Музаев, Анзор Ахьмадан воӀ
Анзор Ахмедович Музаев (вина 1974 шеран 8 октябрехь, Гуьмсе, Нохч-ГӀалгӀайн АССР, РСФСР, СССР) — Оьрсийчоьнан пачхьалкхан гӀуллакххо. Дешарна а, Ӏилманна а тӀехь терго латторан Федеральни службан (Рособрнадзор) куьйгалхо ву 2020-чу шеран 18-чу августехь дуьйна.
Хьалха иза 2006—2008 шерашкахь Нохчийн пачхьалкхан университетан ректор вара, ткъа 2008—2013 шерашкахь Нохчийн Республикин дешаран а, Ӏилманан а министр вара. Технически Ӏилманийн кандидат (2002), Российн Федерацин жигара пачхьалкхан 3 классан хьехамча (2019).
Биографи
Музаев Анзор вина 1974 шеран 8 октябрехь Гуьмсехь (Нохч-ГӀалгӀайн АССР, хӀинца Нохчийн Республика)[1][2][3].
1996-чу шарахь Музаевс чекхъяьккхина Нохчийн пачхьалкхан хьехархойн институтан индустриальни факультет. 2002—2004 шерашкахь Грозненски пачхьалкхан мехкадаьттан институтехь хьехархо вара[1][2][3].
2002 шарахь ДегӀастанан Пачхьалкхан технически университетехь «Исследование и обоснование направлений технологической модернизации производства судовых малоразмерных дизелей» цӀе йолчу темина диссертаци чӀагӀйира Музаевс, технически Ӏилманийн кандидат а хӀуттуш[1][2][3].
2002—2004 шерашкахь Музаевс куьйгалла дира Нохчийчоьнан Ӏедалан кегийрхойн гӀуллакхашкахула йолчу комитетехь кегийрхой патриотически кхетош-кхиоран отделан, ткъа 2004—2005 шерашкахь оцу комитетан председателан заместитель вара[1][2][3].
2006 шеран июнехь Музаев хӀоттийра Нохчийн пачхьалкхан университетан ректоран дарже, ткъа 2008 шеран январехь — Нохчийн Республикан дешаран а, Ӏилманан а министран дарже[1][2][3].
2013 шеран сентябрехь Музаев хӀоттийра дешарна а, Ӏилманна а тӀехь терго латторан федеральни сервисан (Рособрнадзор) куьйгалхочун гӀовсан дарже[1][2][3]. ТАСС агенталло билгал ма-даккхара, оцу даржехь Музаевс шен тергонехь латтийра коьрта юкъара а, юккъера юкъара дешаран а дешаран программашна пачхьалкхан чаккхенан аттестаци дӀаяхьаран гӀуллакхаш, ткъа иштта федерацин хӀоттаман субъектийн кхочушдаран органийн дешаран декъехь гӀуллакхна пачхьалкхан Ӏуналла дар[2].
2020-чу шеран февраль беттан 13-чу дийнахь Рособрнадзоран куьйгалхочун декхарш кхочушдан хӀоттийра Музаев[1][2][3]. 2020 шеран 18 августехь Российн Федерацин Правительствон омрица иза хӀоттийра Рособрнадзоран куьйгалхочун дарже[1][2][3].
Шен дахар
Музаев Анзор зуда йалийна ву, пхеа беран да а ву[2].
СовгӀаташ
Музаевна делла цхьа могӀа совгӀаташ, царна йукъахь:
- Российн Федерацин Правительствон баркалла (2016 шеран 30 апрель) — «Цхьааллин пачхьалкхан экзамен дӀаяхьаран система тоярехь доккха дакъа лацарна»[3][4];
- «Российн Федерацин лакхарчу корматаллин дешаран сийлахь белхало» цӀе[1][2][3];
- Кадыровн орден[5];
- «Нохчийн Республикин хьакъволу хьехархо» цӀе[2][3];
- П.А Столыпинан II тӀегӀанан мидал (2022 шеран 24 октябрь) — «къинхьегаман кхиамаш бахарна а, дуккха а шерашкахь синкхетамца къахьегарна а»[6].
Билгалдахарш
- ↑ 1 2 3 4 5 6 7 8 9 Музаев Анзор Ахмедович. Официальный сайт Федеральной службы по надзору в сфере образования и науки. ТӀекхочу дата: 2020 шеран 25 октябрь. Архивйина 2020 шеран 28 октябрехь
- ↑ 1 2 3 4 5 6 7 8 9 10 11 12 Музаев Анзор Ахмедович. Энциклопедия. ТАСС. ТӀекхочу дата: 2020 шеран 25 октябрь. Архивйина 2020 шеран 28 октябрехь
- ↑ 1 2 3 4 5 6 7 8 9 10 11 Биография Анзора Музаева. РИА Новости (2020 шеран 20 август). ТӀекхочу дата: 2020 шеран 25 октябрь. Архивйина 2020 шеран 28 октябрехь
- ↑ Распоряжение Правительства Российской Федерации от 30 апреля 2016 года № 824-р «О поощрении Правительством Российской Федерации». pravo.gov.ru. Официальный интернет-портал правовой информации. ТӀекхочу дата: 2020 шеран 25 октябрь.
- ↑ Рамзан Кадыров поздравил с днем рождения заместителя руководителя Федеральной службы по надзору в сфере образования и науки А.Музаева. Грозный-информ (2016 шеран 8 октябрь). ТӀекхочу дата: 2021 шеран 6 июнь. Архивйина 2021 шеран 6 июнехь
- ↑ Распоряжение Правительства Российской Федерации от 24 октября 2022 года № 3122-р «О награждении медалью Столыпина П. А. II степени Музаева А. А.»
Хьажоргаш
- Музаев Анзор Ахмедович. Официальный сайт Федеральной службы по надзору в сфере образования и науки. ТӀекхочу дата: 2021 шеран 6 июнь.