Митрофанов, Геннадий Алексеевич

Митрофанов Геннадий вина 1979 шеран бекарг беттан 19-чу дийнахь Нохч-ГӀалгӀайн АССР-н Соьлжа-гӀалахь. Адыгейчоьнан пачхьалкхан университет чекхъйаьккхина бухгалтеран а, аудитан а говзалла йолуш (2001 шо).

2001—2003 шерашкахь — Майкопан гӀалин администрацин экономика кхиоран комитетан индустрин а, производствон предпринимательствон а департаментан коьрта говзанча;

2003—2003 шерашкахь — «Майкоп гӀалин» муниципалан администрацин экономикан комитетан промышленностан а, жимачу бизнесан а департаментан коьрта говзанча;

2003—2006 — экономикан а, йохк-эцаран а комитетан экономикан а, прогноз йаран а, анализан а, статистикан комитетан коьрта говзанча;

2006—2006 — экономикан а, йохк-эцаран а комитетан муниципалан эцаран а, мехийн а политикан департаментан коьрта говзанча;

2006—2008 — экономикан а, йохк-эцаран а комитетан муниципалан эцаран а, мехийн а политикан департаментан куьйгалхо;

2008—2008 — муниципалан эцаран а, контролан а урхаллин куьйгалхо;

2008—2008 — ВСК страховкин компанин претензеш дӀайахаран декъан куьйгалхо;

2009—2010 шерашкахь — «Административан гӀишлош лелоран а, автотранспортан а сервис» Адыгейчоьнан пачхьалкхан хьукуматийн дминистративан гӀишлош лелоран департаментан пачхьалкхан эцаран коьрта говзанча;

2010—2010 шерашкахь — Адыгейчоьнан къинхьегаман а, социальни кхиоран а министерствон экономикан а, финансийн а департаментан куьйгалхочун заместитель;

2010—2012 шерашкахь — Адыгейчоьнан къинхьегаман а, социальни кхиоран а министерствон экономикан а, финансийн а департаментан куьйгалхо;

2012—2012 шерашкахь — Адыгейчоьнан къинхьегаман а, социалан кхиоран а министерствон экономикан а, финансийн а департаментан куьйгалхочун заместитель;

2012—2018 шерашкахь — Адыгейчоьнан Финансийн министерствон экономикан дакъошкахь бюджетан политикан департаментан куьйгалхо.

2018—2020 — Адыгейчоьнан экономика кхиоран а, йохк-эцаран а министран хьалхара гӀовс.

Адыгейчоьнан куьйгалхочун 2020-чу шеран оханан беттан 10-чу дийнахь арадаьллачу № 20 йолчу указаца Адыгейн Республикин экономика кхиоран а, йохк-эцаран а министр хӀоттийна Митрофанов Геннадий^[2]. Цо хийцира Адыгейн йуьртабахаман министр хӀоттийна Куанов Анзаур.

2021-чу шеран гӀуран беттан 24-чу дийнахь кхаж тасаран жамӀашца Майкопан халкъан депутатийн кхеташонан депутаташа дукхахдолчу кхаьжнашца мэр хаьржира Митрофанов Геннадий^[3].

Зуда йалийна ву, ши бер ду^[4].