Наурбиев, Руслан Хамидович

Наурбиев Руслан вина 1955 шеран мангалан беттан 1-чу дийнахь Кхазакхстанан ССР-н Костанайн областан Пешковски кӀоштан Преображеновка йуьртахь гӀалгӀайн леррина кхалхархойн доьзалехь.

1978 шарахь цо чекхйаьккхира Ленинградера пачхьалкхан театран а, музыкин а, кинематографин а институт (ССРС-н халкъан артистан Меркуриев Василийн а, Мейерхольд Иринин а класс)^[1].

1980—1988 шерашкахь Х. Нурадиловн цӀарах йолчу Нохч-ГӀалгӀайн пачхьалкхан драматически театрехь актёр вара. Цуьнан ролех цхьаъ йара Ляпкин-Тяпкин — «Ревизор», Н. В. Гоголь^[2][1].

Беков ИбрахӀимца а, Дзейтов Тимурца а, Яндиева Тамарица а цхьаьна Москохахь 1993-чу шарахь кхоьллира гӀалгӀайн музыкальни тоба «Лоам» (гӀалгӀайн маттара «гора»).

1994-чу шарахь, Нохчийчохь тӀеман хиламаш буьйлабеллачул тӀаьхьа, иза Москох дӀавахара, цигахь куьйгалхо вара ГӀалгӀайн Республикан Даима йолчу векал йина учрежденехь ГӀалгӀайн культуран центран, «Лоам» студехь эстрадан артист а вара^[3].

Иза велира 2005-чу шеран бекарг беттан 29-чу дийнахь, инсульт бахьана долуш^[1].

• 1980 — фильм «Ошибки юности» (дебютан роль, киностуди «Ленфильм»);
• 1984 — ларвархо «Приходи свободным» фильмехь (Горький цӀарах киностуди, режиссёр Ю. Мастюгин);
• 1991 — Аламбек «Людоед» фильмехь ( Рижски киностудин а, «Казахфильм» а цхьаьна болх бина, режиссёр Г. Земель);
• 1994 — инарла «Чёрный клоун» фильмехь (киностуди «Мосфильм», режиссёр Б. Галкин);
• 1995 — Фархад «Мужской талисман» фильмехь (киностуди «Мосфильм», режиссёраш Б. Галкин а, В. Максаков а).
• 2000 — Чингисхан «Марш Турецкого» фильмехь (режиссёр М. Туманишвили);
• 2001 — Марат «Ахиллесова пята» фильмехь (режиссёр И. Талпа);
• 2002 — Вахид «Дом дураков» фильмехь (режиссёр Андрей Михалков-Кончаловский);
• 2002 — фильм «Кодекс чести» (режиссёр Георгий Николаенко);
• 2002 — Отар «За кулисами» фильмехь (режиссёр И. Талпа);
• 2002 — фильм «Мужская работа 2» фильмехь (режиссёр Тигран Кеосаян);
• 2003 — Тагиров «Оперативный псевдоним» фильмехь (режиссёр И. Талпа);
• 2003 — фильм «Стилет» (режиссёр В. Досталь);
• 2004 — Абдула «Сармат» фильмехь (режиссёр И. Талпа);
• 2004 — Аслан «Личный номер» фильмехь (режиссёр Евгений Лаврентьев);
• 2004 — фильм «Время жестоких» (режиссёр Всеволод Плоткин);
• 2004 — фильм «Карусель» (режиссёр М. Швейцер);
• 2005 — фильм «Чёрная богиня» (режиссёр Леонид Белозорович);
• 2007 — фильм «Джоконда на асфальте» (режиссёр В. Наумов)^[4].

• Нохч-ГӀалгӀайн АССР-н Ленинан комсомолан совгӀатан лауреат (1985)^[1];
• Таганрогехь Йерригсоюзан Чеховн цӀарахчу драмин фестивалан дипломан лауреат (1985);
• «Сийлаллин билгало» орденан лауреат (1986);
• ГӀалгӀайн Республикан сийлахь артист (1997);
• ГӀалгӀайн Республикан халкъан артист (2001);
• Россин сийлахь артист.