Кадыров, Беслан Денилбекан воӀ
Бесла́н Кады́ров (1965 шеран 13 ноябрь, Эвтара, Шелан кӀошт, Нохч-ГӀалгӀайн АССР, РСФСР, СССР) — россин боксёр а, тренер а, ССРС-н боксан спортан говзанча а, Нохчийн Республикин физкультуран Сийлахь гӀуллаккхо а.
Биографи
Вина 1965 шеран лахьанан беттан 13-чу дийнахь Нохч-ГӀалгӀайн Шелан кӀоштан Эвтарахь[1]. Боксе лела волавелла иза лакхарчу классашкахь доьшуш волуш.
1984-чу шарахь Ивановехь инженеран а, гӀишлошйаран а институте деша хӀоьттира иза, амма эскарехь гӀуллакх дар бахьана долуш кхидӀа а деша аьтто ца белира цуьнан. Каунасехь хӀаваан-десантан эскаршкахь гӀуллакх дина цо. Эскарехь цо кхидӀа а бокс лелайора, дуккха а къовсамашкахь толам а боккхуш. Уггаре а дика кхиам: Профсоюзийн ВДФСО чемпион[1].
Институт чекхйаьккхина 1991-чу шарахь. 1992-чу шарахь Ивановохь тренеран болх бан волавелира. 2004-чу шарахь иза qeха а Нохчийчу веара, цигахь кхидӀа а шен тренерийн карьера дӀайаьхьира.
«Рамзан» цӀе йолчу спортан клубан инарла директоран гӀовсан даржехь ву иза[2].
Нохчийчоьнан боксан федерацин вице-президент ву[1].
ГӀарабевлла дешархой
- Маташев Шамиль — Россин чемпионатан мидалхо;
- Идрис Селимханан воӀ Шамханов — Российн чемпионатан мидалхо;
- Ислам Вахан воӀ Эдисултанов — Российн чемпионатан мидалхо, Дуьненан тӀеман ловзарийн боксан турниран толамхо, къоман а, дуьненайукъара а турнирийн толамхо а, придалхо а;
- Магомадов Абубакар — Европан чемпионатан финалист.
СовгӀаташ а, цӀераш а
- Нохчийн Республикан физкультуран сийлахь белхахо (2012);
- ССРС спортан боксан говзанча[2].
Примечания
- ↑ 1 2 3 Мовлади Абдулаев. Беслан Кадыров. web.archive.org. ТӀекхочу дата: 2026 шеран 21 июль.
- ↑ 1 2 Рассказы о наставнике. Вести Чеченской Республики © (2012 шеран 12 октябрь). ТӀекхочу дата: 2026 шеран 21 июль.
Хьажоргаш
- Хамзат Джабраилов. Беслан Кадыров – боксер, тренер, менеджер. Вести республики (2012 шеран 7 ноябрь). ТӀекхочу дата: 2026 шеран 21 июль.