӏусманца волавелира паргӀат кепара латаран секце лела, амма тренерийн балха тӀехь йукъарадовларш хиллачул тӀаьхьа, и гӀуллакх дитира цо. Цул тӀаьхьа иза хаддаза тайн боксе лело волавелира. ХӀинжа-ГӀала дехьаваьллачул тӀаьхьа Ӏумар Ӏамораш дан волавелира шен ден вешин Нурмагомедов Ӏабдулманапан лагерехь. Тайски боксехь дуккхаза а ДегӀастан чемпион хилира иза, тӀеман самбох латарехь дуьненан чемпионан цӀе а йелира.
Ийна латар
Карьерин йуьхьиг
Дебют хилла Москохахь EFN Fight Nights Global 57 турниран гуран чохь. Дуьхьала летира Харисов Ришат. Ӏумар туьйлира.
ШолгӀа латар хилира Fight Star Battle on Sura 6 турнирехь 2017 шеран 5 январехь. Хьалхара раундехь Ӏумарс иэшийра Улукбек Аманбаев сабмишнца (тӀехьара садукъдарца).
КхоалгӀа латарехь, иза Москохахь хилира 2017 шеран 31 мартехь, цунах леташ вара Ӏелам Исабаев, Нурмагомедов туьйлира техникин нокаутца шолгӀа раундехь.
ДоьалгӀа латар хилира FNG Fight Nights Global 71 турниран гуранчохь 2017 шеран 29 июлехь. Ӏумарс рогӀера толам баьккхира шен къовсамхочунгара Валишер Рахмоновгара тӀехьара садукъдина.
Кхин дӀа латар хилира FNG Fight Nights Global 76 турнирехь 2017 шеран 8 октябрехь, Ӏумар туьйлира Науруз Дзамиховла цхьа барт болу суьдхойн сацамца.
ЙалхолгӀа латар Нурмагомедовн хилира FNG Fight Nights Global 83 турниран гуран чохь Москохахь бразильхочун Шиюди Ямаучин дуьхьала, толам баьккхира суьдхойн цхьа барт болуш сацамца.
ВорхӀалгӀа латар Самарехь хилира Battle on Volga 4 турнирехь, 2018 шеран 11 майхь, цунна дуьхьал летира Фатхьудин Собиров, Ӏумар туьйлира цхьа барт болу суьдхойн сацамца.
БархӀолгӀа латар Нурмагомедовн хилира PFL турниран гуранчохь: 2018 Regular Season Нью-Джерсихь Сайдиокуб Кахрахмоновн дуьхьала, толам баьккхира суьдхойн сацамца.
ИссолгӀа латар Ӏумаран хилира «Битва на Волге — 10» турнирехь Тольяттихь 2019 шеран 14 апрелехь, суьдхойн цхьа барт болуш сацамца, туьйлира бразильхочул Вагнер Лимал.
Кхин дӀа латар шен карьерехь Ӏумарас GFC — 14 турнирехь 2019 шеран 13 июлехь республика ДегӀастара Каспийскехь. Ӏумар туьйлира садукъдарца хьалхара раундехь 3 минот 46 секунда йаьлчи.
Кхин дӀа латархочун карьерехь хилира PFL 6 турнирехь 2019 шеран 8 августехь Нью-Джерси гӀалахь, АЦШ, цигахь Ӏумар туьйлира суьдхойн сацамца бразильхо Сайдемар Хонорио.
2019 шеран 23 ноябрехь Узбекистанан коьрта шахьрахь, Ташкентехь, Ӏумарас ларйира шен титул. Цуьнца леташ вара аргентинхойн латархо Брайан Гонзалез. Хьалхара раундан 4 минотехь Ӏумарас, аьттонца тейкдаун йина, дӀалецира къовсамхочун лаг, садукъдира.
Ultimate Fighting Championship
2020 шеран 27 февралехь кхайкхийра, чемпион хилла Нурмагомедов Хьабиба барт бина контракт йаздан UFC-ца[3].
Нурмагомедовн дебют хила йезара UFC 254: Khabib vs. Gaethje турнирехь, цунна дуьхьала вара Сергей Морозов[4]. Амма Нурмагомедов ца летира стафилококкан ун бахьнехь[5]. ЖамӀехь и латар хилира 2021 шеран 20 январехь UFC on ESPN: Кьеза vs. Магни турниран гуран чохь.
