Лермонтов Михаилана лерина хӀоллам (Соьлжа-ГIала)
Лермонтов Михаилана Юрийн кӀантана лерина хӀоллам (оьрс. Памятник Михаилу Лермонтову (Грозный)) — оьрсийн поэтана, художникана, эпсарна Лермонтов Михаилана лерина Соьлжа-ГӀалара хӀоллам.
ХӀолламан сурт
ХӀоллам Соьлжа-ГӀалин Мухьаммадан проспектехь (хьалха Киров Сергейн проспект) Лермонтов Михаилан цӀарах йолчу оьрсийн пачхьалкхан драмин театран уллехь бу.
Лермонтов Михаил тӀеман духар доьхна — Къилбаседа Кавказехь тӀеман гӀуллакх деш хиллачу суьртехь гӀанта хиина Ӏаш гайтина ву. Буха тӀехь йаздина Лермонтов Михаилан Кавказана леринчу байташ йукъара дешна ду: «Сайн Даймехкан илли санна, йеза суна Кавказ!»[1]. ХӀолламан автор — хӀирийн скульптор Ходов Николай.
ХӀолламан истори
19840-чу шарахь, Соьлжа-ГӀалин истори схьайогӀуш йолчу Грозная гӀопехь тӀеман гӀуллакх деш хилла Лермонтов Михаил. Вевзаш волчу соьлжагӀалхочун иэсана лерина хӀоллам 2012-чу шарахь хӀоттийна бара. ХӀолламан автора Ходов Николайс Нохчийн Республикина совгӀатана йелла йара борзанан скульптура.
ХӀоллам схьабеллар 2012-чу шеран асаран беттан 19-чу дийнахь дӀадаьхьна. ХӀоллам схьабелларна леринчу цхьаьнакхетарехь дакъалаьцна Нохчийн Республикин Мехк-Дас Кадыров Рамзана а, Россин Федерацин Правительствон председатела Медведев Дмитрийс а[2].
Билгалдахарш
- ↑ Участники Экспедиции ОНФ посетили памятник Михаилу Лермонтову в Грозном | Информационное агентство "Грозный-Информ". www.grozny-inform.ru. ТӀекхочу дата: 2025 шеран 5 сентябрь.
- ↑ Государственный русский драматический театр имени М.Ю. Лермонтова начал новый отсчет времени. grozny-inform.ru. ТӀекхочу дата: 2025 шеран 3 сентябрь.