Новиков, Александр Николаевич (футболист)

Новиков Александр шен карьера йолийна смоленскан «Искра» йукъахь. 1977 шарахь иза левзира ЦСКА, амма коьртачу командин йукъахь цхьан матч а ца левзира. 1978 шарахь Новиков «Искра» йукъа йухавеира, ткъа цул тӀаьхьара 14 шарахь цунна йукъахь левзира 303 матчехь, 1 гол а туьйхира.

1977 шарахь Новиков Александра дакъалецира ССРС гулйина командехь кегийрхойн дуьненан чемпионатан финалан турнирехь, цуьнан толамхо а хилира. Иза левзира турниран йерриг 5 матчехь, чутохийтира 4 гол.

1991 шеран 13 майхь «Искра» командица йогӀу автобус, цӀайогӀура хьошалгӀара матчера Петрозаводскера, Псковн областехь аваре нисйелира. Оцу бохамехь велира командин коьрта тренер Силагадзе Джемал, ткъа Новиков Александран коьртан чӀогӀа чевнеш йира, кхин а цхьа бутт ах бутт баьлча кхелхира ленинградан дарбан цӀачохь^[1].

ТӀаьхьарчу шерашкахь Смоленскехь йора Новиков Александран иэсан мини-футболан ламаста хилла турнир^[2].