Махаева, Зайнаб Алиевна
Маха́ева Зайна́б Али́евна (1972 шеран 7 март, Мугурукх, ДегӀастанан АССР) — Российн а, дегӀастанхойн эстрадан илланча. ДегӀастанан Республикан халкъан артист (2007)[1] а, Нохчийн Республикан халкъан артист (2013) а. «Кавказан аз» совгӀатан а, «ТӀебар» телерадиокомпанин «Дашо диск» совгӀатан а толамхо.
Биографи
Иза йина а, кхиъна а йу Мугурух йуьртахь (ДегӀастанан АССР). Иза аварка йу къомах. Иллеш локху уггар хьалха суьйлийн маттахь.
Музыкаца шовкъ кхоллайелира цуьнан жима йолуш: кхоалгӀачу классехь доьшуш йолуш, кӀоштан центрехь, Чародински кӀоштерчу Цуриб йуьртахь дӀайаьхьначу эшарийн къовсамехь хьалхара меттиг йаьккхира цо.
2003 шарахь цуьнан дуьххьарлера йоккха цхьамма локху концерт «Синан куьзга» хилира ХӀинжа-ГӀаларчу Оьрсийн драматически театран залехь, иза нисделира изза цӀе йолу альбом арайаларца. «КӀайн олхазарш» а, «Сан дагчохь» а, «Нана» а, «Сийна стигал» а, «Безаман локхалла» иллеш шуьйра даьржира республикехь, йеххачу хенахь «ТӀебар» радиохолдингин чарташкахь хьалхарчу меттехь лаьттира. Оццу шарахь Махаевана йелира ДегӀастан Республикин хьакъйолу артистка цӀе[2].
2008-чу шарахь, «Зезагийн са» цӀе йолчу шен ворхӀалгӀачу цхьамма локху концертан хьалхарчу дийнахь, иллиалархочунна «ДегӀастанан Республикан Халкъан артист» сийлахь цӀе йелира.
2010 шарахь цо арахийцира шен иссалгӀа цхьаммо локху альбом «Иллин туьйра». Гаджиева Ларисас а, Махаева Зайнабас суьлийн а, лакийн а меттанашкахь дӀаолуш долу «Йухавола» цӀе йолу цуьнан илли Къилбаседа Кавказехь хаъал гӀарадаьлла.
2011-чу шарахь «ТӀебар» радиостанцино иллиалархочунна «Дашо диск» совгӀат делира, дӀайаздинчу 180 эшарна. Оццу шарахь Махаева жигара гастролаш а, исбаьхьаллаш а йолийра Нохчийн Республикехь, цундела цунна йелира 2012-чу шарахь «Нохчийн Республикан халкъан артистка» цӀе.
2012-чу шеран аьхка Туркойчохь йаьккхира «ДӀа ма гӀо» иллин клип. 2013-чу шеран гӀуран баттахь Москохь хилира Махаева Зайнабан «Сан эшарийн дешнашца» цӀе йолу цхьаммо локху концерт.
Илланчас хӀора шарахь арахоьцу «Зайнаб» цӀе йолу къагийна журнал, шен кхоллараллина лерина (Къилбаседа Кавказехь дуьххьарлера и тайпа проект). ХӀинжа-ГӀаларчу берийн № 4 йолчу исбаьхьаллин ишколан директор а йу иза.
Йукъараллин а, политикан а гӀуллакхаш
2024-чу шеран лахьан баттахь иза хилира ДегӀастанан Халкъан гуламан декъашхочун Саипов Даитбекан гӀоьнча. Оццу баттахь, регионан леррина делегацин декъашхо а волуш, иза хилира лерринчу тӀеман операцин зонехь (ЛХР), цигахь цо гайтира «Каспий» батальонан тӀемалошна лерина концерт.
СовгӀаташ а, мах хадор а
- 2022-чу шеран лахьан беттан 4-чу дийнахь Россин культура а, искусство а кхиорехь цо дина гӀуллакхаш а, дуккха а шерашкахь беркате къахьегарна а Россин Федерацин Президентан Сийлаллин грамота йелира цунна[3];
- 2023-чу шеран гӀуран баттахь шен балха тӀехь кхиамаш бахарна ДегӀастанан Республикин Правительствон Сийлаллин грамота йелира цунна[4];
- 2025-чу шеран бекарг беттан 25-чу дийнахь иллиалархочуьнга Россин Федерацин Президентан Баркаллин кехат кхаьчна, цо Россин культура а, искусство а кхиорехь дина гӀуллакхаш бахьана долуш[5].
Дискографи
Альбомаш
- 2003 — Синан куьзга
- 2004 — Алмазан мерз
- 2005 — Деган муза
- 2005 — Дукхайезаш йолчу эшарийн букет
- 2006 — Туьйранан гӀан
- 2006 — Безаман бердахь
- 2007 — Зарзаран йалсмане
- 2008 — Зезагийн са
- 2008 — Ас хьуна илли олу
- 2010 — Иллин туьйра
- 2011 — Йалсаманин олхазар
- 2012 — Мечтакк
- 2013 — Беттан серлонан буьйса
- 2019 — Иштта дӀадоьду са
- 2024 — Вабабай (видеоальбом)
Синглаш
- 2024 — «Вабабай»
- 2024 — «Чалухав» (суьлийн маттахь)
- 2024 — «Хьо сан дагчохь ву»
- 2024 — «Сан синхаамаш»
- 2025 — «Тамашийна безам»
- 2025 — «Синан кхайкхам»
- 2025 — «Хьо лоьхуш»
- 2025 — «Сан бӀаьргаш чохь»
- 2026 — «Хьал долу стаг»
Билгалдахарш
- ↑ Указ Президента Республики Дагестан от 10.12.2007 № 224. web.archive.org. ТӀекхочу дата: 2026 шеран 27 март.
- ↑ Указ Государственного Совета Республики Дагестан от 24.01.2003 № 17. web.archive.org. ТӀекхочу дата: 2026 шеран 27 март.
- ↑ Распоряжение Президента Российской Федерации от 04.11.2022 № 364-рп. publication.pravo.gov.ru. ТӀекхочу дата: 2026 шеран 27 март.
- ↑ Распоряжение Правительства Республики Дагестан № 706-р от 27 декабря 2023 года. Официальный портал Правительства Республики Дагестан (2023 шеран 27 декабрь). ТӀекхочу дата: 2026 шеран 27 март.
- ↑ Распоряжение Президента Российской Федерации от 24.03.2025 г. № 84-рп. Администрация Президента России. ТӀекхочу дата: 2026 шеран 27 март.
Кхин дӀа темана тӀехь
 | |
|---|---|
| Сурт, видео, аудио |
