Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Назаров, Андрей Геннадьевич

РУВИКЕХЬ иштта фамили йолуш нахах лаьцна йаззамаш бу, хьж. Назаров.

Назаров Андрей Геннадьевич (1970 шеран 24 августехь) — российн политик а, йукъаллин гӀуллакххо, «Деловая Россия» «Цхьааллин Российн» йукъараллин кхолламан сопредседатель[1]. Республика Башкортостан правительствин премьер-министр (2020 шеран 17 сентябрехь дуьйна), Республика Башкортостанан президентан инвестицин цхьаьна гӀуллакхдаран башха векал, политикин Ӏилманийн кандидат. «„Бизнес коррупцина дуьхьала“ йукъалаллин процедурийн центр» Автономин коммерцин боцу кхолламан кхочушдаран сопредседатель[2]. Российн юристийн Ассоциацин Башкортостанан регионан декъан председатель[3]. ЯДЭФ Фондан урхаллин председатель[4]. ЯДЭФ Фондан урхаллин председатель волуш Назаров Андрейс йира цхьа могӀа берташ кхечу махкара инвестицеш йеш Республика ГӀирме[5].

Биографи

Вина 1970 шеран 28 апрелехь Башкирийн АССР Баймак гӀалахь. Назаровн нана бухгалтер яра, да шофер вара. Дукха хенахь дуьйна сатийсина бер дара иза — иза схьакхачале йалхазза да-нана хила гӀоьртина цуьнан нана а, да а[6]. Жимма тӀаьхьа дуьненчу елира цуьнан йиша Светлана.

Сибай гӀалин № 6 йолу йуккъера ишкол чекхъйаьккхина цо. Назаровн да велла цуьнан кӀентан 16 шо долуш. Цу минотехь дуьйна шоферан болх бан волавелира Андрей, оццу хенахь Сибайн маьӀданийн-переработкин колледже деша вахара, «Машенийн Ӏалашъяр а, тояр а» говзалла а эцна, иза чекхъяьккхира 1988-чу шарахь. Дешар чекхдаьккхича, шен бераллин доттагӀа Лариса йалийра цо. 1989-чу шарахь вина церан кӀант Денис.

1995 шеран майхь цо чекхъйаьккхира Кхазакхийн пачхьалкхан урхаллин академи (хьалха хилла Алма-Атан халкъан экономикин институт) «Экономика а, урхалла а йохк-эцарехь а, юкъараллин кхачанан а» Ӏилманан говзалла а йолуш. Кест-кеста Кхазакхстане дешаран некъаш а деш, Назаровс а, цуьнан накъосташа а кхоьллира Оьрсийчоьнна кхачанан сурсаташ а, нахана оьшу сурсаташ а латтош йолу «БашКхазРос» компани.

1998-чу шарахь 11-чу харжамийн гонан Сибай гӀалин кхеташонан депутат хаьржира Назаров, гӀалин кхеташонан уггар жима депутат хилира, ткъа 1999-чу шарахь «Башкирийн йохка-эцаран цӀа» компани кхоьллина цо шен лаамехь Магнитогорскерчу Башкирийчоьнан векалаллин статус йелира, иштта хилира Магнитогорскерчу аьчкан-болат заводан дилер. ТӀаьхьо Назаровс металлолом схьаоьцучу базин маша дӀахӀоттийра Уфахь а, Стерлитамакехь а, Салаватехь а, кхечу гӀаланашкахь а[7].

СовгӀаташ а, цӀераш а

Назаров Андрейна Москохан 850 шо кхачаран сий деш мидал йелла (1997), иэсан седа белла «Доьналлех а, даймохк безарна а 1941—1945 шераш» (2003 шо), йелла Россин Федерацин Президентан Сийлаллин грамота (2008 шо)[8], Россин Федерацин Правительствон Сийлаллин кехат (2010 шо), Пачхьалкхан Думин председателан сийлаллин кехат (2011 шо)

Баркалла ду: Россин Федерацин Президентан баркалла[9] (2008 ш.), Пачхьалкхан Думин куьйгалхочун[10](2008 ш.), Россин Федерацин Пенсин фондан урхаллин председателан.

Билгалдахарш

  1. ↑ Сопредседатели общероссийской общественной организации «Деловая Россия». ТӀекхочу дата: 2016 шеран 21 октябрь. Архивйина 2016 шеран 29 октябрехь
  2. ↑ «Бизнес против коррупции». ТӀекхочу дата: 2022 шеран 18 июль. Архивйина 2020 шеран 22 октябрехь
  3. ↑ «Председатель отделения». ТӀекхочу дата: 2016 шеран 2 ноябрь. Кху чуьра архивйина оригиналан 2017 шеран 22 майхь
  4. ↑ «Состав Организационного комитета по подготовке и проведению третьего Ялтинского международного экономического форума». ТӀекхочу дата: 2016 шеран 2 ноябрь. Кху чуьра архивйина оригиналан 2016 шеран 4 ноябрехь
  5. ↑ «Подведены итоги визита итальянской делегации в Крым». ТӀекхочу дата: 2016 шеран 2 ноябрь. Архивйина 2016 шеран 4 ноябрехь
  6. ↑ Премьер-министром правительства Башкирии стал Андрей Назаров. www.bashinform.ru. ТӀекхочу дата: 2021 шеран 8 июль. Архивйина 2021 шеран 12 июлехь
  7. ↑ Как друг главы Башкирии создал одну из самых быстрорастущих компаний России. Forbes.ru. ТӀекхочу дата: 2021 шеран 8 июль. Архивйина 2021 шеран 11 июлехь
  8. ↑ Парламентарии отмечены наградами Президента России. ТӀекхочу дата: 2010 шеран 9 ноябрь. Кху чуьра архивйина оригиналан 2011 шеран 3 ноябрехь
  9. ↑ Распоряжение Президента Российской Федерации от 6 мая 2008 г. N 244-рп «О поощрении»(ТӀе цакхочу хьажорг)
  10. ↑ На юбилейном заседании Госдумы трое парламентариев от Башкортостана получили награды. ТӀекхочу дата: 2010 шеран 9 ноябрь. Архивйина 2016 шеран 4 мартехь

Хьажоргаш

Кхин дӀа темана тӀехь

Категореш