Лермонтовн отряд
Отрядан кавалеристаш
М. Лермонтовс Р. И. Дороховгара отряд схьа а эцна, эсаран беттан 10-чу дийнахь дуьйна, хетарехь, 1940-чу шеран лахьанан бутт чекхбаллалц, Жимачу а, Йоккхачу а Нохчийчоьнна тӀелатарш дечу хенахь куьйгалла дина[2].
Салтичун дарже лахаваьккхина а, оцу отрядехь тӀеман гӀуллакхаш дина а волчу П. А. Султановс иштта йаздора оцу тобанах лаьцна:
Оцу йукъаваха аьтто бара муьлххачу а тукхумах а, къомах а, хьолехь а болчу нехан… Хала тӀедиллар кхочушдарца йоьзна йолу экзамен дӀайалайезара йукъаван ойла йолуш волчун. Экзаменах чекхваьллачун корта башара…, маж охьахецар тӀедуьллура…, цхьамза болу шозза йолу топ лора.
Отрядан кавалеристаш доьналлица а, майраллица а, буьйранчина муьтӀахь хиларца а, долучу герзах ца башарца а билгалбовлуш бара. Отряд партизанийн а, талламан а белхаш дӀахьош йара[1].
Лермонтов — отрядан буьйранча
Дороховна чов хилча, генерала А. В. Галафеевс цуьнан метта Валарг хи тӀехь хиллачу тӀамехь майраллица билгалваьлла Лермонтов хӀоттийна[1]. Лермонтовна салтийн дегнашка некъ карийра. Шен бегӀийла долу хьелаш Ӏад а дитина, уьш санна лелара иза — деккъа лаьтта тӀехь наб йора, йукъарчу йай чуьра йуура, шен хен духар а, лелар а терго ца йеш дуьтура цо. Иза реза вара ша цига хӀоттаварна, хӀунда аьлча, оцу гӀуллакхо возуш цахилар а лора, отставке ваха лууш волчу цунна билгалвала аьтто а бора[3].
К. Х. Мамацевна дагадеана:
Оцу хиламехь (походехь) а иза цхьана а тайпана дӀахӀоттаман низам лардеш вацара, цуьнан тоба а, шена паргӀата дӀасалела комета санна, массо а метте кхочуш йара, иза шена дагадеанчохь хуьлура, тӀамехь уггаре а кхераме меттигаш лоьхура...
Билгалдахарш
- ↑ 1 2 3 О Лермонтове как создателе русского спецназа. topwar.ru. ТӀекхочу дата: 2025 шеран 3 сентябрь.
- ↑ «Банда Лермонтова»: какой спецназ создал русский поэт на Кавказской войне - Русская семерка. russian7.ru. ТӀекхочу дата: 2025 шеран 3 сентябрь.
- ↑ Миллер. О. В. Лермонтовский отряд. feb-web.ru. ТӀекхочу дата: 2025 шеран 3 сентябрь.
Литература
- Науч.-ред. совет изд-ва «Сов. Энцикл.». Чечня // Лермонтовская энциклопедия. — М., АН СССР. Ин-т рус. лит. (Пушкин. Дом): Сов. Энцикл., 1981. — 615—616 с.