Къаьмнаш цхьаьнакхетаран де

Дезде кхоьллина Россин Федерацин Президента Ельцин Бориса «Халкъийн цхьааллин дийнах лаьцна» цӀе йолчу указца 1996-чу шеран оханан беттан 2-чу дийнахь.1997-чу шеран бекарг беттан 5-чу дийнахь омрица и дезде «Беларусин а, Россин а къаьмнийн цхьааллин де» цӀарца йукъадаьккхина иштта Беларусин президенто Лукашенко Александра^[2].

1997-чу шеран оханан беттан 2-чу дийнахь «Беларусин а, Россин а союзах лаьцна барт» тӀеэцна, цуьнан Ӏалашо йара шина халкъан дахаран тӀегӀа лакхадаккхар, вежаралла, доттагӀаллин, цхьаьнаболхбаран йукъаметтигаш чӀагӀйар политикан, экономикин, йукъараллин, кхечу декъехь.Иштта билгалйаьхначу Ӏалашонашна йукъахь дара дакъалоцучу пачхьалкхийн хаддаза социалан-экономикан кхиар лардар.

1998-чу шеран г1уран беттан 25-чу дийнахь куьгйаздира Белоруссин а, Оьрсийчоьнан а кхин дӀа а цхьаьнатохарх лаьцна Деклараци а, Бахархойн цхьатерра бакъонаш ларйаран барт а, Бизнес-субъекташна цхьатерра хьелаш кхолларан барт а, цуьнца йина протокол а.

Иштта документаш тӀехь билгалйаьхна экономикан а, социалан а сферашкахь интеграци йан лерина белхан меттигаш^[3].

1999-чу шарахь г1уран беттан 8-чу дийнахь Москвахь куьг йаздира Союзни пачхьалкх кхолларан хьокъехь барт а, Беларуссин Республикан а, Россин Федерацин а Союзни пачхьалкх кхолларан бартан низамаш кхочушдаран гӀуллакхийн программа а.

Цу барто чӀагӀдира белоруссийн а, оьрсийн а цхьатерра бакъонаш белхан а, садаӀаран а, могашалла Ӏалашйаран а, дешаран а декъехь, иштта царна бакъо йелира йерриг а Союзни пачхьалкхан территори тӀехь новкъарло йоцуш дӀасалела.

Документ ницкъе йелира 2000-чу шеран кхолламан беттан 26-чу дийнахь, Россин Федерацин президентан декхарш кхочушдечу Путин Владимиран а, Беларуссин президентан Лукашенко Александран а йукъахь ратификацин документаш хийцинчул тӀаьхьа^[4].

2025-чу шарахь 300 сов пачхьалкхашна йукъара а, Ӏедалшна йукъара а барташ бина шина пачхьалкхана йукъахь, тайп-тайпанчу декъехь цхьаьнаболхбар нисдеш^[5].

Иштта цхьана моггӀара дуккха а агӀонийн цхьаьнаболхбаран барташ бина СНГ а, ЕАЭС а, ОДКБ а, ШОС а йуькъахь.

Союзни пачхьалкхан гурашкахь кхоьллина цхьаалла йолу урхаллин структураш: Лакхара пачхьалкхан кхеташо а, Парламентан гулам а, Министрийн кхеташо а, Союзни пачхьалкхан даима йолу комитет а.

2021-чу шеран лахьанан беттан 4-чу дийнахь Союзни пачхьалкхан Лакхарчу пачхьалкхан кхеташоно къобалдира «2021—2023 шерашкахь Союзни пачхьалкх кхолларан барт кхочушбаран низам».

Оьрсийн а, Белоруссийн а дезде хӀора шарахь пачхьалкхан тӀегӀанехь даздеш ду.

Даздарийн гурашкахь Москох а, Минскехь а дӀахьош ю сийлахь барамаш, цигахь дакъалоцуш бу Ӏедалан а, пачхьалкхан урхаллин а ,органийн куьйгалхой а, политикан деятельш а, кхоллараллин интеллигенцин векалш а, йукъараллин векалш а^[6].

Дезчу денца цхьаьнадогӀуш ламастехь дӀахьо конференцеш, культурин а, дешаран а барамаш^[7].

1997-чу шеран оханан беттан 2-чу дийнахь даздарийн хьалхара шо кхачарца Россин Федерацин Коьртачу банко арахийцира 3 сом номиналан дагалецаман детин ахча^[8].