Каримов, Ринат Гасанович

Каримов Ринат вина 1984-чу шеран эсаран беттан 6-чу дийнахь Соьлжа-ГӀалахь^[1].

Цуьнан да-нана эстрадан ансамблехь ловзуш хилла: да цуьнан исбаьхьаллин куьйгалхо вара, ткъа нана солист йара. Шен диъ шо кхаьчча дуьйна ансамблан репетицешкахь хан йоккхура Каримов Рината^[2].

28-чу, 5-чу, 34-чу ишколашкахь, Соьлжа-ГӀалара 1-чу лицейхь, Устрада-ГӀаларчу 4-чу ишколехь, Избербашерчу ишколехь (ДегӀаста), Арзгирерчу йуккъерчу ишколехь (Ставрополан мохк), ХӀинжа-ГӀалара МОУ «Дешаран центрехь» а дешна цо^[3].

1999-чу шарахь шен доьзалца ДегӀастане дӀавахара Каримов Ринат^[2].

2002-чу шарахь ДегӀастанан пачхьалкхан университетан экономикин факультете деша а хӀоьттина, чекхайаьккхина 2007 шарахь^[2].

2003-чу шарахь Каримов Рианта дакъалецира «Денеб — новая звезда» кегийрхойн эстрадан эшарийн къовсамехь. 2004-чу шарахь Расулова ПатӀиматца цхьаьна болх бира; цхьаьна дӀайазйира цара «Подари мне ночь» а, «Для вас даргинцы» а, «Пойми сердце мое» иллеш а^[2].

«Студенческая весна» конкурсашкахь дакъалаьцна, толам баьккхира цо^[2].

Гнесинийн цӀарахчу пачхьалкхан музыкин институтан Коробко Владимирца цхьаьнаболхбира, иза хилира цуьнан хьехамхо. Цо дакъалецира «Народный артист»(оьр.)нохч. а, «5 звезд» а проекташкахь дакъалецира (финале кхачар), ткъа иштта «Радио Шансон», «День открытых дверей» конкурсашкахь^[1].

ХӀинжа-ГӀалахь дуьххьарлера шен концерт хилира 2006-чу шеран хьаьттан беттахь, цул тӀаьхьа шолгӀаниг хилира гӀуран беттахь. Лахьанан беттахь а, гӀуран беттахь Нальчикехь дӀайаьхьира шиъ концерт. 2007-чу шарахь шозза ДегӀастанехь гастролашкахь вара, иштта Ставрополан махкахула а, ГӀебарта-Балкхаройчоьнахула а гайтира^[3].

Телевиденехь ДегӀастара эшархочун дакъалацарца эфире делира «Званый ужин» а, «Comedy Club» а, «Давай поженимся» а, «Хэллоу, Юрмала» а, «Поле чудес» передачийн арахецарш. Ринат Каримовн музыкин композицеш эфире йовлу (лоькху) «Шансон» а, «Радио Дача» а, «Восток ФМ» а, «Милицейская волна» радиостанцешкахь^[4].

• «Шестиструнная гитара»;
• «Я вспоминаю эту боль»;
• «Девушки Кавказа»;
• «Не беги»;
• «Букет алых роз»;
• «В золоте твоих волос»^[2];
• «Спасибо, мама»;
• «Милая моя»^[4];
• «Ты танцуй»;
• «Милые зеленые глаза»;
• «Имя твое»;
• «Боль»;
• «Жизнь прекрасна»;
• «Черноглазая»;
• «Сон»;
• «У родника».

• «У меня была мечта» (2006);
• «Сон» (2007);
• «Жизнь прекрасна» (2008);
• «Букет алых роз» (2008);
• «Белым по чёрному» (2009);
• «Просто я тебя люблю» (2010);
• «Стреляй по сердцу нежностью» (2014)^[4].

• Боцман чайка (2014)^[5];
• Далёкий вечер (2015)^[6].

• Нохчийн Республикин сийлахь артист (2008)^[7];
• ДегӀастанан Республикин халкъан артист (2019)^[8];
• Кхарачой-Чергазийчоьнан сийлахь артист (2019)^[9][1].

Да — Гасан а, нана — Хьава а. Ваша — Руслан^[4].

2009-чу шарахь цо йалийра лакхархо Кагирова ПатӀимат^[2]. 2013-чу шарахь дӀасакъаьстина уьш^[4].

ЙоӀ — Риана^[10].