Зайд бин Хьарисат
Зайд бин Хьарисат (Ӏаьрб. زيد بن حارثة; 588, СаӀудийн Ӏаьрбийчоь — 629, Мута) — Мухьаммад пайхамаран (ﷺ) накъост а, азатхо а, тӀелаьцна кӀант а ву. Къуръан тӀехь хьехош ву, 37-аятехь сурат «Аль-АхӀзаб»
Дахарех лаьцна
Жималлехь Зайд эцнера Хьаким бин Хьазама, цо Хадижат бинт Хувайлидан велира иза. Пайхамаре маре яхча, цо иза Мухьаммадан велира. Зайд шолгӀа стаг вара бусулба дин тӀеэцнарг. Цул тӀаьхьа цуьнан хӀусамнанас Умм Айман Баракатас а тӀеийцира ислам. Зайд уггаре а Ансарех дукхавезарг вара Мухьаммад-пайхамарна (ﷺ).
ТӀаифе вахар
Мухьаммад шен шича Ӏели бин Абу ТӀелипца и шиъ ТӀаифе ваха араваьллера, цаьршинца Зайд а вара. ТӀаифера наха, берашка тӀулгаш деттийтира царна. Пайхамар ларвеш шен цӀийш оьхуьйтуш вара Зайд. Пайхамар чӀогӀа лазийнера цара.