Хадижат бинт Хувайлид
Хадижат бинт Хувайлид бин Асадуль-Къурашият (Ӏаьр. خديجة بنت خويلد بن أسد القرشية) — Мухьаммад пайхамаран(ﷺ) цхьаъ хилла йолу зуда йу, шен Ӏожалла хиллалца, иза дӀакхелхича Мухьаммада кхин зударий маре балира. Хьал долу жеро хилла иза (шен шолгӀа веллачу майран бахам хилла цуьнгахь), лекха зуда а хилла иза, хьекъале а, кӀайн йуьхь а йолуш.
«ХӀокху дуьненахь дика зуда хилла шен хенахь Ӏимранан йоӀ Марьям, а хӀокху йукъараллин дика зуда Хадижат ю» — Сахьихь аль-Бухари
Доьзалан дахар
Хадижата Мухьаммадан(ﷺ) йалх бера дина:
- Къасим (Ӏаьр. القاسم)
- Зайнап (Ӏаьр. زينب)
- Рукъаят (Ӏаьр. رقية)
- Умм Кульсум (Ӏаьр. أم كلثوم)
- ПетӀимат (Ӏаьр. فاطمة)
- ӀабдуллахӀ (Ӏаьр. عبد الله)
Массо кӀентий бераллин йуьххьехь белла, а йоьӀарий Мухьаммадан пайхамаралла тӀекхаччалц бисина, ислам тӀе а эцна Маккара, Мадинате дӀабахара уьш, и шаберш пайхамар(ﷺ) валле хьалха дӀакхелхина, амма ПетӀимат йоцург, цул тӀехь масех баттахь йисина хилла иза.