2024 шеран мартехь UFC Vegas 87 турнирехь Ӏумарас иэшийра суьдхойн сацамца Бекзат Альмахан[6]. 3 августехь UFC on ABC 7 турниран латарехь Кори Сэндхэген иэшийра[7].
2025 шеран 18 январехь UFC 311 турнирехь чемпионан титул къовсуш летта Двалишвили Мерабца[8]. Хьалхара раундехь Нурмагомедовс лазийна аьрру куьг, иза бахьнехь и куьг наггахь бен ца тохара[9]. Эшна суьдхойн сацамца[10]. Турнир дӀайаьлча Ӏумаран операци йира каггийна куьйганна[11].
Шен дахар
Нурмагомедов Ӏумарас зуда йалийна 2019 шарахь. Мукъа хенахь спортхочун хобби машенаш а, футбол а, тӀехиина говр хахкар а ду.
Ийна латаран статистика
| Латархочун проф карьера (жамӀ) | ||
| Латарш 19 | Толамаш 18 | Эшамаш 1 |
| Нокаутом | 2 | 0 |
| Сдачей | 7 | 0 |
| Решением | 9 | 1 |
| ЖамӀ | Рекорд | МостагӀ | Хьесап | Турнир | Терахь | Раунд | Хан | Меттиг | Билгалдаккхар |
|---|---|---|---|---|---|---|---|---|---|
| Иэшам | 18-1 |  Мераб Двалишвили
|
Сацам | UFC 311 | 2025 шеран 18 январь | 5 | 5:00 | Инглвуд, АЦШ | |
| Толам | 18-0 |  Кори Сэндхэген
|
Сацам | UFC on ABC: Сэндхэген vs. Нурмагомедов | 2024 шеран 3 август | 5 | 5:00 | Абу-Даби, ӀЦЭ | |
| Толам | 17-0 |  Бекзат Алмахан
|
Сацам | UFC Fight Night: Розенстрайк vs. Газиев | 2024 шеран 2 март | 3 | 5:00 | Лас-Вегас, Невада, АЦШ | |
| Толам | 16-0 |  Раони Барселос
|
Нокаут (тохар) | UFC Fight Night: Стрикленд vs. Имавов | 2023 шеран 14 январь | 1 | 4:40 | Лас-Вегас, Невада, АЦШ | Суйренан латар. |
| Толам | 15-0 | Нейт Манесс
|
Сацам | UFC on ESPN: Царукян vs. Гамрот | 2022 шеран 26 июнь | 3 | 5:00 | Лас-Вегас, Невада, АЦШ | |
| Толам | 14-0 | Брайан Келлехер
|
Сабмишанца (тӀехьашхула садукъдар) | UFC 272: Ковингтон vs Масвидаль | 2022 шеран 5 март | 1 | 3:15 | Лас-Вегас, АЦШ | |
| Толам | 13-0 | Сергей Морозов
|
Садукъдар (тӀехьашхула) | UFC Fight Night: Chiesa vs. Magny | 2021 шеран 20 январь | 2 | 3:39 | Абу-Даби, ӀЦЭ | UFC дебют. Суьйренан латар. |
| Толам | 12-0 |  Брайан Гонсалес
|
Садукъдар (тӀехьашхула) | GFC 20 | 2019 шеран 23 ноябрь | 1 | 4:33 | Ташкент, Узбекистан | |
| Толам | 11-0 | Сайдемар Онорио
|
Сацам | PFL 6: 2019 Regular Season | 2019 шеран 8 август | 3 | 5:00 | Атлантик-Сити, Нью-Джерси, АЦШ | |
| Толам | 10-0 |  Тарас Грицкив
|
Садукъдар (тӀехьашхула) | GFC 14: Dagestan | 2019 шеран 13 июль | 1 | 2:46 | Каспийск, Росси | |
| Толам | 9-0 | Вагнер Лима
|
Сацам | Battle on Volga 10 Nurmagomedov vs Lima | 2019 шеран 14 апрель | 3 | 5:00 | Тольятти, Росси | |
| Толам | 8-0 |  СаӀид-Йакъуб Кахрамонов
|
Сацам | PFL 7: 2018 Regular Season | 2018 шеран 30 август | 3 | 5:00 | Атлантик-Сити, Нью-Джерси, АЦШ | |
| Толам | 7-0 |  Фатхьудин Сабиров
|
Сацам | Samara MMA Federation Battle on the Volga 4 | 2018 шеран 11 май | 3 | 5:00 | Самара, Росси | |
| Толам | 6-0 | Шиюди Ямаучи
|
Сацам | FNG Fight Nights Global 83 | 2018 шеран 22 февраль | 3 | 5:00 | Москох, Росси | |
