Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Куриев, Рахьим Зеламхин воI

Рахьим Зеламхин воI Куриев (2012 шеран 5 декабрь) — шен хенан категорехь отжиманеш йеш дуьненан рекордхо. Нохчийн Республикин сийлахь вахархо.

Йоцца биографи

Куриев Рахьим вина 2012-чу шеран декабрь беттан 5-чу дийнахь нохчийн Дуби-Эвлара схьаваьлла, жимчохь дуьйна спорте шовкъ гайта волавелла. Цуьнан дас, ша а кӀентан тренеран декхарш кхочушдечу Куриев Зеламхас дийцарехь, Рахьиман кхо шо кхаьчча 100 отжимани йан йиш йара. ЦӀахь йолчу спортзалехь лерринчу программица Ӏамош ву Рахьим, хӀора дийнахь шина-кхаа сахьтехь[1].

Рекорд хIоттор

5 шо долчу кегийрхойн рекорд хӀоттийна Рахьима, 2 сахьт 30 минотехь 3203 отжимани а йина. Шен рекорд йоккхуш кхечеранаш а карлайехира цо:

  • 2 сахьтехь 2559 отжимани;
  • 2000 отжимани — 1 сахьт 30 минот 47 секундехь;
  • сахьтехь — 1419;
  • 1000 отжимани 40 минотехь 57 секундехь;
  • 3000 отжимани 2 сахьт 22 минот 09 секундехь.

"Соьлжа-ГIала" телерадиокомпанин студехь рекордаш хӀитторан барамехь дакъалецира Нохчийчоьнан Куьйгалхочо Кадыров Рамзана а, Нохчийчоьнан спортан министро Ханариков Мусас а. КӀант шен рекордашца декъал а вина, Кадыров Рамзана сихонца Нохчийчоьнан сийлахь вахархо аьлла цӀе тиллира цунна. Сийлахь гражданин цӀе луш йелахь а, лаххара а 20 шарахь Нохчийн Республикехь болх бинчу, республики экономикин а, социальни а, оьздангаллин а кхиарехь, ткъа иштта низаман Ӏедал чӀагӀдарехь, Ӏилманан, оьздангаллин, говзаллин а, дешаран а, Ӏилма а, дешар а кхиорехь шатайпа дакъа лаьцначу бахархошна. Нохчийн Республикин бахархой, йуккъардаккхар дира цунна. Цул тӀаьхьа кӀира даьлча Кадыров Рамзан Рахьимца цхьаьна а кхетта, цунна "Мерседес" машенан догIанаш делира.

Карьера вовшашахлатар

Ша воккха мел хуьлу, Куриев Рахьим ницкъан рекордаш тӀера тӀеман спорте дӀавахара, бразилхойн джиу-джитсун карьера йолийра. И гӀулч нисъелира цуьнан ден а, тренеран а хьалха дӀахьедар динчу планашца, шен кӀант говзанчашна спорте кхачорехь.

Куриев жигара къовсалуш ву 2023-чу шарахь дуьйна, Smoothcomp къовсадаларийн платформехь шен профилехь йаздина ма-хиллара, иза къовсавелла санна йолчу чемпионаташкахь:

  • TWW WORLD CUP CHAMPIONSHIP (гӀуран бутт 2023 шо);
  • TWW BJJ RUSSIAN OPEN CHAMPIONSHIP 2024 (хутоссург бутт 2024 шо);
  • TWW BJJ EUROPEAN OPEN CHAMPIONSHIP 2024 (товбецан бутт 2024 шо).

СовгӀаташ

  • «Нохчийн Республикин сийлахь вахархо» цӀе (2018)[2].

Цунах лаьцна факт

Иза ву Российн Федерацин уггаре жима сийлахь вахархо[3].

Билгалдахарш

  1. ↑ Сразу несколько мировых рекордов установил пятилетний мальчик из Чеченской республики. Новости. Первый канал(бил-боцу.). ТӀекхочу дата: 2025 шеран 11 сентябрь.
  2. ↑ Куриев Рахим Зелимханович. ru-nagrady-by.web.app. ТӀекхочу дата: 2026 шеран 24 август.
  3. ↑ Самый молодой почётный гражданин в России. ТӀекхочу дата: 2025 шеран 28 август. Архивйина 2020 шеран 28 ноябрехь

Категореш