| Толам | 5-0 |  Науруз Дзамихов
|
Сацам | FNG Fight Nights Global 76 | 2017 шеран 8 октябрь | 3 | 5:00 | Краснодар, Росси | |
| Толам | 4-0 | Валишер Рахмонов
|
Садукъдар (тӀехьашхула) | FNG Fight Nights Global 71 | 2017 шеран 29 июль | 2 | 4:45 | Москох, Росси | |
| Толам | 3-0 |  Ӏелам Исабаев
|
Техникийн нокаут (тохарш) | FNG Fight Nights Global 62 | 2017 шеран 31 март | 2 | 3:32 | Москох, Росси | |
| Толам | 2-0 | Улукбек Аманбаев
|
Садукъдар (тӀехьашхула) | Fight Star Battle on Sura 6 | 2017 шеран 5 январь | 1 | 4:12 | Пенза, Росси | |
| Толам | 1-0 | Ришат Харисов
|
Садукъдар (гильотина) | EFN — Fight Nights Global 57 | 2016 шеран 16 декабрь | 2 | 3:28 | Москох, Росси |
Билгалдахарш
- ↑ Клан Нурмагомедовых: кто есть кто. dzen.ru. ТӀекхочу дата: 2025 шеран 25 август. Архивйина 2023 шеран 31 майхь
- ↑ Rankings. ufc.ru. ТӀекхочу дата: 2025 шеран 25 август.
- ↑ UFC signs Umar Nurmagomedov, younger cousin of Khabib Nurmagomedov, mmajunkie.com (2020, 27 февраль). Архивировано 19 октябрехь 2020 года. Дата обращения: 25 августехь 2025.
- ↑ Двоюродный брат Хабиба сразится с Морозовым в дебютном бою в UFC, Sport 24 (2020, 1 сентябрь). Архивировано 11 сентябрехь 2022 года. Дата обращения: 25 августехь 2025.
- ↑ Umar Nurmagomedov hospitalized in Dubai, ruled out of octagon debut at UFC 254, mmajunkie (2020, 18 октябрь). Архивировано 13 июлехь 2021 года. Дата обращения: 25 августехь 2025.
- ↑ Умар Нурмагомедов после нокдауна победил Бекзата Алмахана на турнире UFC Fight Night 238. Советский спорт (2024 шеран 3 март). ТӀекхочу дата: 2025 шеран 25 август.
- ↑ Брат Хабиба прошел топа из США и стал претендентом на пояс UFC. Умар идет по стопам великого родственника. Sport24 (2024 шеран 4 август). ТӀекхочу дата: 2025 шеран 25 август.
- ↑ Умар Нурмагомедов оказался тяжелее Мераба Двалишвили перед титульным поединком на UFC 311. Советский спорт (2025 шеран 17 январь). ТӀекхочу дата: 2025 шеран 27 август.
- ↑ Умар Нурмагомедов сломал руку в первом раунде боя с Двалишвили, РИА Новости Спорт (2025, 19 январь). Дата обращения: 25 августехь 2025.
- ↑ Брат Нурмагомедова сенсационно проиграл в бою за титул чемпиона UFC, РБК Спорт (2025, 19 январь). Дата обращения: 25 августехь 2025.
- ↑ Умару Нурмагомедову сделали операцию после травмы руки, sport-express.ru (2025, 23 январь). Дата обращения: 25 августехь 2025.
Хьажоргаш
- Профиль Умара Нурмагомедова (ингалс.) на официальном англоязычном разделе сайта чемпионата UFC.com
- Профиль Умара Нурмагомедова (оьр.) официалан оьрсийнметтан декъехь чемпионатан сайтан UFC.ru
- Умар Нурмагомедов / Umar Nurmagomedo. FightTime.
- Умар Нурмагомедов(ингалс.) — статистика профессиональных боёв на сайте Sherdog
Кхин дӀа темана тӀехь
 |
|---|
ТӀаьх йайн йозаллин барамехь UFC рейтинг | ||||||
|---|---|---|---|---|---|---|
| ||||||
2025 шеран 26 майн хьолехь | ||||||
